Restoran SAYA

Open Now

Now Closed

嚟呢間餐廳食飯，係因為有一日喺openrice主頁見到呢個廣告，心諗米芝蓮泰國菜都唔會平，但係睇睇個menu，都還可以，係中等價錢，但打著米芝蓮旗號就去試試。喺openrice book咗位，7點鐘店內都差唔多滿座，我哋坐嘅係窗邊高吧台，要排排坐望住窗口食飯。椰青 $58好熟，啲肉勁淋，都算香，但唔凍，只係室溫，椰青夠凍會比較好飲。泰北咖哩金麵 $128聽講係招牌菜，叫翻個試吓。啲咖哩都幾辣的，見到好大堆個啲係脆條，又或者係脆麵？浸啲咖哩汁會好食啲，不過我哋覺得一般所以只食咗好少。麵喺個堆洋蔥下面，有一堆正常煮過浸住咖哩汁嘅麵，樣子同口感都似伊麵，煮淋咗同埋浸住汁幾入味，好食過脆麵。旁邊仲有一堆燒雞扒，燒得幾香唔錯。炭燒豬頸肉 $138燒得唔夠，偏淋，亦冇乜炭香味，都偏薄炭火燒牛肉 $208有十舊，份量都算ok都係燒得唔係好夠，又唔係好熱，有啲位比較難咬，同埋唔太濃牛味蟹肉奄列 $168呢個好似都算招牌菜，同埋其他餐廳比較少見。上菜個樣幾靚，入面唔算好多蟹肉或者好香蟹味，但都有的，呢舊奄列會食到好滯。

20240512 午餐話晒米芝蓮一星有少少期待，都算合理卦可惜結果不是我想像的椰青係最正常。不過條紙飲管，啜吓啜吓，啜唔到。都費事換過碌蟹肉奄列好快就上菜蟹肉係多，但冇味蛋炒到老晒，勁油有碟甜甜地嘅余均益醬比你點整體黎講，好油，唔好食，食完都差唔多飽唔知是咪叫正宗泰北風味本人就唔識欣賞了炒雜菜淡味，菜都好細舊成碟野好hae 好求其芒果糯米飯極度求其比個椰奶搶晒味不過芒果係擺得靚，同埋數量係多不過都係冇乜味服務ok張吧枱，對我黎啲哈比人黎講坐，得比較辛苦冇下次，完

係OpenRice見到收藏量極高嘅泰國菜，決定假日黎試試。大角咀地段人流冇咁多， 一開門冇book枱都有位。環境岩影相打卡，裝修精緻。炭燒豬頸肉 Kor Moo Yang ：唔錯，豬頸肉唔乾身有肉汁， 配特制酸甜醬同生菜包住食，唔會膩口。帕咖喱虎頭蝦： 配菜有茄子，小豆角，青豆，紅椒，虎頭蝦有炸過，香口同咖喱味好夾，配蒜蓉包都唔錯，但個人覺得配飯會好啲， 但單叫飯細既$28。印度飛餅： 牛油味比較濃， 普通。但配咖喱好味。甜品： 香蕉薄餅 ，有別於平時泰國見嘅香蕉薄餅， 冇咁甜， 香蕉同煉奶？加厚薄餅都幾夾。但份量少。椰青： 甜！ 整體上， 質素唔錯👍🏻價錢都中高位，最後埋單517包service charge ~

最近食左泰國菜，但係總覺得有d未夠滿足，睇返自己d食物相，原來無食過泰式咖哩！今日嚟到大角咀，就睇吓呢度附近有無泰國餐廳可以食返咖哩補番數，搵下搵下就搵到呢間，裝修好靚，係我鍾意嘅藍色，仲有彩磚枱面。 當然今次一定要食咖哩啦，揀左泰式青咖喱雞($128)，再配埋印度飛餅($38)。薄餅點咖哩，相信呢個絕對係 perfect match，點知當咖哩雞上枱嘅時候，先發現原來係會配埋蒜蓉包……開始擔心唔知會唔會叫得太多嘢食，因為除咗咖哩雞同薄餅，我地仲叫左炒通菜，仲有係香蕉薄餅。 鍾意食青咖哩，因為佢有辣香，但入口唔會太辣，仲因為加左椰奶而有小小甜，配合埋薄餅一齊食，軟韌香脆索滿咖哩汁，十分滋味。而雞肉用左雞腿，所以肉很嫩滑。飛天炒通菜($78)都幾大碟，仲好夠鑊氣，又有幾多蒜。椰青($58)偏大個，幾好，夠晒解喝最後甜品食埋香蕉煎薄餅($78)，熟透嘅香蕉夠晒香甜，配合微微烤燶嘅薄餅，味道恰到好處。餐廳裝修真係好有特色、好靚，加埋強勁而輕鬆嘅音樂，喺度用餐嘅感覺甚有渡假feel。

餐廳門口整大片既落地玻璃自然光打入去, 令到整間店光亮感好強入到去係以湖水綠為主色調既裝修門口放左一棵幾大樹葉既植物整體係傳統充滿泰國民俗風既裝潢我覺得最靚係佢既餐枱, 用左兩隻唔同既湖水綠細方磚鋪成牆身都係湖水綠顏色, 再掛左一個圓形既燈天花其實也有一個大圓燈影照住餐枱所有野夾埋, 其實幾似海灘既感覺, 似陽光映照著海水而泛起既耀眼光線配合埋泰國既食物, 為食客營造一個去泰國渡假既感覺, 呢個位好有心思, 欣賞所以亦都不奇怪點解咁多人幫襯睇返個MENU, 都唔少菜式係我未試過既真係有別於普遍食過既泰菜所以我同朋友都特意叫左3款特別既菜黎試下食物整體都好滿意, 覺得好新穎服務方面, 以我接觸過幾位既侍應都係外藉人仕, 溝通語言係英文非常友善, 雖然係戴住口罩, 但同我地落單, 講解菜式個陣都睇到佢笑住講, 真係好友善, 感覺好舒服所以配合濃厚既泰國風味環境, 寬敞既空間感幾有水準既食物同友善既服務, 呢一餐食得開心➽ 泰北咖喱金麵 Khao Soy Noodle $128呢個菜特別之處係有兩款麵, 一個係軟滑質感, 一個係炸過黎咖喱汁唔辣, 甜甜地帶咖喱香味食得出係有椰汁既甜味呢個汁配

知道大角咀有一個新樓盤，中午就打算和朋友過去遊覽一下，看看該區環境如何。其中一個最重要的，就是要觀察一下附近有沒有好餐廳。來到利奧坊地下，都見到不少特別餐廳，而最吸引到我的就是這間「Restoran SAYA」。「Restoran SAYA」的裝潢充滿泰國民族風，在街外經過亦會自然地被餐廳的湖水綠風情吸引著。餐廳本身坐得舒適之餘，亦同時擁有極大量的打卡位，無論是一入門口的梳化位、中間的bar 枱位，又或者內裡的坐位，全部都是復古系，亦有大量海報、掛飾等等，食嘢之前絕對可以去到餐廳不同角落打卡。Restoran SAYA 作為泰國菜，經典菜式和特別款式都含蓋在餐牌之內。看到這樣精緻的環境，我們都是想吃一點泰國小食，叫杯嘢飲，影吓相打吓卡為主。✺ 1. 小食拼盤泰式的小食拼盤通常都非常出色。看到Restoran SAYA 的拼盤有多款特色小食，那就乾脆點一份拼盤來嘗嘗不同口味，好過單點一份小食吧。小食拼盤入面有多款選擇，包括泰式炸雞棗、泰式牛肉乾條、蝦片、泰式香腸和泰式脆炸雞皮，差不多餐牌上的小食款類都包含在小食拼盤內。Restoran SAYA的小食確實有充分泰國東北部的味道，與其他泰國

/𝑅𝑒𝑠𝑡𝑜𝑟𝑎𝑛 𝑆𝐴𝑌𝐴 🇭🇰/➖➖➖<正宗泰國東北菜🇹🇭>➖➖➖黎到大角咀 利奧坊呢邊真係越嚟越多新店進駐今次去到呢間店充滿夏日氣息 好似去左個小旅行特別係店內嘅藤椅同綠色植物✨店舖以湖水綠為色調❤️空間感十足加上用左落地玻璃 有足夠天然光🤩非常igable🌟更有去度假嘅感覺🥰食物方面都有幾多平日少食到嘅特色美食除咗正宗泰國美食之外部份更加係有其他東南亞菜式嘅元素佢哋嘅lunch Menu每兩個星期會更換一次當日店員都有推介我哋食某一啲食物😆➖➖➖1️⃣ 特式開胃拼盤 $88 🌟呢個開胃拼盤包括有虎蝦檳榔葉面康、肉末花生菠蘿、手打魚鬆西瓜都係第一次食呢類嘅泰式小食 賣相精緻最鍾意食西瓜❤️切成四方粒 夠甜一口size ☺️☺️檳榔葉有少少辣～係會食到薑味菠蘿嗰款都唔錯 入口甜甜地包住幫我襯就好似平時泰式炒飯嘅蛋🤩➖➖➖2️⃣ 泰北咖喱金麵 $128 呢款係人氣之選之前都見過好多人食過✨金麵掛滿咖喱汁 辣度冇我想像中咁強勁個面有少少似平時港式嘅粗麵另外會配上烤雞 唔會太過鞋口➖➖➖3️⃣ 燒牛肉沙律 $188 呢款定價稍高 不過都幾多牛肉😆肉味都夠濃 不過辣度偏高稍為蓋過左少少肉味！連

大角咀最近的確開咗唔少泰國餐廳，但食得專嘅，就為數不多呢間專門食泰式東北菜（泰國東北叫依善地區），唔想食嚟食去都係phad thai呀咖喱呀，就應該試吓呢間連沙冰都唔同過人㗎，薑汁撞菠蘿沙冰，既酸且溫，果味同薑味又夾又出，啱晒大胃呢啲想飲凍嘢又怕寒得滯嘅人伊善燒雞，零舍不同，人地通常係拮入肉串起燒，佢地就用長木夾夾起嚟燒，肉塊唔會瀡嚟瀡去之餘，醃料燒得都入味點埋酸辣得入魂嘅辣醬，配埋本地水耕菜食，太與眾不同喇未試過以茄子為主嘅沙律，原來呢味餸都幾有心思，茄子唔係𠝹開原條上，而係去皮再撕成一條條，拌以香菜、肉碎、醬汁等材料，從未食過咁美味嘅泰式沙律東北地區煮飯都有一手，尤其係竹籠糯米飯最聞名，較香燒煮味飯粒晶瑩透亮，口感又綿又易入口，就咁食亦得，伴餸菜亦得泰國最出名嘅甜品，除咗芒果糯米飯，人氣值近來急升嘅就係香蕉煎薄餅，原來唔加朱古力醬，係更加好食，唔會太甜又原汁原味胃民好堅持飲椰青水嚟感受泰式風情，椰青凍冰冰上檯，一飲涼透心，清甜開胃，椰肉又好嫩，好易舀嚟食

以前打泰拳🥊成日都係拳館痴餐，因為師傅整嘅泰北菜真係好好食！果種帶濃濃香茅、南姜和檸檬葉嘅酸辣味道，令我自始偏愛泰北菜🇹🇭所以一見大角咀開咗間新派泰北菜餐廳，我就即刻迫個朋友黎陪我回味一下🤭呢間新餐廳裝修走東南亞路線，大大個落地玻璃空間感十足，極度適合打卡📸而佢地亦有齊2人枱、4人枱同8人枱，每個zone都有唔同設計style，啱晒附近白領Lunch gathering 或者傾生意。炭 火 燒 牛 肉 配 糯 米 飯 ($128)呢個set可以揀配沙律、糯米飯同牛油黑胡椒炒飯，但泰北風味又點可以無糯米飯呢？炭燒牛肉燒到7成熟，牛味越嚼越出仲帶有微微嘅炭燒香，點埋清新嘅Chimichurri Sauce，有食泰北菜嘅感覺呀🇹🇭泰 北 燒 雞 咖 哩 金 麵 ($98)另一樣泰北名菜當然係咖哩麵喇🥘彈牙嘅粗麵掛上濃濃椰香味嘅咖喱汁，傍邊仲有脆卜卜嘅炸金麵條，而雞扒亦燒得嫩滑juicy，成個配搭都香口惹味啱哂我胃口😋椰 青 (+$38)咸 檸 七 (+$12)睇佢地Lunch set 連餐飲平均$68-128，以佢地咁精緻嘅擺盤加上咁舒服嘅環境，定價相當合理呀👍🏻