樂天皇朝 (青衣城1)

Open Now

Now Closed

通常在星期天我和阿妹都會帶著行路不太方便的老媽子出去逛逛，今天下午也不例外，我們坐的士去青衣城，本想週圍行行，見到青衣城有好多商舖都轉換了，但仍見位於3樓的樂天皇朝還在，又見有少少肚仔餓，我地一行3人推著輪椅就上去睇下有無位!剛巧是下午兩點幾，過了午飯時間，店舖不算太多人，侍應見我哋有輪椅，也很貼心地安排我哋坐corner的窗口枱，枱與枱的位置很濶落，而且又有小火爐興住茶壼，一邊傾喫，一邊飲茶，確是嘆滬式下午茶的好地方!由於我哋是想入來食啲嘢順便給老媽子休息下，所以就order咗3道小食:-招牌原汁小籠包： 小籠包一籠有6個，送上來熱辣辣，size好正宗，咬落去肉汁鮮味，皮薄餡靚 ，而且又不覺得膩，食完好想繼續食，yummy!蘿蔔絲酥餅：蘿蔔絲砌得很又幼細，味道又很香甜，再加埋酥餅焗得很鬆脆，整個配搭恰到好處，唔怪之得是這裡的必食之選啦!皇朝擔擔麵： 由於我們不吃辣，我們叫了走辣! 擔擔麵份量好足料，麵條非常煙韌彈牙，沒有浸到淋bet bet，而且湯底非常濃鬱，再加埋花生碎和蔥花，味道非常惹味可口! 整體來說，小妹好滿意今日的滬式下午茶，既可以舒舒服服歎茶，又可以品嘗美味食物；而且吃

今晚下班跟朋友來了樂天皇朝食晚餐～估唔到平日的晚上，餐廳都有滿滿食客，人頭湧湧，十分熱鬧。我跟朋友當然少不了必食這裡的招牌原味小籠包～小籠包可以揀6隻或10隻～我們點了6隻～小籠包相當出色，皮薄多汁，一咬下，小籠包內既湯汁一湧而出，又香又熱辣辣的，肉味相當香濃，十分之鮮甜。而且中間的肉餡都相當夠份量，十分之出色同好味，超喜歡這兒的小籠包。最近仲有期間限定～仲有最回味既貓山王榴連小籠包，而且仲有特價～$48 就可以試到6粒了，相當抵食，可惜當我下單後才見到檯上放了這個優惠，只好下一回再來嚐嚐。相信味道都十分特別。餐廳除了小籠包出色外，其他點心和菜式都相當不錯。無錫鮮肉鍋貼，煎得金黃香脆，肉餡又香又足料，一咬下，湯汁一湧而出，相當之惹味。點心做得相當出色。我們仲點了一客川味涼皮，辣辣的口味，十分之開胃同刺激。涼皮闊身彈牙，沾滿了辣汁，十分惹味，呢客涼皮份量很多，十分飽肚，抵食。鮮蝦豬肉雲吞湯豬骨拉麵，乳白色的豬骨湯底香濃無比，配埋鮮蝦豬肉雲吞，大滿足。每隻雲吞都漲卜卜，十分足料，一口咬下去，豬肉的香濃跟蝦肉的爽口，啖啖都散發著鮮味，好吸引呀。仲配上了拉麵，整碗麵都非常之好味，而且份量又多。

今日同老公去咗青衣城，去咗樂天皇朝食lunch ,因為我好想食小籠包，同埋佢哋嘅餐牌都有好多選擇，也有無肉餐單啱食素嘅老公。我哋叫咗呢啲：💛招牌原味小籠包💛皇朝擔擔拉麵🍜💛上海媽媽烤麩💛竹炭流沙包甜點：💜宮廷驢打滾💜香煎豆沙窩餅佢哋嘅小籠包真係必叫，每個都皮薄多汁，夾起上嚟又唔會穿，好食到我可以一個人食曬成籠都得😂老公就特別鍾意個擔擔面，麻醬花生醬味濃郁又帶點少辣，越食越滋味。仲有個甜品驢打滾都係我地好鍾意，好似糯米糍質地嘅皮有好多豆沙餡卷成，跟住外面就有啲好似黃豆粉包住。其他食物都唔錯，其實仲有好多嘢食都想試但係兩個人肚皮有限，唯有等下次有機會再試吓其他。

今日去左樂天皇朝食上海野青衣分店超大, 到夜晚八點仍然非常多人仲可以睇住廚師製作🤣一坐低, 每枱都會送上滷栗子花生,花生非常軟綿, 滷水香濃入味我就叫咗佢哋嘅招牌原味小籠包, 真係皮薄餡靚, 夾起唔會容易穿, 但係入邊又充滿湯汁, 湯汁唔油膩, 真係幾出色😋另外食上海野必食上海生煎包, 生煎包底部煎得香脆, 包鬆軟, 同樣包住滿滿湯汁嘅餡🤣👍另外都叫左皇朝擔擔拉麵同雪菜鹹肉炒年糕擔擔麵口味偏辣, 麻醬味濃郁😆麵質彈牙, 每一條麵都索滿湯汁年糕非常煙靭, 雪菜切得非常幼細雪菜分怖非常平均, 每一塊年糕上都有, 每一啖都帶點鹹香

今日我請屋企人食飯🤭 佢哋最中意食上海嘢，梗係嚟呢到食😋 呢到裝修靚，坐得舒服，佢仲俾咗望住成嗰青衣城嘅靚境俾我坐🤭 上海風味醬鴨 $63 - 見廚師推薦就試下，的確係有味覺上的衝擊，我完全未係其他地方食過‼️口感似臘鴨，但無咁咸，加埋啲秘製醬汁，絕對值得一試😋招牌原味小籠包 $68/6粒 - 必叫小籠包是常識吧😂 小籠包有八種味，除咗原味，我最中意食蟹粉、鵝肝或者黑松露😋 好足料，但同媽咪爸爸食都係叫返正常口味😂 無錫鮮肉鍋貼 $38/3粒 - 外脆內軟，肉汁多😋刀切小饅頭 (炸) $30/3個 - 呢嗰係技巧錢，佢做到外脆內軟，加埋煉奶就100分😋 李白醉雞 $88/例 - 從來無令我失望嘅醉雞，好濃烈嘅酒味，啲肉好嫩口😋皇朝擔擔拉麵🍜 $65/例 - 我叫咗少辣，絕對有理到顧客嘅要求🤭 因為好多餐廳叫咗小辣，都辣到飛起🥴 佢啲花生味好香🥹 3個人加埋一連埋茶位埋單$413.6，因為我唔會就咁食花生🥜所以免咗小食，人均消費係有啲貴，但食物質素絕對有保證😝

由於疫情嘅關係，同貓生倆口子近近地嚟到青衣城，見到樂天皇朝竟然冇乜人排隊樂天皇朝喺青衣城嘅3樓，環境闊落舒適前菜-芝麻醬油麥菜清新爽脆主菜-招牌原味小籠包皮薄饀靚好Juicy-黃朝話梅骨略嫌瘦咗d，味道ok-雪菜蝦仁炒飯吵得粒粒分明，加咗d雪菜都幾惹味甜品-擂沙湯丸熱辣辣上枱芝麻好香唔講唔知樂天皇朝係星加坡嚟，估唔到做中菜都做得咁出色，服務都唔錯晚市時間爆曬場，侍應都會問你甜品使唔使再分開上、抵讚

有一段日子冇去食上海菜，今晚忽然好想食小籠包！上Openrice search咗一陣，見到樂天皇朝喺青衣城開咗分店，於是就過咗黎開餐七點幾鐘黎度，門口已經企左啲人喺度等位，好在都唔駛等好耐，而且餐廳附近都好多鋪頭，等位嘅時間都唔會悶！入到去之後，發現呢間樂天皇朝都幾多坐位，唔怪得人龍可以消化得咁快！餐廳新裝修，新淨又光猛，感覺唔錯。餐牌同其他樂天王朝係一樣嘅，排隊嘅時候我哋已經諗咗食乜嘢落單之後，我哋就一路食兜花生栗子，一路等食物。呢兜花生栗子賣相雖然一般般，但其實幾好味，兩樣嘢都煮到好軟熟。好，先黎一個芝麻醬油麥菜！捲起來嘅油麥菜口感好爽脆，配油麥菜嘅芝麻醬味道特別，鹹鹹甜甜咁，令人非常開胃！後來侍應見我哋兜芝麻醬差唔多點完，仲話可以添加跟住就到賽螃蟹呢個餸差唔多食親上海菜都會點，炒蛋口感滑溜，整穿蛋黃以後，蛋汁溶化喺蛋白入面，好睇又好食然後，今晚點左我哋兩個人好少點嘅松子桂魚，因為份量唔少，次次都怕食唔晒會浪費。松子魚𠝹咗花，外型美觀；口感鬆脆；味道酸酸甜甜，好食到停唔到口（不過真係幾大碟！！）今晚，當然唔少得要食一籠我朝思暮想嘅小籠包小籠包皮薄饀靚，而且入邊有滿滿的湯汁，味道鮮甜

今天下午到了青衣開會，於是相約羊媽媽到青衣城吃晚飯。青衣城新開了這間樂天王朝，差不多七時來到，門口已經有人在等位，幸好只等了大約15分鐘，羊媽媽來到時就剛好有位置了。樂天王朝的裝潢非常光鮮新淨，座位頗多，但感覺不會很逼夾！侍應安排我們坐在玻璃旁的位置，感覺更加開揚餐牌是圖文並茂的，很多食物看起來都很吸引！然而，最吸睛的，莫過於是樂天王朝招牌的八色小籠包細看一下各種顏色的味道，似乎不太合我們的口味，於是我們就只點了原味的小籠包和其他各款食物除了小籠包，其他食物很快就上桌了！這個李白醉雞堆砌成一個球狀，賣相討好！吃起上來雞皮爽、雞肉嫩滑，口感不錯不過，可能我偏好重酒味的食物，感覺這醉雞酒味可以濃郁點。蘿蔔絲酥餅是我們食上海菜或飲茶經常吃的點心，這裏做得非常不錯酥餅非常酥脆，而且應該是即點即做的，上枱非常熱辣辣，入面的蘿蔔絲餡是熱得燙口的我們要了一客清燉雞湯。這湯用一個精緻的湯碗上桌，湯汁很淸，雞油已撇去！味道鮮甜的雞湯原來份量不少，兩個人分來喝剛剛好，大家都滋潤一下再來是一道上海清炒蝦仁，這菜式看似簡單，但其實要做得好吃，從選料到製作，每個步驟都不能馬虎。這蝦仁顏色乳白中帶一點點淡紅，而且