森林咖啡 (Closed)

放假梗係要 chill 吓！今次去咗山旯旮咁遠嘅大埔林村，一間好有大自然 feel 嘅 cafe！唔止遠離塵囂，周圍都畀植物包圍住，仿如置身於森林嘅感覺，仲有好多隻松鼠仔陪你開餐𠻹！呢間 cafe 地方雖然偏僻，但喺大埔墟坐 64K 坐大約30分鐘，喺新村站落車，行2分鐘就到，都算易去。雖然四圍都係樹，好彩嘅係無蚊同昆蟲，而大樹仲有好多隻野生松鼠，有人會自備花生，放喺樹洞口，引佢哋出嚟，感覺都幾新奇！另外，仲有好多打卡位，韆鞦、古董電單車、古董大鐘、英式郵筒等都好有外國風味，感覺都幾正㗎！不過～咪以為咁 chill 嘅地方就係文青開嘅，啲侍應都係大叔同嬸嬸，突然好似去咗茶記咁！店家指因為疫情，啲杯同碟都轉晒外賣紙盒紙杯，貌相跌晒 watt，唔環保之餘，打卡又唔靚，仲要額外加錢，成件事突然好唔大自然呢！而食物方面，cafe 有漢堡包、沙律和waffle 等輕食，大部份都係自家製，漢堡包更加係手作麵包，每日新鮮即製，我哋嗰日 3點都唔夠就賣晒，要試就要趁早啦！自家製嘅漢堡脹卜卜，好香軟，而安格斯係茶記嗰種薄切牛扒，好大塊，不過好多筋，味道差OK，但好軔唔係好吞到，其他料都豐富，蕃茄好大塊好

週末去露營入營前先去cafe食個burger，食飽再露營星期六中午1點幾去到不用等位 量過體溫後便可以入座坐到户外的位置 側面已經係大樹🌳點了兩個漢堡1️⃣ 大食漢堡 ｜$95厚度十足的牛肉 有8oz重😛食落肉汁鮮嫩 牛味香濃每啖都好滿足😌2️⃣ 森林安格斯漢堡 ｜$85呢個就完全唔同 係薄切牛但係味道都唔錯 醬汁同塊牛都幾夾個人比較喜歡大食漢堡多啲3️⃣ 蘆薈檸檬蜜梳打 | $33另外都叫左杯梳打 少少甜甜地 用黎解油膩感啱啱好同場加映！食食下發現有松鼠仔係棵大樹上爬來爬去有堅果、提子粒已經放係樹上兩隻松鼠輪流爬去拎野食 一到手便到樹上一旁慢慢食喺度進餐有走進大自然嘅感覺😆

環境之於食物，食物之於環境，兩者環環相扣，缺一感之失落無味。「森林」餐廳深埋高聳綠樹環抱之中，獨立小屋伴有門外大笪空地，泛盪著外國詩情畫意遊閑氣氛。餐廳獨立白色小屋自成一國，店主花盡心思建築門外空地，以外國田園居所為設計藍本。這是許多外國鄉郊生活人士的基本常識，首先要買籬笆圍隔屬於自己的小天地，然後沙石平整地面，再以長木舖建平台。店主更因地制宜，在盛夏炎炎香港，加建一個法國酒莊常見之品酒帳篷，營造蔭涼、大自然微風吹沸的進餐環境。太太進入白色主屋後道：「這很像少女峰山下的餐廳呀」。我反駁：「明明這是我們蜜月旅遊期間所到之加拿大安大略省千島湖之湖畔小屋」。在鎖國期間，「森林」餐廳讓我們憑屋寄情，解慰一眾渴望離港之心。 在昏黃燈光下，店內播放柔和琴聲，牆上鬆了淺薄藍天顏色，再掛上大大小小用油畫框盛著的圖畫相片。長方形玻璃小窗可見外面陽光燦爛，照耀著粗壯老樹，茂密繁枝綠葉讓樹下乘蔭。店員在樹旁欄柵放著幾顆核桃，閃爍間松鼠從樹洞奔下搶走核桃又跑回洞內享用，小孩被松鼠驚嚇呆愣眼光仍默默望著樹洞。「森林」店主聰明地把多種外國田園象徵意符濃縮自己餐廳之中，讓客人感覺猶如童話小說經典外國家庭生活。這裡最

赤口搵訂去，咁啱去完附近露營，一於搵間原野d 既餐廳，延續這戶外經歷。今日雖然是星期一，好彩森林餐廳有開。最愛佢有得泊底架車，園林實景，可口咖啡。今次一行7人，4大3細，可以叫盡佢餐牌所有食物，由於他款式不多，7款~真係叫盡左。不過食物宜精不宜多，所以他長期keep 到水準。【森林安格斯漢堡】原塊上，再一口扯開，確實係好好feel 。 當然他的薯角，係可以幫有小朋友既家庭，換來一刻寧靜。不得不提係咖啡，雖然冇拉花，冇特別的選擇，不過學店主話齋，咖啡當然是飲d 豆味，唔係飲佢個樣law 😏。

早前經媒體報導身邊有不少朋友都到訪過這間森林咖啡館雖然擔心會太多遊人但老婆仔仍然想在這裡用餐今天趁著好天氣我們就在太和乘小巴前往吧終於來到了雖然人不少但無損那種隱世感覺因為咖啡館真的在樹林中位於餐廳範圍內望向那裡都是樹在四周拍過照後我們便坐下點餐雖然天氣炎熱但坐在室外看著綠悠悠的樹林用餐才是賞心樂事加上有多部大風扇所以就不怕熱了我們分別點了65元的唐人街雞扒沙律以及80元的森林安格斯漢堡價錢其實有點偏高不過賣相看起來不錯這份唐人街雞扒沙律雞扒非常大件底下的沙律菜也非常吸引因為色彩非常豐富吃起來也很清新底下其實有很多黑醋加上蕃茄在炎熱天氣下吃到酸酸的味道特別合適加上很香又多肉的雞扒確實不錯而森林安格斯漢堡漢堡其實份量不大但吃得出那塊牛扒質素很高香味足肉質也剛好旁邊同樣有新鮮的沙律另外最突出的是那些薯角香脆的薯角配上隨意加的茄汁同樣很適合在這炎夏吃雖然價錢略高但勝在能感受一下避世的滋味也是非常值得來一試的

呢間Cafe未去之前就已經聽到唔少朋友話「好靚～」，所以趁放假就即管去會一會！位置唔算就腳，但好在唔算難搵。落咗巴士，見到士多後再行前少少，已經可以見到Cafe嘅外貌。置身於森林裏面的白色屋仔，感覺好清新，用嚟影相呃like完全無難度。再睇埋入面，有一種復古味，木製餐桌、舊唱片，播住曲婉婷嘅歌，又多咗一份溫馨感。去嗰日係平日、又有小小落雨，加上一點幾已經去到，客人真係無乜，但覺得咁樣好舒服，唔洗同人逼，又唔會有人同我講限時幾多分鐘乜乜乜，終於有返少少放假嘅感覺！講返重點：食物質素！原本擔心呢D cafe都係得個樣，但食落又覺得幾驚喜！份量比想像中大，肉質夠juicy，朋友都食得好滿足。雞扒好大塊好嫩好好味，沙律擺到滿，正正子！細細件，綠茶味唔算太突出，不過不失啦。識用呢種杯裝飲品都幾加分，有助保溫。右邊嗰杯係凍朱古力，都幾濃朱古力味，不錯喔！食完梗係要喺出面影下相，外面張高腳吧檯位相信係唔少港女們影呃like相必爭位置，好彩食完都無人同我爭。影完一輪之後，有個唔知係老闆定職員嘅男人仲主動指埋後面個韆鞦位叫我地去影><想放假hea一hea又遠離繁囂嘅你地，Forest C