Video
Read full review
2019-01-28
960 views
同女朋友一齊左四年，一般嘅情侶四年後可能會變得懶惰，熱情不斷流逝，當初嘅激情亦隨着時間慢慢消磨殆盡，剩下嘅只係習慣。我同女朋友當然唔希望成為當中嘅一對情侶，我哋每個星期日都會設計特別嘅行程，下午由女友設計，夜晚就由我決定，而今日我決定帶女友去mini club。位於餐廳中間嘅巴黎鐵塔非常吸晴，配上金碧璀璨既天花，整個環境顯得高貴典雅。倒轉嘅巴黎鐵塔令我諗起周星馳嘅巴黎鐵塔反轉再反轉，當下唔係覺得好笑，而係覺得能夠做出巴黎鐵塔反轉再反轉嘅情侶非常浪漫。女朋友叫我幫佢揀適合佢嘅cocktail，呢款perfume of Roses最適合女友，玻璃杯猶如女友既上身，配上金鏈顯得非常高貴，cocktail每一啖充滿陣陣玫瑰芳香，甜度適中，無可挑剔。我自己叫咗What the duck，最特別當然係外型-泡泡浴缸，令我想起熱戀情侶鴛鴦泡泡浴既浪漫事情。味道方面，What the duck 偏向重果味，所以較甜，飲一啖再放少少爆炸糖入口，呢種飲法幾新鮮。首先上菜嘅係法式龍蝦汁海鮮扁意粉，意粉偏稔身，龍蝦汁非常出色。接着嘅係黑松露野菌薄餅，餅皮非常香脆，幾乎每一啖都有獨特幽香嘅黑松露味，野菌亦令薄餅
我同女朋友當然唔希望成為當中嘅一對情侶，我哋每個星期日都會設計特別嘅行程，下午由女友設計，夜晚就由我決定，而今日我決定帶女友去mini club。
位於餐廳中間嘅巴黎鐵塔非常吸晴，配上金碧璀璨既天花，整個環境顯得高貴典雅。倒轉嘅巴黎鐵塔令我諗起周星馳嘅巴黎鐵塔反轉再反轉，當下唔係覺得好笑，而係覺得能夠做出巴黎鐵塔反轉再反轉嘅情侶非常浪漫。
女朋友叫我幫佢揀適合佢嘅cocktail，呢款perfume of Roses最適合女友，玻璃杯猶如女友既上身，配上金鏈顯得非常高貴，cocktail每一啖充滿陣陣玫瑰芳香，甜度適中，無可挑剔。
Perfume of Roses
$95
20 views
0 likes
0 comments
我自己叫咗What the duck，最特別當然係外型-泡泡浴缸，令我想起熱戀情侶鴛鴦泡泡浴既浪漫事情。
味道方面，What the duck 偏向重果味，所以較甜，飲一啖再放少少爆炸糖入口，呢種飲法幾新鮮。
What the Duck
$95
57 views
1 likes
0 comments
首先上菜嘅係法式龍蝦汁海鮮扁意粉，意粉偏稔身，龍蝦汁非常出色。
法式龍蝦汁海鮮扁意粉
$103
38 views
0 likes
0 comments
接着嘅係黑松露野菌薄餅，餅皮非常香脆，幾乎每一啖都有獨特幽香嘅黑松露味，野菌亦令薄餅冇咁油膩。
黑松露野菌薄餅
$95
18 views
0 likes
0 comments
炭燒安格斯牛仔骨足足有12安士，肉質厚實，牛味香濃，旁邊嘅焗薯蓉亦不錯。
極上12安士炭燒安格斯牛仔骨
$127
34 views
0 likes
0 comments
一對熱戀中既情侶勇於嘗試從未試過嘅事物，所以我哋亦叫咗從來未試過嘅食物，就係24個月黑毛豬火腿伴芝士拼盤。黑毛豬火腿入口帶鹹香，旁邊嘅蔬菜沙律中和火腿嘅油膩，配上不同種類既芝士亦有不同滋味。另外，餅乾塗上黑松露醬，簡單卻是最美味。
24個月黑毛豬火腿伴芝士拼盤
$231
38 views
0 likes
0 comments
最後今餐以甜品作結，我地叫左the Love of Eiffel，共有兩層，以巴黎鐵塔架既形呈上甜品固然浪漫。職員將水注入乾冰底盤，營造出煙霧瀰漫既夢幻感覺。
一切就如初戀一樣，一開始大家因熱戀只看見對方的優點。當煙霧散去後，大家開始看清對方，逐漸放大對方缺點，甚至嫌棄。但只要我地仍然記得當初一切甜蜜回憶，從另一個角度看到不同的對方，大家仍然能夠保持甜蜜。
The Love of Eiffel
$175
24 views
0 likes
0 comments
上層主要有朱古力粒同馬卡龍，朱古力粒有咖啡、焦糖、同草莓朱古力味，至於馬卡龍有檸檬、青蘋果味等等。下層就係屬於我嘅世界，因為迷你芝士蛋糕，布甸慕絲同泡茉都係我既最愛。
今餐女友非常滿意，她既微笑仍然是我既推動力。期待下次和女友嘗試唔同既cocktail，同女朋友一起仰望巴黎鐵塔。
Post
