維港灣餃子坊 (Closed)

有無人都好鍾意食餃子！今次專程黎到元朗一嚐超睛嘅流沙咸蛋黃炸蝦餃！除左野生松茸鮮肉餃、黑松露鮮肉餃等十多款餃子，仲有勁茜三重奏 (一碗有齊茜餃、茜麵、茜湯) 同 多款特色小食~▪️流沙咸蛋黃炸蝦餃 $30/3隻炸餃幾靚仔喎！外皮香脆唔油膩，面頭嘅流沙鹹蛋黃帶沙沙口感，不過鹹蛋味就唔算好突出。反而內餡蝦味十足，伴隨韮菜香，幾足料▪️雙拼煎餃 $46/6隻配是日老火湯一碗芝士粟米雞肉餃 (額外加$3)煎餃底部煎得香脆，餃子皮唔會好厚，入面嘅芝士呈半融狀態，而唔係幻想中嘅拉絲。芝士味濃郁，配上爽口多汁嘅粟米粒，內餡濕潤唔乾~🥟黑松露鮮肉餃 (額外加$9)餃子好飽滿好足料！雖然黑松露集中係一邊，但香氣依然突岀，不過就無粟米餃咁濕潤~▪️香芋地瓜丸 $18地瓜丸外脆內軟，毫不油膩，芋頭餡綿密，唯獨芋頭味偏淡。▪️椒鹽粟米 $22同想像中有啲岀入，粟米唔係爆汁個款，但都唔會燒到好乾。椒鹽味都淡左啲

今日坐足五個鐘整把稀疏嘅頭髮，整完都四點幾，好肚餓！我好想食餃子🥟我就問髮型師元朗有乜餃子好食，又要喺附近！佢就推介呢間維港灣餃子坊！坐低即刻望吓個餐牌，推介係韭菜鮮肉湯餃、招牌四拼湯餃等！我就叫咗個韭菜鮮肉湯餃同一杯豆漿，其實我心中想食四拼餃㗎！但係我唔鍾意食芫茜，就無叫啦！之前我髮型師推介過芫茜，佢話勁多芫茜，勁香！可惜！我味蕾好抗拒，無辦法之下保守啲食返韭菜餃，橫掂而家戴口罩無人發覺我口臭😹湯餃好快就有得食，我以為湯餃係將啲餃子浸入湯裏面，但原來係分開㗎！一碗老火湯加八隻餃子🥟是日老火湯係粉葛豬骨湯，但叫呢碗老火湯要$15，飲落無加味精，好飲但可惜湯係凍㗎！失望！餃子一啖咬落去唔散開，好實淨！手工唔錯，皮夠薄，多肉汁，名符其實皮薄餡靚😋我見到枱面有樽辣菜圃，我怕辣，都攞咗少少嚟送餃食，好好味呀！又唔會好似辣椒油咁油，加咗落去啲餃子度就變咗另一種口感！正👍🏻食到一半我就叫埋椒鹽粟米🌽，好快又嚟到有得食！睇落平平無奇嘅粟米，竟然咬落去好香甜！加上椒鹽帶出香脆又可口嘅味道，令我食到唔停口，真係好惹味，值得推介🙌🏻呢間店設計帶出香港本土文化及特色，一邊食住傳統餃子，一邊欣賞牆上插畫，真係

週末入元朗，口淡淡，有啲想食餃子，於是就入咗維港灣餃子坊一試佢哋嘅餃子。元朗有好多黃色餃子店，但又真係未試過維港灣，今次一大班人食，叫咗唔同種類嘅餃子同小食🤩餃子可以選擇跟湯或者煎餃，跟湯我哋叫咗鹹蛋芥菜豬肉餃，好特別，出邊冇食過。平時我麻麻哋芥菜浸苦味，但係撈埋鹹蛋，味道出乎意料之外幾好味😋值得一試椒鹽豆腐皮薄，炸得啱啱好。炸素餃，點埋咖喱汁，幾特別，有啲似印度小食samosa🤣🤣最最最最最好味的邪惡流沙鹹蛋黃鮮蝦餃🥟真係超級出色，鹹蛋流沙配以鮮蝦豬肉，再加埋個炸皮，好邪惡，好好味。不過食一個就夠，因為真係好Heavy，所以都係分甘同味，一人一隻，比較好。煎餃叫咗芝士豬肉煎餃，韭菜餃，同埋大白菜餃。芝士豬肉餃我嫌佢啲芝士略羶🤔韭菜餃，同大白菜餃，就正正常常。除咗餃子之外，仲試咗佢哋啲炸物，前面嘅係炸南瓜薯餅，後邊嘅係炸號，兩種炸物都好好食，炸得啱啱好👍🏻👍🏻仲有佢哋嘅峴芥鯪魚球，都好好食。住元朗嘅你，如果經過嘅話，都可以一試佢哋嘅餃子。價錢相宜之餘，又好味，仲要服務好好。