活在茶下

Open Now

Now Closed

放工陪丫妹到尖沙咀Shopping, 順道入咗呢間小小主打茶飲輕食店歇腳。呢度有少量堂食座位, 全日免加一, 自行收銀處落單, 所有order即叫即整。食物方面有數款鹹食同甜食嘅可麗餅, 同時供應多款茶飲, 包括了傳統口味、養身系列, 就連甜品港式雞蛋仔同埋雪糕, 都加入了茶系元素, 別具特色。【原味雞蛋仔】HK$32雞蛋仔即叫即整熱辣辣, 口感酥脆, 內為半空氣感, 細味食到微甜。 【杭州桂花雞蛋仔】HK$38色澤比原味深色一d, 同樣細味有微甜, 但桂花味唔太出。【煙三文魚牛油果可麗餅】HK$88賣相有如一束花, 軟嫩可麗餅卷住了大量充滿蛋汁嫩滑炒蛋, 配有creamy軟滑牛油果, 當中加入少少wasabi, 跟鹹香煙三文魚好夾, 美味健康又飽肚。【紅豆鐵觀音雪糕麻糬可麗餅】HK$78鐵觀音雪糕軟滑, 入口即溶, 茶味香濃; 麻糬粒粒煙煙韌韌, 配上紅豆蓉, 配搭很有日本風味。最後order咗兩款軟雪糕, 味道香濃軟滑。【雲呢拿雪糕】HK$38【茉莉花茶軟雪糕】HK$42雪糕入口即溶, 散發陣陣茉莉花茶香氣, 清新, 大愛!!

踏入12月， 又係時候要購買聖誕禮物， 所以約朋友shopping之前，就去呢間專食可麗餅的小店試下！簡簡單單的一餐，配上餐廳簡約的日式裝修， 輕鬆舒服的環境！我哋share食，點了一鹹一甜的可麗餅，一底雞蛋仔，再加二杯特色飲品！ 薄薄的餅皮軟熟得來帶有少許煙韌，手捲賣相造型很漂亮！煙三文魚牛油果碎蛋可麗餅～平時比較少吃鹹的,三朵可愛玫瑰花造型的煙三文魚，咸咸香香，配埋碎蛋同好creamy牛油果一齊食，味道出奇地夾！食完鹹的就再吃甜的，紅豆鐵觀音髒髒麻薯可麗餅～ 聽個名就知道餡料好豐富， 雪糕內有濃濃的茶香味，一試難忘，加上紅豆和麻薯好match, 這個下次一定再叫！杭州桂花雞蛋仔～外脆內軟而且每粒都有粒粒桂花在內，味道極之清香，好特別，一粒接着一粒食唔停口！除了可麗餅，店舖另一主打是茶飲！ 所以我哋都點了兩杯，普洱燕麥奶～普洱茶我經常飲，卻從未試過加燕麥奶，兩者溝在一起，可以中和普洱茶的濃度，飲落有淡淡的茶香味，值得一試！藍莓橙滇紅～藍莓和橙加上紅茶，飲得出有水果味道亦都有茶香味，誰也搶不了誰的味道，出奇哋夾！飽餐後繼續shopping去！👍

活在茶下Tea Moment就是希望客人當刻可以把煩惱拋諸腦後，好好享受品茗的時刻，透過茗茶文化帶來身心治癒的喜悅！它亦是首間採用了全港獨家的AI泡茶器所泡茶，根據唔同的茶葉，自動去調較水溫同浸泡時間，從而穩定每杯茶的色香味💗由即日開始到2月24日都會有限定的「買一送一」優惠喔🧡-🎈杭州桂花雞蛋仔 $38用上了頂級的蘭王蛋，食起上黎有濃郁的蛋香味😚最欣賞的是桂花口味，坊間真的很少見到，是帶有淡淡的桂花香味，挺特別😋-🎈茉莉花茶雲呢拿軟雪糕 $38推薦！！🥰❤️第一啖已經覺得是滿滿的茉莉花茶味，味道一啲都唔假完全係真材實料咁整，口感細膩順滑，自己同男朋友仔都好鍾意🫶🏻-🎈香茅茉莉 $48好清新好解渴～-🎈暮菊烏龍 $48相對自己喜愛這款多一點，是清醇的菊花味，因沒有額外添加糖漿，裡面的甜度都是全天然的糖，喝上來完全不會覺得太大負擔！-🎈鐵觀音曲奇 $38很香茶味🍵食起上來亦很鬆化～-無論心情如何，總有一款對應心情的茶😌Tea Moment，飲返好心情❤️-🔸TEA MOMENT 活在茶下 📍尖沙咀海港城海運大廈地下OT G03A號舖

全港獨家研發智能茶藝機械人 用AI模仿茶藝師泡茶技巧⚙️根據各種茶葉特性 自動調較水溫同浸泡時間 穩定迅速咁泡出茶葉最佳色香味 媲美人手泡茶架🥰.📌經典茗茶每一款都好似飲緊濃茶咁 勁香醇濃厚 aftertaste好強 茶控表示好興奮🍵唔太識品茶 但我都大推‼️1️⃣浙江綠茶 $38綠茶係不發酵茶 香醇得嚟好甘鮮清爽 味道就類似伊藤園嗰款濃茶咁 個人最鍾意呢款💚2️⃣福建烏龍 $38烏龍係半發酵茶 咁多杯入面最醇和 但個回甘味就好濃🤎3️⃣雲南滇紅 $42紅茶係全發酵茶 冇叫錯 茶底最香醇勁濃強 亦都係最long-lasting❤️4️⃣沈韻熟普洱 $38黑茶係後發酵茶 雖然係最深色 但個味幾醇和 係溫和嘅茶 仲多左陣陳香🖤5️⃣茉莉花茶 $38用左綠茶同新鮮茉莉花做原料 茶底濃醇得嚟 唔會蓋過天然花香味🧡.📌桃蜜綠茶 $58試左咁多款茗茶之後 就試下tea mocktail🍹呢杯用左白桃+有機蜂蜜+綠茶 加埋一齊味道平衡得好好 好夾👍🏻.📌原味鬆餅 $35口感唔錯喎 做到外脆內鬆化😝牛油味唔太重🧈反而蛋香味就幾濃 所以食落冇油膩感🥚但就有少少乾💦.📌茉莉花茶鬆餅 $35呢款相對鬆軟同濕潤啲🤤但唔知點解有啲鹹味🤔