芝樂坊餐廳

Open Now

Now Closed

前排適逢Cheesecake Factory 搞左個Cheese Cake Day，所有芝士蛋糕半價，於是今日就去買左幾款開心Share。接近30款不同口味的芝士蛋糕，原價$80-82，雖然真係幾大件，但都覺得幾貴下，所以真係要講句多謝老細。.唔知係返公司路途遙遠還是公司雪櫃唔夠凍，有少少蹋左，唔知會唔會影響蛋糕唔感及味道。芒果青檸芝士蛋糕我無試到，但同事評價係「難食」同非常甜。檸檬紅桑子忌廉芝士蛋糕同事覺得好味，但我覺得紅桑子的味道有點似藥水。鹹焦糖芝士蛋糕食得出有鹹味，但係食多幾啖都覺得好甜。菠蘿翻轉芝士蛋糕呢個我揀選的口味最好食，甜之中比較清新，仲有菠蘿餡，口感最豐富。.雖然今次同事對芝士蛋糕評價都係負皮，而我亦知呢間Cheesecake Factory係美心集團旗下既，不過呢間係美國過江龍，我之前在外國食過晚餐係唔差既，餐廳食物份量幾大份，所以當年都無叫過甜品，唔知外國同香港食物質素有無差別。

今晚和朋友去開尖沙咀食飯，食完朋友心血來潮想食甜品，我就即刻想到去依間芝樂坊餐廳食芝士蛋糕啦～依間餐廳都勁出名，今晚終於有機會一食，八點來到都仲要等二十至三十分鐘先有位，所以決定拎走去其他food court食算～蛋糕櫃有好多蛋糕有不同選擇，件件都好吸引都幾難揀，最後揀左檸檬紅桑子忌廉芝士蛋糕，食完真係幾滿足的～檸檬紅桑子忌廉芝士蛋糕 $82Lemon raspberry cream cheesecake大大件賣相掂，連外賣盒設計都非常認真，蛋糕放在三角格位拎走好穩陣，連篤cream都有專用格位～芝士蛋糕口感幼滑細膩，青檸味清新帶微酸。每啖加點cream食無咁膩食落更滑，cream甜甜地就咁食都幾好味，餅底比較甜都係混cream食好～

相約一班老表happy friday，當然要搵一間好坐既餐廳，最後揀了每次經過都大排長龍的「The Cheesecake Factory」。由於餐廳不設訂位，兼且限時用餐，於是早放工的先到餐廳。晚上六點半到達餐廳，門外已有十數人排隊，取票時侍應指需等候約90分鐘，既然未齊人，兼且星期五晚到處都是覓食的人，最後決定等下去，取票後，就到附近逛逛消磨時間。一個多小時後，接到餐廳有枱的通知。餐牌的選擇很多，但因為要留肚食甜品，故每人選一款食物。🔶 餐前麵包三款麵包中，以黑糖麵包最好味，不用搽牛油都可以。🔶 凱撒沙律沙律菜頗新鮮，喜歡上面的芝士。🔶 炸芝士通心粉球老表推介的頭盤，上枱時，大家都被佢大大件既外表嚇怕😆 每人吃半件已覺得飽，宜襯熱食，否則凍咗會覺得好膩。🔶 德州墨西哥脆卷原以為是一般的墨西哥脆片，到食物上枱才知道是釀有餡料的春卷，不用沾醬都很夠味，食物微辣。🔶 水牛城香辣雞翼這道炸雞翼其實幾香口，但真係幾辣，結果食剩。🔶 雞肉蒜香檸檬忌廉意大利幼麵食意粉最怕冇乜汁，乾巴巴的，這碟意粉就冇呢個問題，個醬汁幾好味，不會很鹹。終於到咗甜品時間，望着餐牌上接近30款芝士蛋糕，覺得很困惑唔識揀

吃完之後會想念的The Cheesecake Factory，餐點種類實在是太多了，每個都想試，芝士蛋糕的口味超豐富兩次來訪都覺得意粉超美味，令人念念不忘，這次吃的是-香辣路易斯安那雞肉蝴蝶粉一上桌香氣十足，重點是那三大塊炸得酥脆的雞胸肉，整體偏薄，咬下去外層十分翠，裡面的肉很嫩不會柴，意粉的紐奧良醬汁味道很香，辣度不高，怕辣的人可以嘗試，蝴蝶粉看起來可愛，煮的時間剛剛好，份量適合兩個人吃！另一份主菜-芝樂坊漢堡，漢堡排是牛肉做的，厚厚一大塊，肉味十足，漢堡上來要自己組裝，肉味十足，漢堡上來要自己組裝，有蕃茄、生菜、烤洋蔥和酸黃瓜，味道一般般，有附上薯條最後甜點一定要點一塊芝士蛋糕，建議兩人吃一塊就夠了！檸檬紅桑子忌廉芝士蛋糕非常好吃比起其他巧克力或焦糖口味的，這款吃起來甜度相對低，檸檬的酸度被紅桑子果醬的甜度中和，再加上芝士蛋糕本身的奶香味，味道非常和諧，旁邊的奶油也可以沾著吃，不會膩！超級推薦這款給想吃一點不一樣口味又不想吃太甜膩的人！

今日4個女仔難得撞假，終於約到嚟Tne Cheesecake Factory食芝士蛋糕。呢度只有11:00至17:00可以訂座，入座起計2小時還枱，因為我地18:00到餐廳，完全唔洗排隊等位，因為有一個朋友仔未到，我地3個食住蛋糕等真係好吸引，芝士蛋糕口味好多，每款都令人好心動好想食，喺選擇困難下，我地3個人叫左4款芝士蛋糕朱古力碎曲奇麵團芝士蛋糕$76，蛋糕內有朱古力碎曲奇及合桃，整個甜度爆錶，但好好味，超級邪惡。無敵紅絲絨芝士蛋糕$79，紅絲絨蛋糕同芝士蛋糕層層相間，面層係忌廉芝士同白朱力，呢個係我至愛檸檬紅桑子忌廉芝士蛋糕 $79紅桑子雲呢拿蛋糕及檸檬芝士蛋糕，配上檸檬慕斯，酸酸甜甜好開胃30週年紀念朱古力芝士蛋糕$79特濃朱古力蛋糕同松露朱古力忌廉，上面既螺旋巧克力係完全實心的，愛好朱古力既人必試。炸芝士通心粉球$128，外層香脆，內層有濃濃既芝士通心粉，配上既意式番茄忌廉醬，十分惹味。水牛城香辣雞翼$148，特製既水牛城辣醬味道偏酸，帶輕微辣味，連同藍芝士醬點嚟食，不得了！意式忌廉闊條麵$166闊條麵配上巴馬臣芝士忌廉汁⋯醬汁好『水』，闊條麵完全掛唔到醬汁⋯

與相識近三十載的老朋友一聚，在討論吃什麼的時候，其中一位朋友謂在美國時曾光顧這店，想到香港店再吃。故我們決定到位於尖沙咀海港城的港威商場光顧這間來自美國的「芝樂坊餐廳」（The Chessecake Factory）。朋友亦告知，香港店沒有訂位服務，更因為開業不久，食客在過去數月是超級的多，她囑託我們還是早點到步，好讓早到早排隊早入內，有位的機會便更大，我們決定相約在七時於餐廳門前，而她將會早於六時半便到餐廳排隊。由於餐廳位於港威商場，與尖沙咀地鐵站或柯士旬站也有十數分鐘步程的距離，故我還是早點前往，的確，乘公共交通的地鐵前往，不算方便。六時半剛過，朋友已抵達餐廳並在排隊，我看見人龍也頗長，便先到門前櫃檯查看，發覺檯前等侯的食客也有一定數目，再看入內，發覺餐廳很大，但很昏暗，暗得根本無法判斷是否滿坐。與朋友討論過後，基於另一位朋友九時多便要先行告退，我便建議到別店去，唯朋友堅持。幸好她堅持，因人龍不久後便開始前進，其後負責接待的店員前來，我們報過人數後，便繼續等，而友人則先行入內再與接待員交涉。此時，我們站到門前的第二組人。也幸運地，隊前的組合沒人齊，我們很快便到櫃前，唯此時，櫃前的年

琴日去完附近嘅太空館睇展覽，朋友提議到芝樂坊開餐！去到都有大約10個人等緊位，佢等位會比個“咇咇機“你，有位就會響，於是我地就去商場兜左陣，大約半個鐘就有位，都算快！餐廳安排左比我地坐高枱，所以快啲！個Menu 有成二百幾款食物，我地睇左好耐都唔知揀咩好！侍應見我地好懊惱，都會主動走過黎睇下你地有咩需要，又會介紹下菜式，值得一讚！我哋見到一個個名好得意嘅沙律~ “ 超級清新喚顏沙律“… 就睇下佢到底有幾清新喚顏！哈哈！材料都幾豐富，食落又幾Fresh 喎！ 有菜同埋水果粒！各款嘅生菜，羽衣甘藍，配以提子，牛油果，梨，果仁等等，口感相當豐富同清新！！ PASTA 因為又係見過名好得意，所以就揀咗“伊芙琳至愛粗管意粉“！份量好夠，好大碟！係蕃茄雜菜松子配粗管意粉！當中仲有雅枝竹！🍴 蕃茄味嘅意粉係我嘅最愛！所以我覺得相卻當唔錯，但略嫌唔夠熱！嗌左個小食“炸蟹餅“！（侍應有提醒份量會細啲！）蟹餅炸得香脆，都幾多蟹肉！ 蟹肉都有甜味！食完正餐當然唔少得要嗌甜品喇！我哋嗌咗4款唔同嘅蛋糕share！ 包括有： "無敵紅絲絨芝士蛋糕"，“ 鮮士多啤梨芝士蛋糕“，“ 檸檬紅桑子忌廉芝士蛋糕“，“ 松