King's & Queen's 冰室 (Closed)

趁放假同哥哥一於去街街，想要有少少郊遊feel ，於是諗到又嚟西沙行下舒展一下筋骨，又可以再嚟呢間茶座，一邊食下野hea 下，一邊同貓貓玩下，真係一樂也。嚟呢庋其實交通非常方便，可以於沙田市中心坐巴士299x，於「泥涌站」落車，然後過對面就係啦。呢間冰室環境確實不錯，超多打卡位。室內有很多各有特色牆畫，增添了不少文藝氣息！除了室內座位，亦可選擇室外，可以吸收一下陽光氣息。店內仲養有兩隻短毛貓，可以同貓店長影下相添。食物方面選擇十分多，我直頭覺得似酒家小廚。除了各款小菜、炒粉麵飯，海鮮類、小食或甚至煲仔菜都有供應。《椒鹽白飯魚》（$98），呢個菜值得一讚，白飯魚炸得鬆脆而不油，椒鹽十分惹味。由於慢慢嘆慢慢食，即使放耐了仍然爽脆可口。《招牌菠蘿咕嚕肉》（$88），好耐無食，所以突然好想食。份量頗多，整體味道ok ，而甜酸味適中。《星洲炒米》（$78），炒得夠乾身，口感很好。不過個人口味喜歡濃郁，如果咖喱香味加多一點就更佳了。最後加埋杯凍奶茶（$18），非常完滿了。 一邊享受美食，一邊沐浴在大自然之中，十分放鬆舒𣈱，確實是假日的一個好去處。

西沙路一帶多的是村屋，最近呢2年附近一帶都大興土木，準備會起好多新樓，平時揸車入西貢經過西沙路都好想係村既餐廳食野。但無咩人介紹邊間，就無咩特別衝動🤣 今次有位住村屋既新同事介紹下，我地一行4人就黎左呢間位於泥涌村村口既餐廳。.門口只是單單招牌，老實說，毫不吸引🙈 又點會諗到內有乾坤。一坐低睇下食乜餸，原來係中式餐廳😅 大廚之前曾經係粗菜館及多間高級菜館工作，所以小炒類食物，係佢既燃手菜。.🍴淮香炸子雞(半隻)$108老闆強烈推介我地叫呢個炸子雞，首先講明佢地鋪頭所有食物都唔落味精，同時只會落日本高質食鹽🥰 一上枱見到賣相已經一流，個皮好油亮好靚，皮脆肉好嫩，非常多汁，雞味相當濃厚，就算係雞胸肉都好好味，一定係我食過最好既「炸子雞」😍.🍴 椒鹽白飯魚 $88白飯魚呢個餸，真係正常家庭都唔會煮，功夫多食得快，每條魚仔加粉炸個下都煩。但呢度既椒鹽白飯魚真心正，首先魚肉軟身嫩滑，口感咬落脆卜卜。大條白飯魚唔會太細，岩晒椒鹽炸，肉較多較厚，經油炸抽乾魚肉水分後，仍保持到一定嫩滑度。.🍴黃金蝦球$98鹹蛋黃蝦球，邪惡極致🙈但佢又真係整得好正，蝦🦐球加粉輕輕炸過，沒有平時食黃金蝦既太濃味，淡淡的帶