The Frequency (Changed Hand) New Restaurant

環境空間頗寬敞，整體感覺簡潔舒服；座位之間有足夠距離，不容易受影響。食物種類偏向西日風，以及她們獨有的自創飲料。日式燒三文魚柳 伴 芒果莎莎 ($118)• 擺盤色彩悅目、十分精美，值得一讚。• 芒果莎莎夾離著蕃茄粒和食用花，整體味道酸甜適中，但芒果味不太突出。• 三文魚外層燒得均勻香脆，尤其是魚皮的部份；魚肉表面緊緻，內裡肉質保持香腍，帶有油香。底下舖有數粒車厘茄和薯塊，頗為滋味。• 跟餐會有一杯蘑菇湯，一貫蘑菇湯水準，口感偏向稠杰、味道香濃而自然，同時會咀嚼到菇菌碎碎。• 整體份量較為輕盈，想飽肚點的話建議添加小食。青・廬 ($62)• 據店員介紹名字靈感來自三顧草廬，分別運用了三種青色食材加上烏龍梳打調配而成的飲品。• 當中青提經過急凍處理，吃起來有種水果冰效果。• 整體酸甜開胃，亦十分消暑解渴；薄荷味非常突出，有點搶了青提和青瓜的味道。

🌕中秋朋友小聚💛中秋佳節同朋友食個lunch，搵到呢間fushion菜試下，竟然發掘到好嘢！首先餐廳裝修幾特別，乾淨舒服咁～試咗兩個lunch set～我就叫咗 日式燒三文魚柳伴芒果莎莎，好正！三文魚係厚身大件，油脂煎得好香配上芒果粒淡淡甜酸味恰到好處👍🏻朋友呢排試緊素食，呢度雖然得一個素菜選擇，但都有驚喜喎！本身見 涼拌野菌青瓜麵 睇個名好似唔吸引，點知我錯了！佢個擺盤都好靚！食落係麻醬有柑橘味好特別，唔會漿住個口之餘，青瓜麵仲撈埋葛粉增加口感，夏天食係份外清新🥒仲有喺香港好少食到嘅海葡萄，有種去咗沖繩嘅感覺🥰今次我哋都好滿足～臨走時見到人哋order special drinks都好似好吸引！但我哋已經好飽，相約下次再嚟試佢嘅嘢飲！