URBAN Cafe (彌敦道)

Open Now

Now Closed

呢間餐廳真係長期滿座，大家記得預約。而基於衛生問題，餐廳門口會有部穿鞋袋機，要着左先可以入去。一開門後，會有啲貓貓想出黎🙀大家開門要注意啦！然後店員安排左我地坐係一堆曬緊太陽既貓貓枱旁邊😽搞到我地遲遲都未睇食咩好。餐牌上款款都好似好好味咁，價錢都好合理。每份套餐都包左沙律同$38既飲品(超過就俾補差價)。我地另加左$8配餐湯，是日餐湯係粟米南瓜湯，呢個已經好驚喜！加左好足料嘅南瓜蓉，甜甜地好creamy😻好好飲啊！紐西蘭牛肉眼扒 $89我地揀左配黑松露燒汁配薯菜，塊肉眼扒都幾大份㗎！我中意個汁，味道幾香幾特別，黑松露味道係口腔徘徊，仲有我中意既脆口薯角呢！挪威煙三文魚班尼迪拼盤 $68呢個好抵食啊，又有埋粗薯角同田園沙津。切一半後，連cheese一啖食真係好正，最推薦食！好滿足👍🏻抹茶心太軟配雪糕比利是窩夫配雪糕 各$58兩款都即叫即焗，小簡單擺設，個心太軟整得唔錯，味道又唔會太甜，不過份量得兩三啖，想食多啖都無😹如果大份啲就完美了。芒果薄荷冰沙 拖肥拿鐵（不含咖啡成份）飲品叫左個芒果薄荷冰沙，飲落去芒果味同薄荷味嘗淺，略嫌無加到粒粒果肉，如果有的話，口感味道會更豐富。

朋友約食飯，就揀左呢間貓cafe。今日係星期一，中午去到都已經好多人。好彩有book位，去到就有得入座。入餐廳之前要著上一次性鞋套，同雙手消毒，呢方面都做得幾好！黎到就見到好多貓貓，有d坐左喺張枱度，佢地又唔會係好怕人，好可愛。跟set 餐加$8就有個南瓜湯。挪威煙三文魚班尼迪拼盤班尼迪蛋配煙三魚都幾夾，麵包都好soft!燒紐西蘭牛肉眼扒 配黑松露燒汁牛扒都幾大塊，不過唔算厚身。切牛扒個陣已經聞到黑松露陣味幾香，牛扒都林身。雪山心太軟 心太軟有朱古力味同抹茶味，朋友揀左抹茶味。一切開就真好流心，流晒出黎！不過味道唔算有太大驚喜，朱古力味可能會更加好味！比利時窩夫 窩夫暖暖地，外脆內軟，配上雪糕，都唔錯！整體食物都唔錯，不過食物分量略嫌唔算多！90分鐘用餐時間都好快過，想同啲貓貓玩下都無咩時間！

餐廳位於油麻地樓上舖，地鐵站步行約五分鐘，勁多blogger介紹過，知道會人多，一早book 定枱。入門口前要先穿上一次性鞋套，消毒雙手和測體溫當然唔少得嘅指定動作。🥗有粟米千島醬野菜沙律 （套餐贈送）沙律菜新鮮、開胃。🥣 是日餐湯Soup +$8兩個人加左一個湯試下，呢日係幾濃郁creamy嘅忌廉湯。🍳 挪威煙三文魚班尼迪拼盤Norway Smoked Salmon Egg Benedict Platter $68當個Egg Benedict 一上枱就好似啫喱咁「朗朗下」好攪笑，忍唔住就吉左佢一下😆。呢度菜好健康，一定好受女士們歡迎👏🏻有蛋、三文魚、菜、芝士和薯角，蔬菜🥬包埋頭盤沙律嘅份量，夠一餐嘅纖維份量。本身度菜係清清哋，但係有三文魚嘅咸味🧂令味度提升，再加上芝士嘅香口感，即時增加滋味度。🥩 燒紐西蘭牛肉眼扒（今次選了配 黑松露汁 和薯菜）Grilled New Zealand Beef Rib Eye $89肉眼扒煎得唔錯，肥瘦都適中，一啲都唔會過靱，配上黑松露汁很夾。碟上嘅薯角暖暖地，唔會辣親口，温度適中。☕️ 兩柸熱Mocha (跟餐補差價+$17)好老實講，如果原價($55

彌敦道近油麻地一向都多樓上Cafe不過今次又有新驚喜！多數樓上Cafe都係以玩為主 今次黎到發現抵食既午餐！其實餐廳都幾多人去💛 去到都要等+走既時候外面排曬隊去之前一定要訂位！大概因為店舖有好多貓主人入門之前一眾奴才們要先著好鞋套！可能都關疫情事 感覺非常衛生😬叫左2個lunch set 價錢50-60 送沙律&飲品加$8有忌廉湯😍 湯好creamy又足料一定要加😆沙律有埋藜麥 食完2樣已經飽左一大半🤣挪威煙三文魚班尼迪拼盤性價比非常高 冇諗住有薯片同沙律伴碟包底係乾身漢堡包底 配落本身既班尼迪流心蛋有滿滿蛋味加埋煙三文魚錦上天花🥳美式車打芝士香草豬排 呢個意粉都有驚喜！唔係一大啖汁淋上去意粉有先用蒜蓉炒香 一放低就超級香🤤豬扒厚得黎唔實仲好juicy西班牙香酥雞翼雞翼控忍唔住加左碟黎食 冇後悔🤣大隻有肉汁 味粉少少辣非常香口總括性價比高！加上邊食邊有貓主人過黎八卦你成野 奴才心滿意足🤣

狗派嘅我喺呢間充滿貓貓嘅cafe都做咗一下晝嘅貓奴！原因係店內嘅貓貓都太可愛啦，每一隻都肥肥白白，而且完全唔驚人甚至會痴人添！ 不過通常呢類寵物cafe都會有種食物質素參差嘅印象，但urban cafe 嘅食物唔會馬虎，價錢合理，一個lunch set都係幾十蚊！紫薯鮮奶夠香味又唔會太甜！重點係睇得出店員們係好愛錫貓咪，溫柔同悉心地幫貓咪清潔護理，所以貓咪們先可以咁唔驚人，而唔係單純將佢哋作為生財工具。