施心畢老撾餐廳

Open Now

Now Closed

其實自己十分喜歡到東南亞旅遊，而整個東南亞偏偏只有老撾還未去過，今晚特意來到這家施心畢老撾餐廳，試試老撾風味。餐廳裝潢風格獨特，以復古街頭作為主題，很有feel，座位亦寬敞舒適，用上東南亞十分常見的金屬枱面，令人感覺置身當地。餐廳菜式選擇頗多，因為老撾接鄰泰北，所以食物風格亦相類似，餐牌前菜小食、咖哩、粉麵飯類、甜品各種各樣都有，更有一整頁的素食餐牌。老撾酸肉腸沙律老撾酸肉腸烤熟上枱，豬肉加入糯米、大蒜發酵，一咬味道微酸，細嚼出香葉香料的辛香味，伴以清爽微辣的青木瓜沙律，相當開胃。是拉差牛油雞翼牛油雞翼先開邊，做成單骨雞翼，分便食用，然後炸至外脆內嫩，再用特製的是拉差醬汁包裹著雞翼，味道酸辣分明，令人吃完一隻又一隻。是冧彈雞全米椰子湯粉十分新鮮的一道菜色，湯底是以椰奶作為基礎，所以呈奶白色，一呷香濃味厚，帶有微辣，有點像泰式的椰汁雞湯，但椰味比其更為濃郁，而是冧彈雞雞肉嫩滑，惹味非常，全米湯粉軟身而尚帶些嚼勁，十分新奇。老撾豬肉碎太陽蛋見求見求我保計是類似泰文的Khao Geang，即是碟頭飯，香葉肉碎上枱時仍冒煙，做法正宗，用上辣椒、九層塔等，配料味道突出，香濃惹味，辣度十足，粗糙細

自從當全職媽媽後 好耐無在中環出沒了 是日與老公辦完正事 拍拖食個午餐再返去先店子在茶木果邊 不難找 餐飲- 無糖豆漿 OK係真心純潔淡薄的味道 比百福山水那些無糖豆漿要淡得多 愛甜愛味道人士就不建議了餐飲- 老撾咖啡店員上餐時有提過有奶 但老公掛住講野無攪拌過直飲 到底才發現奶 佢話個咖啡味係好香既 真實味道有待大家探索是拉差牛油雞翼 $48 賣相係幾吸引 弄成單骨亦容易食 是拉差醬 味道帶點醬油甚或又帶甜 都幾開胃得意喎 但外皮太漿 有點像濕了水的咕嚕肉 可惜可惜施心畢豐食拼盤 $88 有魚餅/ 蝦片/ 蝦/ 豬/ 素春卷/ 米紙卷 還備有生菜解油解膩 蝦片厚度剛好 有點像米餅但又有蝦香 春卷外皮淋左少少 但內餡好食既 中上啦 魚餅都算彈牙 加埋醬汁即時加分 米紙卷好爽口清新 拼盤整體表現理想老撾雞肉100%全米湯粉 $68雞肉皮香肉嫩 唔係無味雞件 全米湯粉好好味 粗於米粉幼於米線 入口彈牙帶米香 同個椰香湯底好夾 加埋豆卜 芽菜等 口感又更有層次老撾牛肉100%全米湯粉 $78湯底較雞那個清 帶著陣陣牛香 老公話各有特色店子都算多選擇 食物有特色 會再來既

最近和一位朋友分享吃特色菜的趣聞，原來我們都有各自未嚐過的菜，我未吃過新疆菜，她未吃過老撾菜，今次我帶她吃老撾菜，下次她帶我嚐新疆菜。朋友起初以為施心畢老撾餐廳價格不菲，因為是皇族後裔在中環所開設的罕有菜，不免和菜式價錢掛勾可能，但當她一看餐牌，她以想不到價錢如此貼地，說下次可以帶家人來品嚐老撾菜。朋友對是拉差牛油雞翼深感興趣，她好奇「是拉差」究竟是甚麼來的，我解說是拉差其實是香甜辣椒醬，煮東南亞通常都會使用。雞翼外皮炸香脆，揉合牛油，香蒜和香甜辣椒醬的滋味，甜甜辣辣很過癮，就算吃上一整碟也不會膩，一口接一口吃過不停。飽滿的老撾炸魚餅吃起來驚為天人，炸魚餅的時候外層酥香，裡面充滿嫩嫩又緊實的魚肉。單吃炸魚餅已嚐到它的鮮味，當我們沾上餐廳特製醬汁，微微酸甜，更加對炸魚餅愛不釋口。我叫朋友放心吃這裡的白咖哩，不會辣的，她會心一笑點了白咖哩雞肉見求配老撾式太陽蛋。白咖哩雞肉見求搭配金黃香脆的薯角，繽紛奪目的雜菜，賣相十足。朋友嚐一口白咖哩，白咖哩夾帶清香的椰汁風味，雞肉以香茅提味，皮脆肉嫩，附著滿滿咖哩汁，充滿香氣，同時襯托雞肉的肉質，一改朋友對咖哩的觀感。米飯是朋友喜歡的糯米飯，咬感豐富，

適逢萬聖節，梗係要去蘭貴坊撞下鬼，但撞鬼之前，我地選擇醫飽個肚先，安心上路，於是我地黎到呢間施心畢老撾餐廳。一聽個名就知係食老撾菜！泰國越南菜就食得多，係佢地隔離既寮國，老撾菜就未試過，所以一聽到個名就決定今晚揀佢。小店簡約，但桌子夠大，坐得適舒。這晚人客不多，佔了一張四人枱。老撾札肉墨丸100%全米湯粉施心畢湯粉最大既特點，係以100%全米整成，比普通米粉煙韌，夾起米粉不易斷開，湯底清甜，比泰國菜越南菜用的香料較少，很健康的感覺。札肉和墨丸也彈牙，整碗份量不少，我地就share食再另嗌小食。是拉差牛油雞翼是日最愛是拉差牛油雞翼。是拉差名字很特別，所以特登上網搜尋是什麼，原來是拉差是泰國的一個地方，是拉差辣椒醬最初是泰國餐館用在海鮮菜餚上，其後，被美國加州大量生產並廣泛流傳使用。雞翼充滿牛油香味，再加上是拉差，雖然說是辣椒醬，但甜味居多，酸甜少辣既味道，外面惹味內裡嫩滑，令人不自覺食完一件又一件。施心畢更將雞翼切開成為單骨，食落方便好多，岩晒我們這些淑女。網蝦春卷網狀的春卷皮炸至金黃，食落去比平常春卷皮更穌更脆，入面蝦肉彈牙，分量足夠，邪惡感與滿足感兼備。施心畢豐盛拼盤豐盛拼盤款式多，

成日行街食飯唔係老銅就油尖旺，你唔悶我都悶啦，友人今日就sd左個post比我，話去食老撾皇帝餐喎！係咁既，呢間餐廳既老闆Justin係老撾皇族既親信既後代，耳濡目染下，老闆細個就學識點煮老撾菜。老撾，姐係寮國，係緬甸同越南附近，係一個佛教國家，之前比法國佔領過，係法國殖民地黎。（補充反，老撾，bno or特區護照都要簽證的，但去中環就唔洗既）我地搭lift上到黎翡翠中心既4樓，見到個門口個waiting area好colourful，餐廳內部用左不銹鋼既枱，同木既櫈，係香港既餐廳就比較小呢d配搭，好似置身於異國咁。菜式方面，就著重於香料既味道，冇泰國果d咁濃烈，會温和d咁話，咁我地就一於try try佢。餐牌都幾多選擇，我地叫左幾樣，包括: 施心畢豬肉炸春卷($38)Sisombath Netted Pork Spring Roll用咗網狀春卷皮，口感比普通春卷皮更脆，值得一讚嘅係，個面炸得好乾身，一d都唔油！而入面既餡料係豬肉碎，咸咸地都幾好味。點返酸辣醬，包埋生菜食，一脆一軟，非常balance。是拉差牛油雞翼($48)Sriracha Butter Chicken Wings雞翼

星期五的晚上，約了和友人相聚。住大西北的筆者實在不熟悉對面海的環境，經友人的推薦，穿街過巷來到這家「施心畢老撾餐廳」。不知是剛開業還是地點較偏僻的關係，即使正值晚巿時段也不過是坐了寥寥數人。不過這樣也好，變相可以和友人大聊特聊。筆者踏足中環的日子少之又少，印象中甲級商業區的消費水平也頗高的。翻開「施心畢」的餐牌一看，菜式價錢大都在40-80元之間，如此親民的定價令筆者很驚喜。雖然未能分清老撾菜和平日所吃的越南菜有何等分別，但反正都是同一地域，就一試當地名菜——米紙卷。包在米紙上的第一層是生菜和青瓜這些菜蔬類，霎眼看下去這幾件卷物都是主綠色，感覺好fresh好健康。米紙卷口感層次豐富。第一口吃到的是青瓜生菜的爽甜，然後是包在中間的米粉，還有主角網蝦春卷的咸脆惹味。蘸上碟邊的醬汁佐食，味道更濃郁。老撾菜果然有意思，這牛油雞翼和筆者吃過的牛油雞翼是截然不同。雞翼入口有一股濃烈的孜然味道，有一刻誤以為是夾了羊肉。炸雞翼配上灑在面上的炸蒜和醬汁，味道甚濃。若愛清淡口味的朋友可能會較抗拒。筆者欣賞餐廳肯花費時間工序把雞翼處理成單骨，令食客進食更方便。筆者點餐時，好奇上網查了什麼是全米米粉。原來全米

對於冷門菜式，總有一種好奇心，果種心思思同難以抗拒嘅情懷係好濃厚嘅，所以今日決定約個朋友去中環食一家老撾菜館呢間老撾菜Search過，食物價錢真的算係中環嘅貼地價，而且佢都係屬於近排有點點捧場嘅餐廳！點解？因為「施心畢」係老撾皇朝嘅姓氏，老闆都係老撾皇朝嘅後代，皇族老撾菜！個名好架勢咁呢！其實老撾就在越南泰國隔離，我諗其菜式都近似呢兩個國家但都係點都想見識吓咩叫老撾菜！哈哈！施心畢老撾餐廳位處一商廈「翡翠中心4樓」，一出電梯就喺餐廳，無門面可言，入面更是無過多裝潢設計亦非常簡單，水泥地、不鏽鋼枱、木櫈，但都好大好闊落，環境開揚乾淨！坐得唔會唔舒服！餐牌好簡單，底面兩頁紙睇晒，唔知係味通用餐牌嚟架呢！有老撾見求、老撾粉麵、老撾沙律、老撾小食、老撾甜品、老撾飲品等...價錢是相當貼地，數十元就可以食一個主食了！見啲小食唔貴就點了-是拉差牛油雞翼 $48一客6隻，雞翼用左單骨式既製法，食起黎會方便好多！雞翼以牛油及泰國是拉差辣醬做但出黎效果味道偏向甜甜的，故色澤艷紅，top up架上左香脆既炸蒜，味道互相配合，但入口頗有辣勁，味道好濃郁，食到一種新穎既味道啊。不過愈食愈辣既...真喺越食越辣

從來無試過老撾菜，真係要見識一下。據了解老撾就晌越南、泰國隔離，所以菜式都近似呢兩個國家。咁「施心畢」又係乜東東呢?? 原來「施心畢」係老撾皇朝嘅姓氏，老闆都係老撾皇朝嘅後代。嘩…是拉差牛油雞翼非常、極之惹味。雖然無一般牛油雞翼咁脆口，但是拉差辣醬帶一點點微酸，味道極之平衡。惹味程度爆燈。雞翼做成單骨，食起嚟較方便老撾網狀蝦春卷油溫剛剛好，春卷完全無油膩感。效果金黃、酥脆。蘸上檸檬魚露一齊食，出色。老撾牛肉100%全米湯粉其實我唔清楚甚麼是100%全米湯粉。但相比起一般米粉，韌度的確強一點。口感有一點點像 Al Dente 意粉。牛骨湯無越南牛河嘅牛骨湯咁濃重，相反多咗少少香料味。生牛肉嫩滑得嚟有肉香。配料有大量銀芽、豆卜，份量夠多。整體價錢合理，食物有質素。

老撾菜對我來說真的好新穎，是看了某電視節目後才知道香港有得吃！一下班過來才有位坐，過多半小時就人頭湧湧了，相當受歡迎！餐廳環境佈置簡單，有點特色擺設，還有數塊黑板畫得精緻。Sisombath既是餐廳的名字，也是店主袓母的姓氏呢！老撾菜式跟其他東南亞菜式有點相似，點了小食和兩主菜來吃。老撾炸魚餅煎得香，有香料的味道，肉質鬆軟，點了酸辣的醬汁吃更惹味呢！是拉差牛油雞翼炸得香脆，頂層加了炸蒜口感更脆！是拉差醬不辣，反而有點甜，整個組合夠香口！老撾扎肉墨魚100%全米湯粉看起來好普通嗎？清淡顏色的湯充滿九層塔的味道！米粉是全米做的，比我們平常吃的粗身，質感爽口彈牙，不錯呢。墨魚丸是另一種的爽口感覺，扎肉就較軟身。配料還有豆卜，洋蔥，椰菜絲和茄子等，都頗豐富的呢。白咖喱豬頸肉見求？見求即是老撾飯啊！其他見求都是辣的，只有白咖喱不辣。上菜用的碟就如竹碟的樣子，上面佈滿多種食材，色彩豐富。沒想過會有薯角呢！即炸的夠香口，每塊小小的，進食方便。豬頸肉是燒的，每片都切得厚厚的，肉質爽，味道帶甜，配料也有茄子，還有豆角，粟米，青瓜和菇。白咖喱汁香料味突出，鹹中帶甜。特式老撾米口感煙靭，有點像糯米，好好咬，

嗰日嘅朋友約我到中環食呢間老撾菜，越南菜泰國菜就成日食，但係老撾菜真係第一次食，真係心大心細既興奮又緊張！因為我真係未去過老撾亦未食過老撾菜，概念應該同越南菜差唔多吧？？😅反正人一世物一世就跟朋友嚟試吓新嘢😋來到店內，環境都算幾闊落，墻上掛滿不同的menu，圖文並茂，有好多款食物見到都好想食，於是我和友人就憑感覺去點菜，最後我們點了老撾海鮮全米湯粉($88)，白咖喱豬頸肉見求(見求即係白飯）($78)，老撾小食拼盤($68), 是拉差牛油雞翼（$48），老撾青芒果沙律（$68）同埋兩杯飲品，非常期待😋老撾青芒果沙律（$68）有啲似泰國菜的青木瓜沙律，酸酸辣辣甚開胃，我哋食完好開胃食主菜！佢最先來的主菜係老撾海鮮全米湯粉，其實上面嘅勁多海鮮吸引住，有一隻大蝦，四隻青口，墨丸，魚餅，魷魚同兩大塊脆卜卜類似印尼蝦餅，另外仲有豆卜，芽菜等配料，佢嘅材料真係好豐富👍😋而佢嘅米粉我都係第一次100%小米製造嘅米粉，感覺煙韌啲同彈牙啲，食落亦都好軟熟，我幾鍾意呢個口感😍好正，相反朋友就麻麻呢個米粉口感，所以大半碗都係我食晒咁滯😋👍另外，上面有啲金不換，隻香味非常之突岀，令我諗起台灣三杯雞都常用到金不

係世界的大板圖中，老撾位於泰國及越南的中間。聽就聽過地方名，卻未試過品嚐過當地的菜式。偶然下，係網上發現中環有間由跟過米芝蓮大廚學廚的老撾皇族開的正宗老撾菜，店名仲以店主祖母的姓氏英文譯名改成，極具意義。除了餐牌外，到處仲貼上限時的特別菜式，大家去到記住四處望下仲有無咩想食呀。網上好多人推介的是拉差牛油雞翼！雖然Menu上有兩儲辣椒公仔，不過其實都唔算好辣。炸得金黃的單骨雞翼，內裏雞肉唔算太乾，加埋甜甜辣辣的汁，非常惹味。係小食當中，我比較推介呢份老撾網狀蝦春卷。由於出面係網狀的皮，炸到金黃後比一般中式的春卷皮口感更鬆更豐富。入面的蝦唔係平時好彈牙個種，而係香軟。應該係受到越南的互相影響，原來老撾菜都有米紙卷。餐廳的米紙卷有蝦米、扎肉及素菜三種。今次我就叫了一份扎肉做餡料的米紙卷。除了扎肉外，米紙仲將米粉及青瓜包埋一齊。點埋個酸酸地的醬汁，整體都幾開胃。主菜方面，餐廳提供100%全米湯粉及老撾見求(即係飯)。老撾牛肉100%全米湯粉份量超級大！幼幼的麵線淨係用了米黎打成，食落條條分明，而且煮得幾入味。牛肉粉除了有牛肉片外，更有牛丸、豆卜及芽菜。全米粉的口感比一般的米粉更有口感，而且都幾

我和朋友的媽媽都是印尼華僑，所以我們都超喜歡吃東南亞菜。印尼菜在香港已經少見，老撾菜比起印尼菜更罕有，我們蠻有興趣去嚐嚐，人生總要嘗試不同的美食才無憾，哈哈。老撾曾被泰國與越南入侵，故菜式方面揉合兩個的風格，味道卻溫和得多，不會過於酸辣，這是我和朋友吃畢的總結，若想吃溫和派的東南亞菜，老撾菜確是好選擇。老撾海鮮100%全米湯粉非常豐盛，整碗米粉都被海鮮覆蓋著，有魷魚，蝦隻，炸墨魚丸，魚餅，炸蝦片及豆卜，應有盡有。湯米粉湯頭非常鮮甜，海鮮的鮮美完全釋放湯中，米粉吃起來像麵線，綿中帶點咬口，頗有趣的嚼感。老撾青芒果沙律有別於越式和泰式的青芒果沙律，不重酸重辣，反而味帶鹹香，加入大量豆角，青瓜這些爽脆的蔬菜，可顯得蔬果鮮度，亦突出其口感，與青芒果交替著，非常開胃。白咖哩豬頸肉見求賣相經已滿分，色彩繽紛，飯方面選用糙米飯，飯粒質感豐富，飯旁更有一大堆香脆的炸薯仔。白咖哩聞起來不像一般咖哩香氣濃郁，但入口濃醇甘香，味道頗有深度，豬頸肉厚而嫩彈，將咖哩精華淋入飯和豬頸肉中，超級棒的滋味。我們甚麼小食也想吃一些，施心畢豐盛拼盤最適合我們吃不過。蝦餅炸得金黃，內餡十分厚實，入口滿是蝦肉的彈牙感，極為出

食厭了中日台韓食物？不妨走入中環，走到施心畢餐廳，一嚐老撾菜。小店非常寛闊，坐位非常舒適。原本想點老撾芒果黑白糯米飯，店員告知今日剛好售罊，非常可惜。看來要吃老撾甜品，還需要點運氣呢。小食的價錢相宜，故我們點了數款的小食。是拉差牛油雞翼雞翼以一字骨方式處理，進食時更方便。一碟小食中有八隻一字骨雞翼，足以兩至三人分享。雞翼上枱時還是熱辣辣，即叫即炸。其外層非常香脆，入口絕不油膩。其調味非常惹味，帶有少許甜味，而且不會好辣。老撾網狀蝦春卷店家炸物都非常出色，春卷炸得脆卜卜，入面釀有蝦肉，蝦味十足。老撾扎肉米紙吃了不少的炸物，吃點清淡點的小食。米紙的材料不會好花巧，簡單之餘不失美味。加埋店家秘製醬汁，簡直無得輸。老撾海鮮100%全米湯粉老撾粉有四種口味，我就選了海鮮。雖然是海鮮粉，但海鮮部份就不多，有蝦及魷魚圈。但其他的配料則相當豐富！有魚卜、墨丸、芽菜⋯⋯而且個湯底超鮮味！湯粉吸盡了湯底的精華，而米粉口感煙靭，好好味呀。加上大大碗的份量，一個食畢整碗真係會好飽。放在米湯粉上的脆片，單吃的話，味道較為單調，若放湯再吃，吸一吸湯的味道，更為美味。初嚐老撾菜，感覺與東南亞菜式很相似，不過這裹價錢