村爺爺龍蝦湯.泡飯.燉湯專家

Open Now

Now Closed

日日煮飯真係好攰㗎⋯⋯難得媽媽肯暫時放低鑊鏟，同佢去食好嘢😆呢間佢係好耐之前睇完啲雜誌介紹，話想試嘅其中一間餐廳～終於得償所願～👏🏻舖名講明主打龍蝦湯、泡飯、燉湯（🐟川芎白芷魚頭湯、🐟花膠湯⋯🤤）仲有豬求其，即係豬什、牛、墨魚、蝦、仲有撈麵、咖哩飯⋯坐無虛席，簡單企理，價錢合理～⏱太概排咗15分鐘，💡留意要齊人入座。為節省時間，排隊時店員會幫你落單。佢個menu望落好多嘢揀咁，直接搵店員推介😆，後生仔店員有耐性有禮貌，讚👍🏻😋花膠螺片雞煲翅 $68 （套餐加$10，有白飯油菜）🥬預設生菜，加$5可選其他菜🌟呢個價錢，呢個份量、質量、味道，絕對物超所值！半隻雞、花膠、螺片、雞湯，最緊要係咩？👵🏼：「唔洗煮呀麻🤣😂！」湯，固然好飲，但個人覺得雞係亮點，肉滑唔柴，係雞胸都唔柴，點小小豉油又多個層次🤩😋殿。海鮮龍蝦湯泡飯（包半隻龍蝦🦞）$98海鮮友應該會覺得好滿足，因為個湯入面好多蜆、好多青口，仲有魷魚、扇貝、生菜底。湯底濃郁，媽媽👵🏼係咁食青口：「好甜！」完全無諗過留比我😆其實佢咁多料，仲有殼，好難泡個飯落去喎🤣🤣🌟總結：媽媽表示很滿足👵🏼♥️

講開呢間油麻地嘅村爺爺，我相信好多人都聽過，佢岀名除咗佢嘅龍蝦湯泡飯同埋雞煲翅之外，經過嘅一定會被那長長的人龍吸引。星期五嘅晚上我足足排左差唔多兩個鐘先至入得，門口長期有5-60人喺度排緊隊，但係本着要食好西嘅決心，最後我哋排咗一個鐘零五十分鐘終於入到🤦🏼‍♂️好滾動！不過值得一提係老板非常之好笑容，同態度好殷勤，會係我哋排緊隊嘅時候勁nice咁幫我地落定單，呢種好態度係一啲已經紅咗嘅鋪頭實在少有，抵佢咁多人幫襯。入到店內我哋當然點左佢最出名嘅花膠螺頭雞煲翅($68), 同埋海鮮龍蝦湯泡飯($98),以上加＄10就可以轉做套餐配埋飯，菜同埋嘢飲，當然食飯可以轉米線拉麵米粉等等，我就配左米線🍜。佢個花膠螺頭雞煲翅應該係最受歡迎嘅食品，基本上見到八成都係叫呢一個，佢一上枱我都俾佢份量震撼到😱，佢係足足有半隻雞咁上，附上膠手套，等你可以好似食手撕雞咁狂野地撕開來食。我先試個湯，非常濃郁花膠螺頭雞湯味，而且非常鮮甜，飲完不覺得口渴， 應該是純正無添加味精，當中食到3-4舊完整嘅花膠，好足料！👍至於雞肉非常之嫰滑，不會因為是燉湯肉而顯得柴，徒手大啖大啖咁吃雞，再飲一啖湯就真的非常滿足！😋👍👍😍村爺

已經係第二次黎食喇。食物水準保持到！講番今次先，夜晚8點10分到，排到8:40就可以入座....食物5-10分鐘到啦，就上枱喇。今次同男人一人一個殿海鮮龍蟹湯泡飯，材料有大約10粒蜆肉、3粒青口、1粒扇貝、幾條生菜.......仲有半隻龍蝦呷一啖湯頭...唔....係一陣陣好香嘅甲殼素嘅味道...我見到男人隻龍蝦係有膏嘅，仲同佢交換左隻龍蝦席間仲見到有好多人食新出嘅花膠雞湯飯....唔...下次一於要試試佢...不過唔駛排咁耐就好喇

之前係Facebook見到有人推介村爺爺泡飯 就一直都好想去試 今次就同好中意食海鮮既男朋友一齊去試吓我哋六點幾到 唔使排隊 店員安排左我哋坐係最入邊嘅位 牆上見到貼左好多相 同埋小店既報章訪問殿。海鮮龍蝦湯泡飯 ($98)個半隻龍蝦有成半個碗咁大 仲有大扇貝 青口 墨魚仔 蜆等等滿滿一碗 飲左一啖個湯係好鮮甜既海鮮湯 無腥味 未食就已經覺得好滿足喇反番轉 就見到隻龍蝦都幾肥美有肉地 男朋友就即刻開動 因為我地係特登黎試泡飯 所以都係揀左配飯 原來係會分上 自己中意泡幾多都得個蝦鉗打開左之後又係滿滿既龍蝦肉 值得一提既係d海鮮用料都好新鮮 而且蜆殼類都無沙 個湯底鮮甜唔咸 唔係果種飲完之後要係咁飲水既味精湯底小店仲好貼心咁係餐盤度跟上蟹鉗夾同濕紙巾鮮雞鮑片雜菌泡飯 ($42)個湯底係比較清甜既豬骨湯 同龍蝦湯底其實差不多 不過明顯地係少左份海鮮味我將成個飯倒左落碗湯度撈埋一齊食 鮑片鮮甜有咬口 雞肉就好嫩滑 平時我都中意走青 但今次d蔥花落得好好 好夾我地仲叫左碟生菜 唔記得十幾蚊跟餐既凍檸茶 茶味幾濃今餐既性價比好高