奈良上釜 (Closed)

約左朋友平日晚來銅鑼灣搵食，之前見OpenRice 都有唔少好評，咁岩我上個月先去完京都食過某出名釜飯，就試下香港嘅釜飯係咪都咁好食。所有釜飯都包埋六味前菜，好豐富好大碟。中間碗茶碗蒸超級好食！最鐘意佢有蟹肉同三文魚籽。木魚絲豆腐都非常好食！舊蕃薯好熱；漬物嘅魚仔方粒都好入味。我要左月見和牛釜飯（$198），超級多和牛粒！！ 啲牛粒粒都好淋，有少量筋。飯嘅份量同就同日本食到嘅差不多咁多，自己筆落碗仔度食，都筆到3-4碗。 個釜飯兜好保溫，每筆完一次com返住個蓋。好似我咁食得慢又鐘意邊食邊吹水嘅人，唔怕啲飯放到凍晒。😂 碗味噌都不錯，好多料，多海帶。朋友要嘅西京銀雪釜飯（$188），俾左好多舊魚我地食。 啲魚肉好滑，完全唔怕焗到老晒。要小心啲魚骨。

好耐之前食第一次已經覺得好好味~ 今次見到用eatigo app有半價，馬上再book枱食多次~🌧是日天氣寒冷加上微雨，當然要比自己食暖番個人，加上見有半價，我地毫不客氣咁叫咗一人一客釜飯，再加咗個小食~ 每客釜飯都會跟一份前菜，而且前菜仲由以前嘅三味變成六味！其中最推介嘅就係佢地嘅茶碗蒸！不但高湯夠香，蛋夠滑，入面仲好足料，加埋啲菇菌香味，一流呀！食完前菜冇耐，釜飯就陸續登場了！每個釜飯set仲會跟一個麵豉湯添～🦀蟹釜飯 $198打開見到滿滿拆好嘅蟹肉加上一大堆三文魚子喺中間就已覺得佢好食~ 果然一入口，啲飯已索晒啲高湯同海鮮嘅香味，加上啖啖蟹肉，令人忍唔住將所有飯餸連同每一絲嘅蟹肉都食得一乾二淨！🐟西京銀雪釜飯 $188銀雪魚雖然仲有少量骨，但啲魚肉夠軟滑，完全唔腥令唔係太好魚嘅我都一口接一口咁食～🐮月見和牛釜飯 $198一開蓋牛肉又係勁多勁滿！牛肉夠軟嫩，牛味亦充足，加上高湯飯嘅加持更加提鮮！每個飯食到底都會有少少飯焦，令成個飯更有層次同口感～小食方面我地叫咗$158嘅🧡雲丹天婦羅，即係有紫菜包住嘅海膽天婦羅~薄薄嘅炸衣同紫菜包住入口即溶嘅海膽，作為海膽迷真係覺得不得了！總括而言