上海老家 (Closed)

今晚約左朋友黎呢個美食小區大角咀食晚飯，我地兩個都中意食中菜，一致通過今次輪到上海菜😊搵到呢間裝修四正選擇又齊全既上海菜館決定試下～兩個人叫左兩隻燻蛋，做特價既酸菜魚柳，回鍋肉同埋兩份桂花酒釀湯丸做飯後甜品😁酸菜魚柳做緊特價好抵食👍 份量都唔少，魚應該用左龍脷柳，幾滑，底下配料有啲雲耳同萵筍，仲有啲唐芹帶出香味👏回鍋肉幾惹味，椰菜爽脆，送飯一流，不過略嫌豬肉薄身左啲啲～桂花酒釀湯丸有好濃郁桂花既清香，唔太甜，加埋淡淡既酒味同配搭黑芝麻湯丸，唔錯👍

離開大角咀朋友家後，在附近找餐廳食晚飯，路過看到這家餐廳，太太又喜歡食上海菜，於是便進店試試位置：位於中匯街街尾，有天橋直達奧海城，而港灣豪庭及君匯港兩個大型屋苑，算是方便，但當然對區外的朋友來就會有點偏環境：餐廳用上中式餐館風格，以木碎板牆身圍繞全店，簡潔衛生可是店旁是車房，所以未進餐廳前感覺一般服務：以家庭式作業，會像朋友般跟客人談天及推介食物，頗有人情味。安排入座後會奉上熱茶，而下單時會細心詢問我們能吃的辣度，比較細心食物：餐廳當然以上海菜為主打，而由於我們都不會太餓，所以主要想試試她們的前菜燻蛋 $15/隻侍應推介說當日的燻蛋做得不錯，當然要一試。果然半熟的燻蛋味道不錯，蛋面灑上胡椒粉格外香。棒棒雞 $60由於本人喜歡辣，所以便點了這款棒棒雞，亦即辣的雞絲粉皮。雖名字跟川菜一樣，但滬菜會放入粉皮，而不是單純的涼伴雞絲。這裡的非常入味及偏辣，既有辣椒亦有花生醬的醬汁香濃美味，雞絲鮮嫩，粉皮薄而入味，很開胃肉沬炒粉絲 $78店家其中一款新菜式，連餐牌上也沒有。侍應指餐廳與坊間不同之處是她們真的有放豬肉去炒，配料除了豬肉粒，還有香蔥、辣椒及菜脯，粉絲非常入味，整個菜很香很易入口酸菜魚

大角咀不嬲出名多野食，今次朋友帶我去食上海菜以為食上海菜好貴，咁你一定食下呢間地道上海小店，平得黎又好食，夫復何求<紅油炒手 $65>用左西洋菜做內餡，侍應哥哥話呢個係季節性限定，用咩菜會取決於當時當做嘅蔬菜西洋菜嘅紅油抄手第一次食，西洋菜綿綿的，幾清新<肉末炒粉絲 $78>呢個其實同螞蟻上樹好似，豬肉用咗一半肥瘦嘅豬絞肉，唔會太肥膩粉絲索左D豬肉，好香口<酸菜魚 優惠價 $38>平時嘅酸菜魚賣成百幾蚊㗎而家優惠價$38就食到，份量比起平時嘅細份啲，不過最緊要係食得夠滋味<桂花酒釀湯丸 $48>食完正餐就要試吓佢個桂花湯圓，湯圓細細粒唔會好濟個湯底好正㗎有清香嘅桂花味，仲有少少酒嘅香醇調味

大角咀有間上海菜館，鋪頭唔算太大，不過有大圓枱好適合一家大細食下飯傾下計。酸菜魚🍲大大件魚塊啖啖肉冇得頂👍🏻👍🏻👍🏻最特別加左萵筍咬落好爽口，吸晒d湯好好味呀，湯底好濃好正，真心推介。蒜泥白切肉🥒肉切得薄薄一片夾埋蒜蓉一齊食好開胃，仲有青瓜吸晒d汁做小食一流。四川擔擔麵🍜湯底好香花生味加埋肉碎碗麵就正喇。真係要講下個甜品🥣桂花酒釀湯丸：桂花味好清香，一小盅有兩大粒湯丸，好香芝麻味，甜品迷必點的。