i CREMERiA Café (Closed)

喺朗豪坊行街行到攰，決定同朋友坐低食個tea抖下。不嬲都鍾意icremeria，因為佢嘅雪糕真係好好味，好重奶味。可惜價錢偏貴，唔係成日食。呢日難得有朋友一齊share，就可以享受下喇！朗豪坊呢間分店係i CREMERiA Café，所以除咗雪糕之外仲有多啲款式嘅嘢食，例如蛋糕。我哋就叫咗個日本宇治抹茶輕食，落完單俾咗錢之後就可以攞個號碼牌返位坐，侍應會送餐比你。日本宇治抹茶輕食（$128）美中不足嘅就係侍應送餐過嚟嘅時候個雪糕「冧」咗，冇得打個靚卡添！😩蛋糕可選抺茶海綿卷或抹茶芝士蛋糕，仲有紅豆、白玉丸子、蜜餞栗子、自選雪糕及飲品。我哋就揀咗抹茶海綿卷。抹茶海綿蛋糕入面包住抹茶忌廉同紅豆，抹茶味頗濃，但海綿蛋糕就略嫌有啲太實，鬆啲輕啲會更加好。白玉丸子就咁食梗係冇乜味啦，同紅豆或者雪糕一齊食就一流！雪糕可選抹茶/牛奶/抹茶+牛奶，我哋就揀咗兩溝，可以試曬兩隻味嘛！雪糕一如既往咁好食，重奶味，又好滑。飲品揀咗檸檬紅茶。茶包用twinings嘅紅茶喺朗豪坊嘅透光玻璃底下，環境幾舒服，可以坐低慢慢食。見到好多人買咗金箔雪糕打卡🤣，又幾靚，大家都可以試下。menu：

每次經過都忍唔住行去睇下d靚靚蛋糕，好精緻。今次食個tea set，既可以食雪糕，亦有蛋糕，雙重享受。叫左日式宇治抹茶輕食($115)。order完之後，會俾個牌仔你，搵位坐低等一陣，侍應就會送餐。抹茶海綿卷口質結實，唔會好似食緊空氣蛋糕咁，結實得黎鬆軟，淡淡既抹茶味，加埋中間卷住甜甜既紅豆蓉餡，仲有creamy既抹茶cream，尼種cream唔膩之餘，打發得夠。賣相靚，味道更出色。雪糕可以揀全抹茶/全牛幼/半抹茶半牛奶，我就揀左半抹茶半牛奶雪糕，2款口味一次過食哂。奶味非常重，幼滑，好creamy，而抹茶既茶味係淡淡既係口腔徘徊，輕微既抹茶苦味，個人鍾意抹茶多d。食完之後，唔會口渴。紅豆配白玉丸子，紅豆大大粒，而白玉丸子有2大粒圓碌碌，好治癒，口感煙韌。配埋紅豆一齊食，甜度岩岩好。而蜜餞栗子入口溶化，雖然表層有蜜餞，但仲有陣陣栗子香味，冇俾蜜餞蓋過。飲品係餐牌上自選，揀左熱牛奶咖啡，即使食哂個set之後先飲咖啡，但都仍然暖，唔錯。牛奶中和左咖啡，恰到好處。整體，果然係creamy既雪糕，用料亦講究，除左食得好，擺盤亦都好靚。而且，唔同時期，仲會有相應既雪糕味道添。

成日經過朗豪坊都想食好耐 因為啲野食真係好吸引🤤 雖然喺咁熱鬧既商場既一角 但環境感覺好舒適 所以今日決定同朋友喺度享受下午後小時光女人對於甜品真係無法抵抗🤭咁多選擇 樣樣都想食啊真係！呢個蜜瓜芭菲望落勁吸引 所以忍唔住嗌咗個雪糕我地揀咗兩溝 一半牛乳一半抹茶 一次過滿足晒兩個願望😌 雪糕真係冇得彈🤤 係勁滑 同埋好濃好濃既牛乳味同抹茶味 而蜜瓜果然係日本直送 同平時食開既唔同 非常香甜！我同朋友都係抹茶控 梗係要嗌返個日本宇治抹茶輕食有雪糕，抹茶海綿卷，紅豆，白玉丸子同埋蜜餞栗子 勁豐富海綿卷入面仲有紅豆蓉令到成個海綿卷大加分啊跟set仲有杯飲品添！一邊喺度high tea一邊同朋友傾計 簡直係人生一大享受啊同埋好滿意呢度既服務 店員見我拎住好多野 主動問我洗唔洗幫手 之後幫我拎咗個蜜瓜芭菲埋位 太貼心啦🙈

每次經過朗豪坊 foodcourt 那層，總會被這間店的食物吸引。款式多，而且樣樣都很精美。常常都想找機會品嚐這間的美食。這天又到朗豪坊逛街，行到累想找地方休息，突然想起這間店，於是就在這店嘆下午茶，順道休息一下 嘩！餐牌有太多選擇，令我舉棋不定！想食蛋糕，又想飲野，終於揀了 teaset，可以滿足晒我的要求 ^_^幸好這時間人不多，可以悠悠閒閒，舒舒服服，慢慢享受美食 我點了「日本宇治抹茶輕食」，有抹茶芝士蛋糕、紅豆、白玉丸子、蜜餞栗子，再配自選雪糕及飲品。抹茶芝士蛋糕，抹茶不太濃，蛋糕不太甜，符合我的口味！三心兩意的我，當然揀了「北海道牛乳雪糕mix 宇治抹茶雪糕」^_<可以食到兩種不同味道的雪糕 值得一提的是那杯「生薑蜂蜜」，比想像中好飲 酸酸地、不太薑、又不太甜，非常潤喉，飲完很舒服，一試難忘！