木子居酒屋

Open Now

Now Closed

大圍呢間 居酒屋真係不得之了，一入門口，已經比個高樓底帶嚟嘅空間感震懾住，再嚟就見到有兩張榻榻米嘅用餐區，成個感覺好有日式風格嘅倉庫仔咁，好有格調，未食已經覺得呢到一大班朋友嚟食一定好好Fᴇᴇʟ😎花酒醬油漬牡丹海老（2隻） $108呢兩隻牡丹海老成隻手掌咁長，本身已經好鮮甜，呢度仲用花酒醬油漬整去處理，令到個鮮味提升到另一個層次，而且蝦肉都爽口彈牙，仲食到有好豐富嘅膠質口感😍木子三文魚盛合 $98一次過食晒咁多款三文魚壽司真係抵到爛，有三文魚、三文魚腩、灸燒三文魚、三文魚子軍艦同三文魚軍艦，每款嘅質素都好高，尤其是三文魚腩，油脂超豐富超級香🤤野菜天婦羅 $78野菜種類都幾多，有冬菇、粟米仔、茄子、南瓜、青椒等等，最欣賞佢係炸漿好薄，非常酥脆，而且個天婦羅汁裏面嘅蘿蔔蓉味道好濃郁，點埋一齊食，超正👍🏻青森山芋 $48呢款山芋燒到略為脆身，再配上大量海苔碎，食落就好似食緊海苔味薯片一樣，但又保留到少少山芋嘅口感，好食😙厚燒牛舌心 $118呢度嘅招牌名菜，真係夠晒厚‼️ 入面仲係好粉嫩嘅粉紅色，外層燒到微微焦脆，識落口非常彈牙，調味亦都恰到好處，呢個價錢食到兩塊，大癲，屬必點之作❤️免治雞肉棒

#MC帶你去大圍大圍雖是住宅區，但自從開咗商場「圍方 The Wai」之後，吸引咗唔少人入大圍覓食。➖➖➖➖➖➖➖➖➖➖➖➖➖➖➖➖🥢 厚燒牛舌心 $118✨餐廳既招牌菜式✨依個必嗌！必點！必食！三件呈粉嫩色嘅牛舌心，火候控制得非常好！厚切之餘，口感超軟腍爽口，蘸埋芥末籽醬，非常惹味。➖➖➖➖➖➖➖➖➖➖➖➖➖➖➖➖🥢 木子三文魚盛合 $98不得不提，壽司飯係有另外調過味，買少見少！三文魚盛合有五款唔同口味嘅壽司／軍艦，好抵食。✅三文魚 ✅三文魚腩 ✅炙燒三文魚 ✅三文魚籽 ✅三文魚沙律➖➖➖➖➖➖➖➖➖➖➖➖➖➖➖➖🥢 和風炸雞 $88份量十分足料！即叫即製，炸到金黃色，熱辣辣，非常吸引！上枱時仲熱辣辣，食落香脆可口。➖➖➖➖➖➖➖➖➖➖➖➖➖➖➖➖🥢 雜錦天婦羅 $108有大蝦、茄子、青椒、脆魚，啱曬乜都想試嘅朋友仔。薄薄一層炸漿，食落鬆脆香口👍🏻。配上蘿蔔蓉天婦羅醬汁，完全無油膩感。➖➖➖➖➖➖➖➖➖➖➖➖➖➖➖➖🥢 福岡凍蕎麥麵 $98✨餐廳既招牌菜式✨配料十分豐富，有木魚絲、紫菜絲、脆米、溫泉蛋。將蕎麥麵同配料撈勻一齊食，口感好豐富😍➖➖➖➖➖➖➖➖➖➖➖➖➖➖➖➖✨ 環境餐

大圍一向多美食，今次嚟到呢間居酒屋，木系嘅裝修，樓底高，地方寬敞，空間感大。坐得舒服，一啲都唔侷促。 胡麻豆腐蕃茄沙律🥗夏天最啱食清爽冷盤，胡麻醬同蕃茄好夾，豆腐夠滑，加上鋪面嘅脆脆，好開胃。 紅酒煮鮟鱇魚肝新上市嘅鮟鱇魚肝非常嫩滑，入口即溶。煎過嘅外皮香口，亦可以去腥，大推！ 木子三文魚盛合有三文魚、三文魚腩、火炙三文魚、三文魚子軍艦等等嘅壽司，魚生新鮮，配埋已經調味過嘅醋飯，唔錯唔錯👍🏻 福岡凍蕎麥麵紫菜味香，撈埋蛋汁同醬油，加埋脆脆亦增強口感。咁熱嘅天氣食凍蕎麥麵就啱晒，消暑一流！ 花魚一夜干🐟呢款一夜干亦係新上市，成條魚咁燒，好惹味，最啱做下酒菜。同朋友極速清盤！ 海鰻天婦羅🍤炸得啱啱好，脆口得嚟唔會覺得油膩。炒漿唔會太厚，入面嘅海鰻仲係好鮮嫩。 柚子檸檬梳打/巨峰梳打果汁梳打唔會死甜，梳打非常消涼解渴。

木子三文魚盛合(88hkd)呢個真係好啱選擇困難症嘅人，入面有齊三文魚、三文魚腩、炙燒三文魚、三文魚沙律🥗同埋三文魚籽😍完全無夾硬配埋啲唔中意食嘅黎hea你，食得出食材好新鮮，壽司飯都唔係一般醋飯，加左鰹魚湯整成，睇得出好有心思❤️日本赤崎蠔(68hkd)呢個真係好大隻，放喺度睇到都超開心，大啖咬落去好滿足，口感比較輕盈😋厚燒牛舌心(98hkd)呢個真係大大大推，外皮煎香左，入面好粉嫩，做到外脆內軟，份量都唔少，送酒真係一流，請大家一定要試下👍🏻西京味噌豬腩(88hkd)味噌嘅咸香突出，唔會overcook，豬肉比較瘦，唔會太油膩，做到焦邊好香脆😍野菜天婦羅(78hkd)都幾多款，有茄子、冬菇、南瓜🎃、粟米筍⋯都幾豐富，我frd大推茄子🍆，佢切左好多層，令口感好均勻地軟淋😋青蘋果🍏梳打(48hkd)係青蘋果🍏醬再加梳打水混合，唔會好甜，口味偏酸，解膩一流😝#foodiblum日式