Video
Read full review
2021-05-24
130 views
Wheeee (｡･ω･｡)ﾉ٩(˃̶͈̀௰˂̶͈́)و【傷心酸辣粉 惹味唔洗等】屋企附近冇分店，所以自從唔使返學校上堂就少咗食🤧 今次係特登為咗佢哋嘅水煮系列而嚟～但當然其他傳統、每次嚟親必嗌嘅酸辣粉都唔少得啦🍜～我是Menu～水煮美國雪花肥牛 $139可能因為係開舖時間去嗌，加上寬粉都要煮咁上下時間，所以都等咗陣先有得食。本身見佢表面有好多辣椒🌶️仲以為會係勁辣，有少少驚辣得滯食唔到，但出乎意料嘅係呢隻辣都幾易入口，夠麻夠辣夠香。撥開啲辣椒就見到大量牛肉🐮芽菜同寬粉，非常足料，夠三至四個人食🤰🏻啲寬粉煮得啱啱好，比薯粉彈牙，掛埋湯汁夠哂惹味。至於牛肉我就覺得有啲啲韌，如果再冧啲就好了😛 呢個水煮汁配魚應該都幾正🤤香酥軟骨套餐 $56鍾意食雞軟骨嘅嗌呢款實無死，佢哋呢度炸得啱啱好🤤 脆卜卜嘅口感再加埋好食嘅雞軟骨，齋嗌做小食都正👍🏻 而傷心酸辣粉一如既往有肉醬、蔥花、菜莆及花生等配料鋪滿薯粉🍜 雖然好鍾意薯粉煙韌彈牙嘅口感，但有時好驚會食到啲嚼極都唔斷嘅，不過呢度嘅就一定唔會，煮得啱啱好😋 另外一定要讚嘅係佢啲花生🥜 雖然浸咗湯，但仲係好脆！同埋個湯真係好好飲，我哋飲到得返少少淨😂手撕雞冷麵 送罐
【傷心酸辣粉 惹味唔洗等】
屋企附近冇分店，所以自從唔使返學校上堂就少咗食🤧 今次係特登為咗佢哋嘅水煮系列而嚟～但當然其他傳統、每次嚟親必嗌嘅酸辣粉都唔少得啦🍜
～我是Menu～
水煮美國雪花肥牛
$139
3 views
0 likes
0 comments
水煮美國雪花肥牛
$139
7 views
0 likes
0 comments
水煮美國雪花肥牛
$139
7 views
0 likes
0 comments
水煮美國雪花肥牛 $139
可能因為係開舖時間去嗌，加上寬粉都要煮咁上下時間，所以都等咗陣先有得食。本身見佢表面有好多辣椒🌶️仲以為會係勁辣，有少少驚辣得滯食唔到，但出乎意料嘅係呢隻辣都幾易入口，夠麻夠辣夠香。撥開啲辣椒就見到大量牛肉🐮芽菜同寬粉，非常足料，夠三至四個人食🤰🏻啲寬粉煮得啱啱好，比薯粉彈牙，掛埋湯汁夠哂惹味。至於牛肉我就覺得有啲啲韌，如果再冧啲就好了😛 呢個水煮汁配魚應該都幾正🤤
香酥軟骨套餐
$56
3 views
0 likes
0 comments
香酥軟骨套餐 $56
鍾意食雞軟骨嘅嗌呢款實無死，佢哋呢度炸得啱啱好🤤 脆卜卜嘅口感再加埋好食嘅雞軟骨，齋嗌做小食都正👍🏻 而傷心酸辣粉一如既往有肉醬、蔥花、菜莆及花生等配料鋪滿薯粉🍜 雖然好鍾意薯粉煙韌彈牙嘅口感，但有時好驚會食到啲嚼極都唔斷嘅，不過呢度嘅就一定唔會，煮得啱啱好😋 另外一定要讚嘅係佢啲花生🥜 雖然浸咗湯，但仲係好脆！同埋個湯真係好好飲，我哋飲到得返少少淨😂
手撕雞冷麵套餐
$58
3 views
0 likes
0 comments
手撕雞冷麵 送罐裝可口可樂 $58
夏天想食辣嘢但係又驚食到大汗耷細汗，食冷麵就冇錯☃️ 呢款拌麵嘅手撕雞做得幾好，一嚟唔會俾骨你呃秤，二嚟啲肉質都好嫩滑，又唔會好似出面有啲舖頭咁鞋澀澀同散曬你，仲食到啖啖肉。至於麵底都唔會話太乾身，撈埋啲汁、花生同青瓜絲真係好fresh，的確幾好食😋 每次嚟食都都一樣咁好味，保持到水準👏🏻
傷心辣椒油 $29
原來依家連辣椒油都出埋🌶 買咗樽返屋企，得閒可以用嚟整撈麵、紅油抄手、口水雞又或者點下燒賣😋
～評分～ (5分滿分）
環境：🦦🦦🦦
食物：🍯🍯🍯🍯
服務：🐻🐻🐻🐻
總分：💛💛💛💛
٩(˃̶͈̀௰˂̶͈́)و：對於唔係太食得辣嘅人嚟講，呢度嘅BB辣係完全能夠接受，而佢嘅麻香味都做得好好，食到少少辣嘅都不妨試吓。
(｡･ω･｡)ﾉ：由中學開始食到依家大學，可以話係充滿回憶😂 想食薯粉一定係返嚟呢間食😌
地址：
傷心酸辣粉 (科學館道) (尖沙咀)
尖沙咀科學館道14號新文華中心1樓121至123舖
Post
