茶皇殿

Open Now

Now Closed

🍽️茶皇殿 (旺角)📍旺角奶路臣街33號依利大廈2樓 1. 開茶-人參烏龍茶 $15/位🫖一坐低開壺靚茶，是常識吧！呢一款人蔘，烏龍茶有淡淡的人參味，茶底唔算太濃，芳香回甘，飲落去好舒服。2. 燒味 $1 🐷佢哋嘅一蚊燒味有清遠走地雞，茶皇殿燒鵝皇同極品乳豬。我今次就食咗佢哋嘅極品乳豬，香脆可口，好新鮮。佢哋自設烤爐，超抵食質素高！3. 茶皇殿小炒皇(又足料) $118🍤擁有大廚級鑊氣既小炒皇，有韭菜花，蝦仁，腰果等等！唔單止有鑊氣，而且好足料，蝦仁好彈牙，真係好抵食。4. 茶燻雞$128🐔呢一款係必食嘅菜式之一，佢哋嘅茶燻雞茶香味濃，有少少煙燻過嘅感覺！食落去啖啖肉，好Juicy，真係食唔停口。5.鮮菠蘿咕嚕肉 $98 🐷佢哋嘅咕嚕肉份量好多，加埋新鮮嘅菠蘿，酸酸甜甜，好開胃！咕嚕肉做得好香脆外脆內軟，出邊有啲咕嚕汁，真係食完一舊又一舊。💖P.S. 佢哋環境好光猛 ，地方都好闊落，坐得好舒服！服務質素都好唔錯，店員都即叫即到，好熱情。佢哋啲嘢真係平靚正，而且好熱鬧，同屋企人朋友飲茶食飯最好不過！

疫情咁耐都冇好好出過街飲番餐茶，適逢屋企人生日，佢地都話鍾意食酒樓，所以帶左佢地去酒樓食晚飯，慶祝一下🥳見到個晚市套餐好似抵食，$688 就有5個餸，仲有好多款可以選擇，所以都一致決定食呢個👨🏻‍🍳晚市廚師推介 $688👑上湯焗龍蝦伊麵 🦞一隻（另加$100）屋企人話想食龍蝦，所以就跟餐加左100轉龍蝦伊麵。黎到都嚇左嚇😮超大碟，份量十足，龍蝦走過油，肉質新鮮彈牙，上湯底亦都好入味，啲麵索晒啲湯汁，非常之正👍🏻👍🏻👑蒜蓉粉絲蒸大元貝🧄（四隻）最鍾意爆多蒜蓉😍完全滿足到我嘅口味，元貝亦都好肥美，size夠大，連埋啲粉絲一齊食好惹味👑西蘭花花枝炒帶子🥦🦑三選一入面覺得呢個幾抵食，有花枝同帶子，帶子都有4隻，新鮮有鑊氣👑金沙脆蝦球🍤蝦球真係超多隻，仲要舊舊都半個拳頭咁大，外皮包左麵粉炸到脆卜卜，仲食到一層衣，每一件蝦都均勻咁沾滿晒啲咸蛋，口感亦食到起沙，極邪惡😈😈👑蜜梅柚子京燒骨🍖真係食得出有柚子同梅味，唔會淨係得蜜糖嘅甜，酸酸甜甜亦都好厚肉，唔韌👑極品乳豬🐖 $1乳豬一蚊！所以唔需要諗！必叫！2-4位限叫$1份燒鵝/乳豬/走地雞。$1就有1/4隻，好吸引，質素亦都好好，個皮脆卜卜亦有肉😋。