醉瓊樓飯店 (西貢街)

Open Now

Now Closed

懷舊客家菜 - 醉瓊樓飯店 (佐敦) 這點已屹立在佐敦西貢街已不知多少年。我只記得由小時開始已不時去光顧，而每一次都會吃梅菜扣肉。 疫情爆發後只去過一次。餓了那麼久，現在可8人一枱便快快訂位，嘗嘗邪惡的梅菜扣肉 😈 我們今晚是吃套餐的 - 叫套餐很方便，因他已包括最熱門的餸菜。頭炮是胡椒白果豬肚湯 - 胡椒味很重，很醒胃。再來一個很大的拼盤 - 我掛著吃鮮艷和炸得很脆的炸大腸，忘了吃其他，只記得好像還有咕嚕肉 ... 下一味是必吃的鹽焗雞 - 他的肉很滑，也很咸香。之後就是主打的梅菜扣肉，入口即溶。很邪惡，但你一定要和肥肉一起吃，最好送白飯。減肥？ 明天才減。其他菜式有美果鮮蝦仁、客家炆豆腐、草菇扒西蘭花 & 鴨掌扒生菜 (開始有點像去飲宴)  最後一道菜是油浸筍殼魚 - 魚很新鮮，炸到脆卜卜，感覺生猛。 到這些老店最開心的地方是那種無拘無束的感覺。每味菜鑊氣夠，以實力取勝，我們也吃得很盡興!!順帶一提， 套餐還包括飯和炆伊麵、兩瓶啤酒、汽水， 還有很夠火喉的綠豆沙，真的是超值。如有多人聚會，可以考慮到這店，坐他們的閣樓，自成一角，怎樣吵都沒問題!支持本地老店!

這是一間老舊而傳統的客家菜飯店，起碼有40年歷史吧？🤔飯店不止一層的，可走樓梯上二樓。食物則用食物電梯運送。論環境，飯店真的很老舊，有種老香港的味道。人多吃，點套餐會比較便宜，又可多試點菜色。推薦。套餐398元起(可惜不包白飯)，另加一。胡椒白果豬肚湯傳統足料，暖胃，豬肚冇腥味，胡椒味足。味道唔錯的，客家釀豆腐很滑溜，配 芡汁很下飯的。梅菜扣肉絕對是客家菜的靈魂之一。這店也做得正宗。扣肉炆得夠火候，香鬆帶油香，梅菜吸收了所有精華，正!客家鹽焗雞很滑很多肉，鹹香鹹香的，停不了口。生菜炒得好吃但太多油了。客家菜基本上偏油，吃多會有點膩，如果這碟菜清淡一點就好了，帶翻點清新。

星期日同家人晏左起身，出門搵嘢食已經接近三點，家人提意去醉瓊樓食客家菜，去到見冇客人以為佢地收咗，一問之下阿姐告知午市客飯時間已經過咗，只有散叫小菜或套餐，我們特意到來便決定坐下慢慢揀。這兒有我鍾意食嘅牛骨髓，非常入味又嫩滑。但今次想食多D種類所以叫咗佢地嘅套餐$398 有半隻雞，客家釀豆腐，梅菜扣肉，油菜及腐竹白果豬肚湯。先上梅菜扣肉，梅菜味已經入曬扣肉度，扣肉鬆化，送飯勁正！佢地嘅鹽焗雞好好味，加上特製沙薑味道一流！客家釀豆腐每件有手指咁長，共十幾件，內包碎肉，炸完再燴我自己超鐘意食銀杏，但湯一到有如豆漿咁白，阿姐話係用腐竹煲到化而成，內有無數銀杏同豬肚，啱晒我！下次來要食炸大腸！

同班姨姨5個人叫左個4人套餐,加左4個白飯先講個湯, 胡椒豬肚白果湯, 好香胡椒味, 原本餓到有d胃唔舒服, 飲完個人暖番哂精神哂, 胡椒味剛好唔算太濃烈, 但可能我地全部人都唔食白果, 個個都揀哂d白果出黎, 見到煲湯好足料 鹽焗雞, 隻雞有雞味, 唔會太咸, 而且肉質好滑, 雞皮整得好爽脆~好味梅菜扣肉, 呢個正到不得之了原本黎左碟8成係肥, 2成係肉, 我都已經心心眼架啦, 但姨姨唔想食咁肥,叫人換左碟, 個呀姐好好人, 叫廚房揀過碟比我地,仲打開少少比我地睇左有幾肥先幫我地上碟,好貼心好啦講番碟肉, 個肥瘦度係靚到幾FU 1:1:1:1咁....好有層次,口感好豐富, 果然係招牌菜!!!墊底GE梅肉唔會太咸, 冇蓋過扣肉GE風頭但拎佢黎撈飯又好夠味喎, 呢碟野已經令我呢個夜晚唔食飯GE人,食左1碗白飯, 仲想添多碗紅燒豆腐, 不過不失啦, 不過夠哂大碟囉, 好似食極都未食得完咁 油菜, 同佢個名相符-.- 好油, 油到要用個咀SIR番D油出來,大家食少少好了

有十多年無食,聖誕難得一大棚親友一齊食飯, 唔去食西餐, 反而黎食醉瓊樓, 但果然無揀錯!一圉十二人所以就叫個套餐, 碟碟都好足料, 份量夠哂食梅菜扣肉, 每台客人必點! 睇落好肥膩, 但入口即溶! 梅菜又唔會好咸, 又香鹽焗雞, 無冰鮮味, 忍不住連雞皮都食埋客家釀豆腐, 夠獲氣~蒸鯇魚, 無泥味又大條, 好彩無加錢要條斑白胡椒豬肚湯, 唔辣, 都不錯,但感覺似腐竹糖水多D~真係保持住十幾年前的味道, 下次一定再黎食過^^

上星期週末前夕約了幾位朋友晚上一起飯聚，一位阿姐提議去佐敦的醉瓊樓食啲懷舊客家菜，剛巧旁晚P哥仔又致電相約，便邀約他來參加這飯局。 這裹的店面多年未有翻新，入內感覺像時光像倒流回七十年代，懷舊味十足，我們被侍應安排坐在閣樓上。花了一番時間商議，終於點了一個可供四人用的$238套餐，再加一碟椒鹽白飯魚，其實如果不是太大食，那個四人套餐巳經足夠五個人吃，不過想多試一兩味菜才再加餸。我們今天點了以下菜式:白果豬肚湯 - 煲成奶白色的湯水入口清甜，豬肚都煲到很冧身，蘸些醬油連湯渣都咁好味！招牌鹽焗雞 - 醉瓊樓的招牌菜，雞肉皮下脂肪不多，雞肉帶正宗鹽焗雞獨有的鹹香味，不是那種冒牌B貨鹽水雞可比。 梅菜扣肉 - 扣肉是正宗一半肥肉一半廋肉的五花腩肉，配上那炒香的梅菜乾，入口味道濃而不膩，連怕吃肥肉的我也覺肥肉入口即溶，完全不覺得肥膩。客家釀豆腐 - 每件豆腐都釀著鮮魚肉，一碟有十多件份量不少咕嚕肉 - 一道易煮難精的普及菜式，柳梅肉粒被炸成外脆內軟，醬汁剛好黐滿肉粒，是正統咕嚕肉的造法，不像坊間那些給甜酸醬浸著的劣品。清炒菜心 - 不會煮過火，菜身保存碧綠色，入口爽脆有菜的天然鮮味。 椒鹽炸