Video
Read full review
2015-07-24
1727 views
今晚只喺與朋友聚聚舊，食吓嘢，傾吓偈，所以，就唔會上咩大館子，朋友嘅提議，就喺近近哋過嚟上環嘅越泰。小弟返中環工，行過嚟就好方便啦，車錢都慳番一程 。門口架有一個大餐牌，大可睇睇啱唔啱食先入去，不過，既然我哋一早約好，咁就入去慢慢睇有咩想食。原來喺新開無耐，所以，店內環境非常新簇簇，多組2、4人枱，亦可拍埋坐上6、8人以上。裝修比較簡約，唔會有太重越南或泰菜館嘅感覺，都喺走番啲摩登、年輕嘅風格。牆上亦只喺掛少少畫作為點綴，唔太花巧。因為朋友遲到，所以，大可慢慢睇有咩想食。趁得閒，就相機先睇，翻一翻餐牌，由於菜式包攬越南、泰國兩地，所以，選擇多的是，分類包括：沙律、越泰風味地道小食、米紙卷、越南傳統濱海、主菜、湯河、撈檬、飯品、蔬菜、湯類、啤酒、特色飲品、甜品，一應俱全，合共過百款 ，而且，睇落價錢都實惠相宜 。唔想傷腦筋諗食乜嘅，就最好晌套餐著手，有1、2、4、6人套餐可供選擇。由於套餐包嘅嘢多，平均消費百鬆啲，都頗合理，而最貼心喺全日都唔收加一嘛 ！ 椰汁綠豆冰 $26 未齊人，我哋幾個先頭部隊就點住嘢飲，邊飲邊傾先。小弟揀嚟依杯椰汁綠豆冰，綠豆喺用咗開邊綠豆，而椰汁冰
原來喺新開無耐，所以，店內環境非常新簇簇，多組2、4人枱，亦可拍埋坐上6、8人以上。裝修比較簡約，唔會有太重越南或泰菜館嘅感覺，都喺走番啲摩登、年輕嘅風格。牆上亦只喺掛少少畫作為點綴，唔太花巧。
因為朋友遲到，所以，大可慢慢睇有咩想食。趁得閒，就相機先睇，翻一翻餐牌，由於菜式包攬越南、泰國兩地，所以，選擇多的是，分類包括：沙律、越泰風味地道小食、米紙卷、越南傳統濱海、主菜、湯河、撈檬、飯品、蔬菜、湯類、啤酒、特色飲品、甜品，一應俱全，合共過百款 ，而且，睇落價錢都實惠相宜 。
唔想傷腦筋諗食乜嘅，就最好晌套餐著手，有1、2、4、6人套餐可供選擇。由於套餐包嘅嘢多，平均消費百鬆啲，都頗合理，而最貼心喺全日都唔收加一嘛 ！
椰汁綠豆冰 $26 未齊人，我哋幾個先頭部隊就點住嘢飲，邊飲邊傾先。小弟揀嚟依杯椰汁綠豆冰，綠豆喺用咗開邊綠豆，而椰汁冰涼透心。至於友人所點嘅鹹檸梳打、越式滴漏咖啡……等等都唔錯。
椰汁綠豆冰
$26
50 views
0 likes
0 comments
水晶蝦米紙卷 $55 雖未至於情有獨鍾，但好幾次食越南嘢都不其然點咗米紙卷，店內嘅米紙卷只有3款：田園素菜、水晶蝦或軟殼蟹，因為已打算叫一客法式牛油軟殼蟹試試，所以，米紙卷就試水晶蝦。一客4件，薄透嘅越南米紙卷捲有米粉、生菜、青瓜絲、九層塔及大蝦仁，沾少許魚露，鹹鮮清爽 。
水晶蝦米紙卷
$55
75 views
2 likes
0 comments
越南菜有一道好出名嘅小食「法式牛油雞翼」，但「法式牛油軟殼蟹」就第一次品嚐。一客有4隻軟殼蟹，每隻都開半，方便入口。軟殼蟹軟軟腍腍，又富牛油香，卻喺入口不油不膩，認真唔錯 。
法式牛油軟殼蟹
$128
75 views
2 likes
0 comments
以前曾食過一道冬蔭雞，實在不俗，依道就唔見有，不過，有另一款河內香茅燒春雞，燒春雞喺即叫即燒，並原隻登場，店員話可以自己切，或拎番入去由廚師代勞，哈哈，梗喺佢搞好過我哋搞啦，「盞」搞到雞手鴨腳 。
河內香茅燒春雞
$148
68 views
1 likes
0 comments
越式蝦醬炒時蔬 $65 時蔬揀咗椰菜苗，貪佢好咬口，椰菜苗非常翠綠，鹹香惹味。唔知大家有無留意，大部份菜式都以木碟或木盆盛載，足以餐廳都絕非「求求其其」。
越式蝦醬炒時蔬
$65
59 views
0 likes
0 comments
唔夠飽嘅話仲有個撈檬墊肚，炎炎夏日食啲撈檬類就最爽，撈檬有配豬扒、豬頸肉、牛肉、雞絲扎肉、蝦餅……等等。我哋所食嘅香茅牛肉撈檬，估唔到幾大份量，內有酸白蘿蔔絲、甘筍絲、九層塔、花生碎、炸蒜片……等等，當然唔少得主角香茅牛肉，淋上魚露撈勻，味道富層次，檬粉又清爽 ，真喺抵食嘅飽肚之選。
順化香茅牛肉撈檬
$65
61 views
0 likes
0 comments
Post
