3 CREPEs

Open Now

Now Closed

晚飯後又想食甜品，難得有肚食又來到大角咀(平時真係好少來)，當然去轉3 CREPEs，出名的可麗餅，終於可以食了。 餐牌，主打抹茶，除了售賣可麗餅，仲有雪糕及飲品等。可麗餅有咸味及甜味，款色都幾多選擇，每款都好吸引，揀左陣先揀到。因為太受歡迎多人幫襯，製作時間約30分鐘，可留電話OK會打比我地，好方便，店員都好nice^_^~!等待時睇左陣製作過程(個人幾喜歡睇人整甜品)，之後又兜左圈周圍行下，感覺上都好快有得食了。賣相實在太靚即打卡XD。焦糖吉士可麗餅，$48，人氣之選，見好多人試呢之下好奇一試，賣相有點似布甸，面層有薄脆，味道似焦糖燉蛋，外皮煙韌，內餡軟滑香甜，係幾好味，但個人感得都幾甜。抹茶紅豆白玉可麗餅，$48，友人的，人氣之選，賣相好吸引，日式的美感，試了少許，抹茶味濃郁，幾好味。美味的可麗餅，賣相得又好食，價格合理，店員好親切，有機要再食。

難得放低個女出去拍拖, 緊係要周圍搵好野食啦! 富多來附近有好多特色小店, 地下就有一間賣可麗餅嘅小店, 中入去睇下有咩食先!...原來有幾十款鹹甜可麗餅選擇🫣我全部都想要喎! 最後揀左Signature嘅抹茶紅豆白玉🫡最估唔到係原來個可麗餅皮都加左抹茶🍵唔係用原味餅底🫓加埋紅豆🫘抹茶醬🍵餅乾🍪白玉, 真係好yummy🎊另外仲加左一塊菠蘿乾, 酸酸甜甜咁好得意🍍...另外仲叫左個粒粒芒果冰茶🥭真係有新鮮果肉係入面😍完全估佢唔到, 唔係普通溝啲糖水俾你架喎!!!...°°°°°°°°°°°°°°°°°°°°°°°°°°°°°°3 CREPEs @3_crepes_hk📍大角咀博學里3號富多來商場一期地下1號舖☎️46784130

星期四lunch自己去了大角咀的3 CREPEs吃日式可麗餅。可麗餅有鹹有甜的選擇，我比較喜歡吃甜的可麗餅，所以叫了一份甜吃可麗餅，再加一杯飲品。抹茶紅豆白玉可麗餅掙扎了許久，最終選了抹茶紅豆白玉，因為想吃白玉。可麗餅即叫即製，要預時間等候。可麗餅皮很薄很軟，包著幼滑的忌廉和抹茶忌廉，頂部再加白玉、紅豆和菠蘿乾片，甜甜的紅豆和苦苦的抹茶真是絕配，一個吃完原來挺飽的。水蜜桃冰茶可以叫少甜，能夠解膩，購買任何可麗餅，飲品可減$10。

呢間可麗餅專門店開業未夠一年 已經躋身大角咀隱藏美食嘅行列(≧∇≦*)早排終於去朝聖 小店果然誠意滿滿 口味選擇超多 有咸有甜～最重要係即叫即製 又落足料啊.♥ 抹茶紅豆白玉可麗餅 $④⑧.♥ 士多啤梨朱古力可麗餅 $④⑧.♡ 玫瑰荔枝梳打 +$②⓪♡ 水蜜桃冰茶 +$②⓪.賣相令人心情大好啊(oﾟvﾟ)ノ𝘾𝙧𝙚𝙥𝙚採用日式製法～餅皮較薄較軟身 忌廉軟滑輕盈 唔太甜膩 抹茶嗰款嘅忌廉同餅皮都係茶味🍵食落微甘不澀 白玉大粒又軟糯 紅豆剛好增添返點甜味士多啤梨嗰款內餡充滿果香🍓餅皮係朱古力味 香甜十足 小朋友必定大愛漸層飲品同樣係打卡之作 食完餅飲返杯精神爽利～全程喺側邊望住老闆落足配料 仲好有要求 見忌廉唧歪咗都要再整過 估計老闆係處女座哈哈(･ิ‿･ิ)

大角咀竟然搵到間隱世嘅小食店😍 主打即叫即做既手工可麗餅😋 以前係日本食過感覺偏多Cream口感麻麻地😅 但係呢間小店既用料高質可麗餅口感好煙韌😚 選擇配搭重要好豐富添❤️⭐️ 抹茶紅豆白玉可麗餅 🍵餅皮煙韌帶濃郁既抹茶味💚 即叫即整所以唔會好乾👍🏻 餡料豐富到滿瀉🤣 滿滿嘅抹茶同埋原味Cream好幼滑🍼顯得出用料高質唔會膩配上紅豆白玉經典嘅配搭口感豐富🍡 特別加上一球雲呢拿雪糕🍦香濃得黎所有口味變得融洽在一起⭐️ 熱情果冰茶 🧃酸酸甜甜加上一粒粒熱情果籽非常解渴💜配上紅茶帶回甘嘅味道好適合夏日☀️

近期大角咀人氣日式可麗餅大家又試過未？😝前幾日經過大角咀終於有機會食到👏🏻。佢哋嘅主打日式可麗餅質感都較輕盈。餅皮部分用上日本麵粉，所以食落香滑D。今次我就試左呢兩款口味，「焦糖吉士」同「抹茶紅豆白玉」。兩款味道中間都會加入唔同醬、脆脆、同果仁，比一般只放忌廉，營造出唔同嘅味道同埋口感。「焦糖吉士」有D似焦糖燉蛋，會加入焦糖醬、忌廉芝士同忌廉，係吉士醬上灑上砂糖，再用火槍燒至薄薄焦糖，賣相同味道唔錯，唔會過甜又好味！鐘意抹茶🍵既朋友就要試下「抹茶紅豆白玉」，小店採用香濃抹茶醬，味道突出。配料就有紅豆🫘、煙韌軟糯既白玉同菠蘿乾，味道同抹茶🍵好相襯😌，仲夠哂多料！口渴既可以叫返一樽飲品，今次就揀左菠蘿梳打，入面加左蝶豆花同菠蘿🍍，漸變色好靚，味道清新唔會過甜，天氣熱叫番杯就啱啱，跟餐叫仲可以減$10添👏🏻總體嚟講，可麗餅質感較輕盈，食果時唔會好乾身，感覺唔錯👍🏻！掃街推介，大家有機會都要試下～～

大角咀精緻日式可麗餅✨早排見到好多人介紹依間位於大角咀嘅可麗餅專門店，但蕃茄仔每次去都要等最少35分鐘以上，所以次次都冇食到☹️今次終於食到了，仲唔洗等好耐，只係等咗大約10分鐘😍依間小店以鮮明嘅橙色裝潢為主，非常搶眼🤣而內部主要以白色同淺木色為主，俾人一種簡潔嘅感覺🤍門口仲有透明玻璃可以望到入面嘅製作過程，不得不讚嘅係製作環境同過程都好整潔👍🏻可麗餅嘅款式好多，仲有鹹嘅款式可以選擇，不過個人認為鹹嘅款式有啲偏貴，所以今次淨係叫咗2款甜嘅可麗餅🙇🏻‍♀️可麗餅嘅大細都好適中，作為飯後甜品啱啱好😆餅皮好夠軟身同煙韌，蕃茄仔覺得唯一美中不足嘅係可麗餅入面嘅餡太少，2款可麗餅除咗cream上面嗰啲之外，基本上唔係好食到餡料，淨係食到忌廉同餅皮🫢🍅香橙朱古力可麗餅 $48賣相真係好令😍好適合打卡😆整體味道比想像中好味🤤加分位係啲cream打得好滑，又唔算太甜，所以食完唔會覺得膩😋可麗餅入面有少少橙味嘅粒粒(?)蕃茄仔估應該係果乾，但唔太肯定🫢中間仲有少少脆脆🙈食到尾好似有一舊仔橙😂🍅抹茶紅豆白玉可麗餅 $48依個可麗餅嘅特別之處係佢個餅皮都係抹茶味🍵加上自家製嘅香濃抹茶忌廉，完全係出面食唔到嘅味道