La Postre (厚福街) (Closed)

嚟到尖沙咀一定要去厚福街H8食飯咁今次咪就是西班牙野啦 因為自己又唔太肚餓 咁我就帶咗一個前菜 一個Pizza 一個西班牙飯同埋一杯嘢飲嘅咁我哋就兩個人去呢 另外就會有個二人餐嘅不過實在太多啦 我就今次冇嗌 先嚟睇吓嘢食鵝肝多士： 多士好似烤到脆口 上面呢仲有啲脆脆去增加個口感 不過黎到有啲凍 未去到入口即溶嘅感覺 但係當小食嘅話都好食嘅 唔會有太高嘅期望呢個蜜糖雞肉pizza下次再嚟應該會叫多次㗎佢係甜甜地仲有蕃茄，芝士，雞肉，菠蘿 佢係大概八吋既薄批嚟嘅 佢亦都比較多調味料啦同埋嗰啲雞都唔會話太過熟 所以全部都啱啱好因為佢有個餐牌就有幾款西班牙飯嘅 咁我就嗌左個辣肉腸西班牙飯 咁除咗有辣肉腸芝士啦跟住仲會有啲豬肉嘅 我食落去第一啖就覺得好食嘅 之後就覺得好普通冇乜特別啊最後就係杯水果茶入面有橙，蘋果，青蘋果 飲落去就好似檸檬加橙汁再加水 都係普通水果茶嘅味道

哈哈哈哈豬頭生日飯月已經開始左，不停去食生日飯😻真係食足一個月～所以懶左冇寫食評寫唔切😂講下呢間原本經過好多次經過都想食，次次人山人海咁～因為我唔會再幫襯樓上嗰間（E字頭）西班牙餐廳詳情就可以睇我另一篇食評，今次朋友仔死心不息話生日book到食呢間,試新野我無所謂既裝修就好靚嘅啲燈飾好靚有吧枱坐滿晒人，仲有咖啡師😀見到枱面有包Condom樣既野😳😳😳唔通朋友向我性暗示！？😂😂😂西班牙人熱情啫都未至於咁食色性也，我亦都唔係秀色可餐😂呢包只係濕紙巾廢話講太多了，都係睇返Menu有新野喎～見佢粉紅色意大利飯咁就梗係試新野。因為得我地兩個撐枱腳，所以我哋都係叫多一個餸加啲嘢飲同沙律就算數啦，因為想食埋下面menu個甜品侍應妹妹同哥哥見我地睇來睇去，就走黎介紹，其實佢講咗好多我哋都係諗住試新野。先來口渴飲水果茶，生果就好似冇諗住俾我食，因為匙羹都唔無俾我。正常味道份量就唔多因為個茶隔同生果已經佔咗幾多空間～粉紅色西班牙飯～粉紅色其實係士多啤梨汁睇落去冇平時啲意大利飯咁漏～食落有啲酸酸地，個人覺得仲清新過平時啲意大利飯。啲飯煮得都幾淋，唔似平時有粒粒嘅。西班牙海鮮就唔算總類多但份量夠，啲蝦有啲無梅

今晚老公帶我黎呢間西班牙餐廳浪漫下, 呢個藍色門口係厚福街當中好搶眼, 我地6 點半到, 餐廳唔算多人。呢到座位闊落, 環境裝修得好有情調, 充滿浪漫氣氛, 岩晒拍拖人士, waitress 服務態度都好好。menu 有好多款式, 睇圖已經好多野想食, 不過眼闊肚窄啦>< 所以2個人叫左一個前菜, 一個主菜, 一個甜品。未食野, 大家先叫返杯飲品先, 我叫左最愛既水果茶($42), 老公就叫左杯什果Mojito ($78)前菜叫左老公最鍾意既硯, 西班牙青豆煮硯($168), 一上枱已經聞到好香既蒜香牛油味, 份量唔少, 硯肉肥美, 隻隻硯都有肉嫁, 唔係得D 空殼,  湯底清清地忍唔住都飲左幾啖。食西班牙菜, 唔少得更係西班牙海鮮炒飯啦, 我相信都係呢間餐廳既主打, 因為見到好多枱都有叫, 有2人份($298)同4人份($458)。上枱好吸睛呀, 份量好大呀, 有6 隻青口, 4 隻大蝦, 大約7, 8隻硯, 仲有2片巴馬火腿, 好豐富呀! D 海鮮都好新鮮, 我欣賞佢煮既西班牙飯粒粒分明, 又唔會太乾身, 有少少微辣, 味道岩岩好。細心D 睇,4隻蝦係擺成2 個心形

La postre (尖沙咀)西班牙青豆煮蜆：蜆肉處理得乾淨無沙，湯滲出酒嘅清香🍻，西班牙風味帶有點酸味，幾適合作為開胃前菜西班牙海鮮炒飯：冬天晚餐之選~少少辣好惹味🌶，搭配多款海鮮🍤之餘，飯粒滲透著海鮮汁。令我驚喜的是每啖飯都混埋不少櫻花蝦，更能帶出海鮮嘅香濃。而飯粒口感恰到好處，好食！✨✨紅豆宇至抹茶拿鐵：上層的cream好重奶味搭配抹茶latte，飲落厚而不膩，紅豆同抹茶一向是絕配😌。雜果麻薯窩夫：暖笠笠的窩夫，一定要沾雪糕同蜜糖食，冰火交融下另一番風味。入面夾住麻薯飽到要打包最鍾意係西班牙炒飯 👍🏻正。如果少d油會更健康，店員服務很好，值得為個炒飯再黎！