i CREMERiA (Closed)

依家香港人咁鬼鐘意抹茶 (綠茶)，賣抹茶產品嘅食肆開到成行成市!!!! 今日就去試咗呢間位於尖沙咀海港城Harbour City嘅I Cremeria!!! 除咗尖沙咀之外，佢係銅鑼灣都有分店。我哋唔叫最普通嘅抹茶雪糕，決定試呢個，A姐食到合埋眼，嘩嘩聲咁!!嗰抹茶雪糕好滑，好濃抹茶味，同其他舖頭嘅抹茶雪糕差唔多。反而嗰牛奶雲呢拿雪糕有驚喜，唔係好重奶味，溝番淡嘅綠茶味。最特別配埋柚子醬，甜甜地!!!貪心嘅我哋食芭菲就係為咗有得食啲脆米，令到成件事嗰口感好豐富，有咬口!! 唔好以為完，仲有丸子，麻薯，綠茶啫喱同蒟蒻，真係食極都未完!!今次影得唔係好多相，因為嗰雪糕好快溶，請見諒!!

店內有約十個位可以堂食先去櫃枱比錢然後等叫號碼 匙羹同紙巾都係自助 覺得匙羹好得意 望落銀色以為係不鏽鋼 拎起先知原來係膠羹柚子抹茶餡蜜芭菲 ($56)雪糕係牛奶X抹茶混合口味 好似可以要求店員換全抹茶/全牛奶 不過第一次想試曬兩種口味抹茶味一方抹茶味完全唔濃 即使淨係食抹茶呢邊抹茶味都偏淡 相對上奶味更突出而牛奶味一方既味道同質感食落都十分似麥記既新地雪糕 不過奶味係幾香濃面頭仲有柚子蜜 柚子白玉 同原味白玉 而最底層就有脆米 抹茶啫喱 同柚子啫喱柚子蜜夾埋雪糕一齊食 抹茶味道就更唔突出 好似完全變左食牛奶雪糕一樣抹茶啫喱同柚子啫喱都係我唔鐘意既果種淡味無味啫喱雪糕方面我覺得城中有太多雪糕店水準更高所以顯得較為遜色 而且今次食仲食到一粒冰粒不過白玉係真係好好食值得一讚 開頭食第一粒質地仍然相對實同粉 但係慢慢就會變得煙煙韌韌 柚子味白玉更帶淡淡柚子蜜味柚子同抹茶兩樣睇落唔夾既食材 放埋一齊係幾清新 好適合夏天酸甜開胃