千歲擔擔麪

Open Now

Now Closed

觀塘重建，新屋苑落成，多了這個新的商場，我和家人有時都會去到這裡吃飯，因為人流不會太多，其中一間比較喜歡的就是千歲擔擔麵，價錢親民食物又好食！🔸改良擔擔麵：實在太好奇，於是問了店員，本身擔擔麵有花生，但另外加了榨菜，蔥花，大量肉碎，所以特別香和惹味，花生湯底好濃，還可以掛到每條麵上！👍🏻🔸酸辣麵：一般酸辣麵會想到的是以酸辣湯來做湯底，我並不太喜歡，太結身。這間則是真正的湯麵，不是結身那種，酸酸辣辣的，幾好味！🔸楊家小籠包：很出色的小籠包，裡面很多湯，豬肉夠滑👏🏻🔸大千雞：因為我想吃雞，經餐廳職員介紹大千雞，果然無介紹錯，比較乾身但又有醬汁在外，辣辣地甜甜地，雞肉吃起來是嫩的，這個真的吃不停，好鍾意這個餸！

在樓下睇完中醫，見這個商場都幾多嘢食，行到3樓有間千歲擔擔麵就入去試吓，裝飾有啲舊派豪華脫時代感，整體好坐又乾淨。【改良擔擔麵】加了肉碎，湯底好出眾，絕對是香港數一數二的擔擔湯底，本身芝麻同花生又恰到好處，唔會又濃又稠到好滯。【楊家小籠包】皮好薄，中間啲湯汁好香濃豬肉味，非常滋味，一啖吃下一個。【紅燒茄子】用油滾過的茄子比較爽口，加上一片片菇，用大火炒過，香口極，送飯吃一流。【紅油水餃】醬汁麻油味香，如果配雲吞更加正。【生煎包】下面煎到焦香鬆脆，又鋪滿芝麻粒，中間都幾多湯汁。【炸春卷】素菜春卷味道略嫌偏鹹，不過就炸得幾趣口。

鍾意食擔擔麵嘅朋友都一定聽過詠藜園，喺觀塘裕民坊YM²嘅千歲擔擔麵，就係詠藜園旗下食店。網上資料話係由詠藜園嘅老員工以顧問形式，將佢哋嘅經驗傳授，所以呢度嘅食物承繼詠藜園嘅傳統味道。改良擔擔麵 $48
詠藜園最出名嘅擔擔麵，湯底濃郁，仲有大量花生肉碎，少少辣，非常惹味。麵條幼身爽口，整體完美承繼詠藜園出品，出色👍🏻👍🏻銀芽炒鱔糊 $168濃濃的醬汁味道，鱔嘅份量多，而且夠肥美，加上爽口嘅銀芽，口感更為豐富。服務方面屬正常水平。座位不稠密，坐得舒適；店外則係花園平台，一片翠綠。總體價錢中等，味道不俗，喺食肆林立嘅官塘市中心，算是不錯啲擔擔麵選擇。