沙田新強記燒鵝海鮮酒家

Open Now

Now Closed

成日去大圍，但都未食過｛新強記｝本身對佢無咩期望，點知又真係幾好食😋值得一試！✴️沙田新強記雞粥✴️粥底綿密厚身，帶有淡淡嘅鹹味，不過雞味唔突出～雞件keep到嫩滑，不過份量唔多，得大概5-6件🙌🏻✴️豉椒炒大蜆✴️好惹味🔥大蜆真心大隻厚肉，欣賞！✴️金牌燒乳鴿✴️乳鴿熱辣辣，新鮮炸起一定好食🤤皮好薄好脆，鴿肉好juicy ，成件事唔啱好❤️‍🔥✴️椒鹽九肚魚✴️九肚魚軟腍腍，炸衣透薄鬆脆，而且真係有椒鹽味，好不錯👍🏻👍🏻

今天晚餐廳來到大圍的新強記這家酒家在我小時候已經有印象翻查資料原來一九七八年已經開業今日來吃個便飯所以都是點家常小菜店內的裝潢保留著八十年代酒樓風貌白紙皮石大圓柱電話間等都保留著二人點了椒鹽九肚魚紅燒乳鴿生炒糯米飯椒鹽九肚魚新鮮炸起外皮酥香份量多大大舊魚肉鮮嫩多汁絕對是香口送飯的不二之選除了家喻戶曉的沙田雞粥外紅燒乳鴿也是新強記的名物即叫即炸入口滾燙沒有不好吃的理由皮炸得香酥呈現美麗的香檳金色一口咬下去肉汁傾瀉而下一人吃一隻才夠過足癮果然是新強記的名物之一飯後敬送飯後糖水南瓜西米露這已是酒樓將近失傳的傳統了

是日友好相約吃晚餐，到沙田新強記先到先拎位。到達店員就安排了座位，點普洱茶邊飲邊睇食譜。🍽️🥢🫖齊人可以點菜，每人一道菜式。朋友點新強記小炒王，金牌燒乳鴿，椒鹽九肚魚而我就點了粟米龍躉石斑塊。菜來了，人未吃手機先吃。新強記小炒王-韮菜新鮮嫩口，蝦乾又大又香，魷魚彈牙，還有腰果爽脆。🤩金牌燒乳鴿-炸得夠脆而入面還保持到肉汁。椒鹽九肚魚-熱辣辣，入面嫩滑，一口咬落去口感一流。😍粟米龍躉石斑塊-石斑先走油鎖住肉汁，嫩滑魚肉配合魚香加上粟米，very nice。飯後贈送糖水同樣一流，特別推薦紫米露。🤗

大圍新強記雞粥，乳鴿及燒鵝遠近馳名，其他粤菜相信質素都唔錯先可以屹立大圍多年如果想一次過想齊以上推薦的鎮店三寶，可以叫晚市套餐，會比較抵食，但套餐只供應星期一至五啊我哋今次散叫， 想試下唔同菜式。沙田新強記雞粥(例牌)雞件嫩滑有肉香， 應該輕輕炒過再放粥。綿密粥底高質夠味，配上炒過雞件，兩者味道完美混合叫得招牌嘅，真係唔會令人失望。份量都唔小，有一大鍋，三至四人食都無問題新強記小炒王整體鹹香有鑊氣，鮮嫩韭菜配上如蝦乾，魷魚等海味，輔以菜甫及腰果。下飯及送酒都係一流之選椒鹽九肚魚炸粉輕薄，魚身細膩嫩滑，基本上不用咬，就可以把魚整條吞下，食晒食碟都唔會有負擔沙爹金菇肥牛煲味道濃厚而不會膩，除了主角金菇肥牛外，還有不少粉絲把沙爹醬仔完美吸收，份量亦相當充足地點好方便，大圍站出站就見到，不錯的粤菜選擇

😎既然嚟到大圍，😏搏下彩數去試吓新強記，睇吓有冇位。全場爆滿，不過好彩等咗唔使5分鐘就有位啦。我哋三個人，經理好好，問我哋有張 方形枱，比較細張啲坐唔坐。😅唔想等,我哋梗係坐啦。一場嚟到，點都要試吓新強記燒鵝王。加個杏汁燉白肺湯（八個人飲都夠）椒鹽脆豆腐椒鹽九肚魚 再加多隻金牌燒乳鴿三個人來講，其實都好多🤣🤣雖然全場爆滿，但係上菜速度快，都好好食，員工都好有禮貌招呼周到。好彩我哋早一步到，坐低之後，門口企咗好多人等位。

一家四口一齊去食飯，因為爸媽都話想食燒鵝燒乳鴿，所以去左大圍好出名既新強記晚餐。新強記係歷史悠久燒鵝老字號，門口有大紅燈籠高高掛，仲有一大隻強記鵝歡迎大家入去食飯。餐廳超級大間，好中國風，一睇個外形同內籠就感覺到勁有古色古香feel，連碟都係古中國畫，靚！我地散叫，無選到套餐。新強記燒鵝皇（例）$170係鵝脾位，very good！鵝肉連住一啲肥膏同骨所以嫩滑。鵝味濃，沾醬食更美味。金牌燒乳鴿 $58叫左2隻，每人食半隻。乳鴿雖小但我覺得算係多肉食，好香好香，要襯熱食！椒鹽九肚魚 $108咸咸地好好味，個炸皮薄脆，魚肉超軟滑，香口度十足。香桃咕嚕肉 $128酸酸甜甜好開胃，即刻叫左白飯一齊食。咕嚕肉啖啖肉，食得出係即叫即做，絕對唔會係出面其他餐廳翻炸再翻炸既肉乾。紅豆沙甜品係送既，凡進餐都每人一碗中式糖水，全家都選擇左紅豆沙。紅豆沙個糖水係水狀，紅豆粒粒分明。我鍾意呢款紅豆沙，一啲都唔稀，濃紅豆味，仲食到陳皮味，食紅豆時有得咬下有口感。

呢日朋友要去大圍交收園藝用品，已經有一段時間冇入過嚟大圍，決定喺附近搵野食，遇啱落大雨，就睇吓火車站附近有咩嘢食，離遠望到《新強記》啲紅燈籠，入去食返隻乳鴿同碗雞粥懷緬一吓都好喎～ 🥸一入酒樓，嘩～～～ 細個同屋企人食飯、讀書時同宿友宵夜嘅回憶湧晒出嚟～🤓酒樓保留住舊時嘅裝修牆壁一大幅桂林象山山水畫鋪滿紅色紙皮石嘅大圓柱收銀處仲保留住舊式嘅大玻璃酒櫃(好似去咗博物館咁🤭）懷緬一番後，點菜醫肚先🔸金牌燒乳鴿肉嫰juicy，皮香味濃，基本上唔使再點華鹽水準保持得好好不愧多年來長佔推介菜式名單之上 🏅可以點原隻、一開二，或者一開四上碟～🔸椒鹽九肚魚炸漿香脆、薄身魚肉嫰滑，炸得香口就咁食又得，點一點配附嘅醋食又得加埋炸蒜夠哂惹味～🔸金銀蛋浸時蔬時蔬係莧菜，幼嫰無渣鹹蛋、皮蛋同肉碎足料個上湯底夠哂味，就咁飲都好好味呢三樣餸食到差唔多先至叫侍應上埋個粥，想滾熱辣咁食嘛～🔸沙田新強記雞粥(例牌)原本以為例牌係一大碗，原來都成窩咁上喎！份量比預期多 （真係好耐冇嚟喇～）至於味道呢～～～ 保持到記憶中沙田雞粥嗰份美味雞件有咬感👍🏻 雞油令到個粥更加香滑仲有蔥香味同薑味食得開心又滿足 ☺️食完飯仲有”綠豆沙

依間燒鵝酒家係沙田區好出名仲記得細個黎過一兩次朝聖～今次襯母親節孝敬一下媽媽🤪裝修好冠冕堂皇 好有古代感連隻碟都係一塊山水畫🙈一定要點三寶: 燒鵝雞粥乳鴿!最喜歡都係雞粥 夠入味飽肚😚.▫新強記燒鵝王 $130一場嚟到就梗係要嗌招牌🙆🏼‍♀️果然係油令令 帶點油香之餘有煙燻味肉質厚實 燒鵝汁甜甜的令味道更香口.▫金牌燒乳鴿 $48外皮香脆 鹹淡適中 點埋淮鹽同醬汁更滋味!.▫沙田新強記雞粥 $98又一經典!! 超大一煲 每人起碼食咗三至四碗😶雞粥綿滑帶點鮮甜 用雞件烹煮 肉依然好嫩滑個粥吸晒啲精華 每口都有陣香濃嘅雞味 想更正可以再落埋胡椒粉.▫椒鹽九肚魚 $98炸得好酥脆滋香 九肚魚本身帶點軟骨同時都好爽滑 做開胃/下酒菜就岩晒🤪.▫上湯海味雜菜煲 $108點都要嗌返碟菜嘅🙈落滿粉絲同蝦乾 仲有西蘭花同菜心等有埋上湯烹煮 調味和軟度剛好 好足料健康!

新強記屬於係大圍既一間老字號，雞粥同燒鵝都係出名既小菜，今日就同家人一齊去酒家食返夠本。 雞粥雞粥口感都算綿滑，啖啖粥都帶有微微既雞油香，好易入口，雞既口感食落都算嫰滑，但就雞件比較細，整體都算好。 燒鵝燒鵝都算出名既店舖名物，叫左一個燒鵝例牌，食落外皮香脆，肉汁令口感更順滑，味道淳口，份量都算好夠。椒鹽九肚魚新鮮炸起，炸得好香脆，香脆得黎內裏都仲好軟滑，椒鹽味都好夠，送酒食配搭非常好。 雜菜煲通常食咁多肉就會想食返少少蔬菜，雜菜煲就係一個唔錯嘅選擇，有幾款菜，菜心啦白菜等等，配搭上湯，條條菜都好夠湯汁。燒乳鴿嗌咗一隻乳鴿，少少地試下佢。燒出嚟外皮都好香脆，味道都香口。總結味道都好好，環境都好寬敞唔會好逼，仲好有大酒家既裝修和擺設，好啱一家大細黎食做節食飯，一個唔錯既選擇。