劉興記生煎包專門店

Open Now

Now Closed

之前喺旺角試過佢嘅分店，而今日咁啱去開上環附近見到依間主打生煎包店嘅店舖，午餐時間就決定咗食佢醫肚啦🫡 價錢絕對係抵又大份，啱晒附近返工嘅打工仔食🍲 生炸雞扒蔥油拌麵（$42） ：份量其實都好大，雞扒係即叫即炸，所以好脆卜卜，肉質好Juicy . 🍲 鮮雞湯小雲吞-12粒（$30） ： 小雲吞配以係濃烈既雞湯味道好好食🥢招牌生煎包-2個（$20） ：作為生煎包專門店點可以唔買生煎包呢？由於係即叫即整，所以需要等小小時間。 食嘅時候真係要小心啲，因為係真係爆漿㗎！🤣🤩🤩 滿滿嘅肉汁爆出嚟成件事好吸引，啲肉質非常之Juicy肥瘦岩岩好！ 🥢蟹黃生煎包（ $18 ）：除咗招牌生煎包外仲有特別口味就係蟹黃生煎包🦀 食嘅時候都要小心，因為係會爆漿的，蟹黃好足 🤩🦀🥛 低糖豆漿（凍）（$8） ： 竟然係任飲！？只要滿$60就可以飲飲豆漿 ，真係唔係講笑！ 咁嘅價錢任飲其實真係超級抵！

餐牌選擇都幾多 除咗生煎包 仲有各式湯麵、菜飯、雲吞、小食價錢實惠 我就直接嗌左皇牌套餐 $54有齊主食+生煎包+豆漿😍✿ 招牌生煎包 ✿上枱熱辣辣💨咬落去湯汁爆晒出黎💥外皮煎香 皮薄內嫩👍🏻✿ 麻醬手撕雞絲粉皮 ✿依個麻醬幾有驚喜 唔係好creamy嗰種 偏向係麻油咸香麻醬好慷慨 每條粉皮都掛晒汁😽雞絲同青瓜絲既份量都好多🙌🏼✿ 招牌上海排骨菜飯 ✿好大碗飯😹😹炸排骨都好大舊肉厚之餘入面肉質粉嫩😻不得不說老闆真係幾有人情味雖然鋪頭收8點 但有婆婆8點黎到想買外賣老闆都照做比佢 介紹有咩好食仲主動邀請婆婆入黎堂食 陪佢傾偈咁有人情味既小店宜家真係買少見少🥲🩷

最近行街見到依間上海菜開左好多分店今日行過上環分店 就心血來潮走入去試吓叫左三款食品當然要試一試餐廳嘅招牌生煎包生煎包外皮好薄 包底煎到好香脆 脆卜卜咁咬落去包入邊嘅肉汁鮮甜爭啲噴到周圍都係 真係好多汁包入邊嘅肉餡肥瘦均勻生煎包上面仲加咗好多黑芝麻咬落去陣陣芝麻香味再加埋香蔥 真係幾好食麻醬手撕雞絲粉皮份量幾大麻醬味好香濃 醬料好多有好多好清新嘅青瓜絲粉皮晶凝通透店員話啲雞肉係用新鮮的三黃雞用人手撕肉製成 特別有口感另外再叫咗個鮮雞湯小雲吞湯底係用左十多隻三黃雞熬煮唔怪得知咁鮮味 小雲吞嘅份量都幾多好有咬口小雲吞嘅肉餡調味都調得幾好少少的空間坐滿左食客 有堂食客人 有外賣客人咁好食 唔怪之得咁好生意

放工時間在上環看到這間新間的生煎包小店，不要吃Heavy的Dinner，不如來點生煎包填飽肚子。除了招牌生煎包外，還有上海排骨菜飯、酸辣湯、豆沙窩餅等上海料理。套餐附送冰凍豆漿，即時倍感涼快！- 麻醬手撕雞絲粉皮 + 生煎包2pcs $54- 鮮雞湯小雲吞12pcs + 生煎包2pcs $54每桌必點的招牌生煎包，熱辣辣出爐，Size比One Bite Size略大，包底煎得香脆，上面灑滿黑芝麻，皮薄多湯汁，裡面的鮮肉餡也頗紮實。即使已刻意小心噴汁，也差點難逃一劫。 麻醬雞絲粉皮份量頗多，足夠當一個正餐。麻醬下得大方，拌著青瓜絲、雞絲和滑溜溜的粉皮，每一口都是麻醬的香味。在又濕又熱的天氣下，不想吃熱騰騰的晚飯，這個涼拌菜來得正合時！小雲吞迷你Size一口一粒無難度，加上清爽的雞湯底，口味簡單又健康。

生煎包滾水煎法嘅生煎包，先蒸熟上半部分再煎香包底咬一口滿滿既湯爆黎不過生煎包皮比較厚身同未至於做到完全脆皮不過老闆有解釋話厚底才會脆不穿Pan-fried Steamed Buns (Sheng Jian Bao)Using the boiling water pan-frying method. The top half is steamed and then the bottom is pan-fried until it becomes fragrant. When you take a bite, t_he buns burst with soup. However, the bun skin is relatively thick and hasn‘t achieved a fully crispy texture.

今日同朋友係上環行完街，搵間餐廳食lunch~好耐冇食過生煎包啦😂咁啱見到附近有間食生煎包嘅餐廳就入咗去食👍🏽果然冇令我地後悔！我地兩個人叫左3樣野，再一人一杯豆漿就飽晒😋1. 招牌生煎包 (4粒) $30 ‼️一定要食‼️- 超級juicy😋爆汁！個生煎包一上枱熱辣辣，個底仲要好脆好有咬口，入面嘅豬肉好新鮮，配埋啲湯汁真係絕配，完全唔油膩，一個人食晒4粒都得😆2. 麻醬手撕雞絲粉皮粉皮 $35- 份量好夠，個粉皮好滑，雞絲都幾嫩👍🏽以35蚊做到人地舖頭70-80蚊嘅水準😂仲有個麻醬嘅花生味好岀，配埋青瓜絲，係夏天食，好爽😄3. 排骨蔥油拌麵 $42- 嘩！一上枱俾個擺盤嚇親，砌得好靚🥰個麵嘅醬係微微偏甜，啲麵幾爽口，係撈麵嘅感覺！個炸排骨外脆肉嫩，仲見到粉紅色同肉色嘅一層層😋完全唔會食到油膩嘅感覺👍🏽4. 豆漿 $10- 食上海菜不可決嘅飲品😂味道正常發揮，唔太甜，豆味適中，唔會有豆渣~