米走雞 (太子藍馬之城)

Open Now

Now Closed

今次因為個招牌黃金芝士雞煲而黎🧀😆因為朋友同我都鐘意食芝士，我地簡左激量芝士😋上枱喇，好睬簡左激量姐，因為好似都唔係好多芝士。芝士開始溶喇，不過無乜拉絲個種感覺。食落芝士味都無特別濃，反而有d咸，對於味道有d失望，話哂招牌架嘛。不過雞都好嫩滑，同埋大既份量真係好多雞，四個人食有餘。加分既反而係d火鍋配料手打丸真係好正！好彈牙粒粒都食得出真材實料！值得推介！又係好鐘意既黑松露蟹籽魚麵係我食過最彈牙既魚麵！再點埋附送既黑松露蟹籽不得了，好濃既黑松露味到依架都回味緊哈哈，小店果然手打火鍋配料好掂！至於雪花肥牛，雜菇拼盤同鮮炸響鈴都正正常常。飲品方面仲叫左手工麥子啤酒。總結:食物質素ok，唯芝士雞煲小小失望。不過星期六依間都唔full，所以無限我地時。依點對我地黎講係好事hahaha!

上個禮拜，約左幾個朋友食芝士雞煲，係係太子個邊，好方便，係彌敦道附近。入到去就即刻叫佢落左個芝士雞煲先因為我地都好肚餓。等左大約10分鐘，個雞煲終於滾啦非常香，雞肉差唔多比芝士覆蓋住，而且仲有好多洋蔥。雞肉啖啖肉，而且好嫩滑，充滿芝士香食完雞煲就可以打邊爐啦加入左大量嘅芝士汁就變成左火鍋嘅湯底。食完個雞煲我哋都有啲飽飽地，所以就叫咗肥牛、丸同埋公仔麵。肥牛不嬲都係打邊爐必備嘅食物之一，但係今次我哋就高級啲唔食肥牛，食霜降和牛和牛顏色好鮮紅，脂肪同肉嘅比例啱啱好，碌一碌就可以食得，肉味好濃，唔洗點咬五寶丸拼盤，想試晒咁多款丸，最好就係叫五寶丸拼盤啊。有蝦丸、豬肉丸、墨魚丸、鯪魚丸同牛丸， 每款都有兩粒。我最鍾意食就係蝦丸同牛丸，蝦丸好爽口彈牙，而牛丸就爽口充滿牛肉味芝士出前一丁亦都係我必叫嘅食物之一，本身個湯底已經充滿芝士味，再加上係出前一丁上面加多兩片芝士，芝士味就更加出更加濃郁！好食令人停唔到口可能係因為呢幾日天氣熱嘅關係，所以店入面都唔係有好多人，好安靜。而且呢度嘅冷氣亦都好足夠，所以啲衫唔會咁容易吸到味

「雞，全部都係雞……」也許是最近流行的潮語。雞作為常見的食材，烹調的方法五花八門，其中雞煲可算是廣東菜中一道亮麗的風景線。這家主打芝士雞煲的餐廳，之前曾經在長沙灣見過它的蹤影，想不到現在在太子也開設了分店。店座落於太子站B1出口對面的大廈，交通相當便捷。店家冠以「芝士雞煲專門店」之名，此行又焉有不試之理？兩人就點了一個小的芝士雞煲。雖說是小，份量也是相當多的。乍看之下，店方至少用了兩款芝士，一款是「湯底」的車打芝士，另一款是佈於表面的水牛芝士。芝士的比例和濃度恰當，芝士味不會過於濃烈而搶去了雞的味道，配合清新的雙色洋蔥，可以多吃幾件而不覺滯膩。吃完雞後，可以著侍應加入芝士湯底打邊爐。這一盤西班牙黑豚肉可謂相當有水準，肉味香濃，肥瘦適中，肉質柔軟無筋。鮮炸響鈴較坊間的更厚實，灼五至十秒才感到它慢慢變軟。手打五寶丸分別有墨魚丸、鮮蝦丸、鯪魚丸、豬肉丸和鮮牛丸。全部都新鮮彈牙。豆卜吸收了芝士湯後更是美味。花膠其實就是魚肚羹的魚肚，煮開後既軟綿又能吸收湯汁，香味濃而不腥。娃娃菜爽甜，解膩一流。整體而言食物質素相當具水準，芝士雞煲做法新穎之餘又不失傳統風味，值得欣賞。日後可以再來。

上次聽朋友講旺角有間芝士雞煲J專門店，聽到我呢個芝士迷流晒口水今日一於同老公黎試下！我地叫左個細雞煲，黎到見到都幾大份！應該4個人食都夠！雞上面舖滿芝士等佢溶左就食得啦！芝士溶晒之後，將佢同d雞攪勻晒！食得啦！嘩！好正呀！芝士味唔會太咸，味道剛剛好！d雞全部都係雞脾肉黎o既！啖啖肉！好滑！食完雞之後，就加湯打邊爐啦！值得一讚o既係呢度加湯係用返芝士湯而唔係用清湯，唔會溝淡左個芝士煲o既味！虎蝦好新鮮好彈牙成隻手掌咁大隻牛頸脊打邊爐必選呢度o既 牛頸脊好新鮮肉質好林，咬落充滿肉汁牛頸脊吸收左d芝士湯，好邪惡呀！超好味！花膠近來打邊爐好鐘意食花膠呢度o既花膠好厚身食落好黏口！滿滿的骨膠原！好幸福呀！手打5寶丸我最愛蝦丸&墨魚丸好彈牙！好鮮味

上星期見有個朋友fb post 咗張芝士雞煲相. 我睇完非常有興趣去食. 上openrice search 完,見太子有分店位置較方便我們大班人放工過去,即刻call 齊人打鐡趁熱 book 位第二日去試.有朋友唔食得辣,但又有人話雞煲唔辣唔好食. 既然我們有六個人,決定叫兩個細嘅雞煲嚟試. 最多等陣叫少D火鍋料.芝士雞煲(小)先來到. 一開始上枱時還看到有芝士碎放在最上面. 店員先將煲蓋上焗幾分鐘,然後幫我們拌匀. 打開時芝味四溢,芝士碎溶掉混和醬汁掛於雞件上,視覺及味覺都很邪惡,我們來的目的就是這個. 份量其實都不算少,我想大概跟出面半隻雞一樣吧. 雞件嫩滑,芝味濃郁,我們非常滿足. 連同行話要辣雞煲先好食既朋友都十分欣賞,一轉眼清煲.麻辣雞煲(小, 少辣)唔知係專登定咁啱,我們食芝士雞煲食得七七八八嘅時候,麻辣雞煲就邌到. 侍應將雞煲放低後,叫我們先忍住雙筷,佢仲要攪攪先. 我們都意會為攪拌均勻嘅服務啦,坐定定等食,原來唔只咁簡單! 侍應唔知喺邊變出一個打火器,説時遲那時快將個雞煲點起火焰! 我們被殺個措手不及,急急攞手機出邌影低好呃like.熄火後侍應再攪勻雞件,香味四溢,終於

呢幾日天氣轉凍，去食下雞煲暖笠笠雞煲除左麻辣好食之外，原來芝士味嘅選擇⋯⋯ 放假點可以唔黎食啊一去到就見到門口要排長龍，如果要去，建議食家早少少到坐底梗係叫個芝士雞煲食啦！$188 (4人份量)雞煲黎到果真好大煲，毫不吝嗇的芝士舖面，熱熔落d雞肉度，濃郁芝味之餘，保持到雞肉嫩滑，餐廳細心得用洋蔥舖底，不但令洋蔥香味容易揮發出黎，令芝士雞又香更惹味，仲可以令到雞肉不會黏底，令食客慢慢細味當中滋味 食完雞煲之後，當然要加湯，黎個芝士火鍋啦！食材選擇多，當中的 虎蝦、蜂巢冰豆腐、手打五寶丸、豬頸肉最令人驚喜虎蝦係採用新鮮大隻虎蝦，少見餐廳有提供選擇，最重要價錢好抵！88蚊有6隻！放落芝士鍋來一味芝士蝦，不但食到香濃芝士味，仲可以享受蝦肉彈牙大隻，令味蕾享有高層次享受 蜂巢冰豆腐（$18 半份），第一次聽，都係第一次食～ 冰豆腐吸收了芝士，成了芝士豆腐，一咬豆腐，芝士汁就勁豐富，豆腐質感就好似蜂巢的結構咁，令到豆腐不會太實，鬆軟之餘，有似豆卜嘅咬口，不妨一試，挺特別 響街上五寶丸就聽得多，餐廳就採用手打形式，令食客食到食材新鮮，原味～ 手打丸當然係要食材新鮮，否則就好

這間芝士雞煲超火紅，上年本想一試，可惜booking排到數月後，walk in更是不可能的事呢。不過它係太子開左分店喇！太子分店地點很方便，由地鐵站行過去都不到3分鐘，相比長沙灣總店真是方便多了。為避開周未的人潮，於是便訂星期四晚上，誰知去到已經坐滿8成了，可見芝士加雞煲的魅力。我們一行3人被安排坐近廚房門口，因不想店員出菜走黎走去，所以詢問店員可否調位，店員亦很快為我們安排。甫一坐下，就見枱上的餐紙非常貼心，除左有2款雞煲（芝士&麻辣）的食法外，仲有專為芝士雞煲而設的火鍋推介及人氣火鍋料排行榜，啱哂我呢d又為食又有選擇困難的懶鬼。火鍋配料有齊大路選擇，海鮮肉類丸類蔬菜樣樣齊，不過最吸引的是手打鮮制系列。哈哈蝦中寶、魚歡喜、wasabi鮮墨丸，見到個名都想試呀。重頭戲芝士雞煲！！！一放落枱即刻嗅到濃濃芝士咸香，大量芝士包住雞肉，絕不是偷工減料之作！而且雞件啖啖肉分量又多，並不像其他雞煲的雞，骨多過肉。濃濃的芝士包著雞肉，味道出奇地夾，我地一件接一件，食到停唔到口。呢個中西合壁，芝士加雞煲戚力真係唔講得笑。係打邊爐前，梗係搵啲野清清味蕾先再戰。叫左一個酸甜青瓜皮，你無睇錯，係青瓜「皮」！

一班朋友食飯，天氣凍真係要打個邊爐暖下個身。竟然咁多人緊係要早就book定間人氣十足既米走雞。呢間鋪頭之前都聽講過想walk in都有排等，去到果然有好多人，好彩真係有book到。場內夠光猛又整潔，地方又舒適，通風都唔錯。黎到米走雞緊係要試下佢地個黃金芝士雞煲，呢個亦都係成個邊爐既精髓。呢個煲既芝士，香而不會太濃縮，味道剛好。上台時芝士已經半溶，雞塊一口一件大小岩岩好，舊舊雞都有芝士味。食到咁上下，就可以加湯，咁就變成芝士湯底啦。配料首先叫左脆鯇腩，水餃，手打五寶丸。脆鯇腩$68 真係非常可口鮮脆，鯇腩入口時真頭有索索聲。鳳城水餃$68 皮薄，肉質鮮嫩。手打五寶丸$78 有豬肉，蝦肉，墨魚，牛肉同埋鯪魚肉。全部爽口彈牙，人手打制。食到咁上下，係時候飲返d打邊爐最岩飲既野，就係竹蔗茅根$58，一渣都幾大咖。清甜冰涼，邊爐最好配塔。除左以上幾味新鮮好味既主菜，緊係要叫返d邊爐必要既配料。木耳，響鈴，炸魚皮，竹笙通通都好抵食唔貴，又夠大碟。最緊要全部都新鮮。 

長沙灣老店吃過兩次，食物好味不過地方淺窄，今次太子開新店，專程來捧場，看看有甚麼分別！新店環境非常舒適，地方十分寬敞，更有兩個房間可以包房，最多可以坐16人，非常適合朋友聚會又唔怕騷擾別人。佢地以“芝士雞煲”起家，當然要試吓。我地4個女孩子醒目地點了2-3人份，因為份量十足，剛好足夠。“芝士雞煲”仍然保持老店一貫水準，滑滑的雞件被香香黃黃的芝士滿滿的鋪蓋着，令人垂涎欲滴。稍待芝士溶化時，聞到這麼香噴噴，簡直急不及待想馬上品嚐！芝士輕盈幼滑，滑而不膩。雞肉香軟鮮嫩，沾上溶化了的滑滑芝士，口感滿足，令人回味無窮！除了主打“芝士雞煲”，當然唔少得我至愛嘅牛肉，點了$188的“新鮮牛頸脊”。牛肉肉質通透鮮嫩，光澤誘人，牛味十足，令人回味無窮！“手打五寶併盤”我個人最喜歡手打鮮墨丸及凌魚丸，爽彈鮮味，每粒都飽滿豐盈，賣相吸引，一碟試晒不同口味。“鳳城水餃”和“鮮蝦雲吞”同樣每粒都肥肥大大，用料毫不吝嗇，皮薄蝦鮮，不容錯過！唯一挑剔的是“脆鯇腩”，切得較為厚身，食落有些少“鞋口”，若可以切薄些會好好多。整體來說食物水準不錯，環境乾淨衛生，寬敞舒適，服務殷勤，實在值得一試，尤其是喜歡芝士雞煲的朋友，