豆漿大王

Open Now

Now Closed

🇭🇰豆漿大王·我本人其實幾鍾意食粢飯嘅 不過自從我有一次食得比較急 無咬得好好所以全日都一路ung住個胃之後我就好耐無食啦🫢🫢難得個日黎九龍灣呢邊就決定比多次機會食下呢間米芝蓮小店😎·招牌正宗上海粢飯$16我自己覺得呢間對比起銅鑼灣我食開sogo對面嗰間配料冇咁多 而且佢係細舊啲既 不過佢呢個感覺上就無咁大負擔 因為佢係薄薄一層飯既姐 食落balanced啲😎之後佢中間個油炸鬼都好脆 而且佢個炸菜同肉鬆係有少少辣嘅 食落惹味啲🤤🤤女仔食既話其實一個都夠晒😌·#rbyeat#rby港式#rby九龍灣 #rby新蒲崗·📍九龍灣牛頭角道77號淘大商場2期地下G208-209號舖📍新蒲崗大有街34號新科技廣場地下9號舖

今晚約咗老媽子撐枱腳，佢指名要去淘大食豆漿大王。佢有分室內同室外座位，由於室內已爆滿而前面仲有幾枱等緊，見天氣涼涼地，我地就選擇坐室外。老媽子一坐低就點哂佢想食嘅野：招牌正宗上海粢飯、雪菜肉絲麵、煎釀豆腐、炸銀絲卷，另外加兩杯凍豆漿。粢飯：夠哂熱辣辣，有榨菜、肉鬆同油炸鬼，油炸鬼好脆，調味好夠，不過感覺比外面嘅粢飯細條，同老媽子一人一半唔係好夠喉😕佢menu上面話有得加錢加料，其實仲有冇位加架？雪菜肉絲麵：係我鍾意食嘅上海麵，雪菜非常多，肉絲都好多，不過好乾好柴😖煎釀豆腐：豆腐算有豆味，但呢度嘅肉似乎全部都有又乾又柴嘅毛病，我寧願佢淨係煎舊豆腐比我我覺得仲好食啲😓炸銀絲卷：呢條銀絲卷裏面真係一絲絲的，我諗出面大部分嘅銀絲卷都係搓個饅頭出黎比你算🤣又熱又脆，點煉奶真係好好味！😋兩杯豆漿就正常發揮。聽聞呢間店嘅新蒲崗店攞過米芝蓮，好奇兩間差別到底係邊？

呢間由新蒲崗工廠區開到黎九龍灣淘大廣場既豆漿大王，之前總店榮獲《米芝蓮指南香港澳門》推介的街頭小食，名氣之大，吸引左我要走去試試我夜晚7點半去食，室內座位已經坐爆，拎左張飛仔，等左10分鐘就有位坐 除左室內，想坐户外既朋友仔都可以揀外面坐，即刻就有位添餐牌好多選擇，價錢超級親民抵食入座後急不及待落左單先，勁肚餓喇！先黎呢個玉水漿，勁清甜，外面除左超市可以飲到，好少鋪頭有得飲，讚呀！呢個粢飯真係無得頂，即叫即做，油炸鬼香脆，配上肉絲炸菜，而且配料仲可以自己加$2-$7加大添，無得輸酸辣湯勁惹味，有豬皮做配料，加上豆腐，酸酸辣辣，勁開胃既湯品煎餃子香脆，入面勁多汁豆腐鹵蛋麵既豆腐同鹵蛋好入味酥炸雲吞炸得勁香脆，熱辣辣最後食左小籠包，入面勁juicy，即叫即整，勁高質