莆田 (形點 I)

Open Now

Now Closed

️父母一年四季都喜歡聚餐，中菜更是首選，快到冬至，這日來到主打福建菜的莆田晚飯，順便訂埋盆菜套餐在冬至正日享用。餐廳位於形點一期2樓，環境寬躺舒適，坐下店員隨即奉上熱茶及前菜，服務相當不錯！餐牌上的紅菇海鮮鹵麵，脆皮蒜香雞，芋香鴨，扁肉湯，黃花魚等全是我喜愛的菜式，今次仲有時令既海蠣食，有口福！✨莆田海蠣節 $209 （ 任選2 道海蠣菜式 ）生蠔食得多，乳白色細細粒既海蠣真係第一次食，為左過冬，佢地會儲滿足夠養份，冬天正是食海蠣的好時節！✨海蠣煮泗粉天寒地凍，特別選了2 款帶湯的海蠣菜式，先來海蠣煮泗粉，除左海蠣，仲有洋蔥，五花腩，木耳等配料，薯粉滑溜溜，湯汁鮮甜帶醬油香味，好食！✨江口家鄉海蠣湯再來一款江口人的家常湯水，配料有雞蛋，花椰菜，蕃茄，海蠣等，味道酸酸甜甜易入口，好開胃！海蠣份量都幾多，細細粒容易食，一次將5，6 粒肥美飽滿既海蠣放入口，蠔的鮮甜味道在口腔內爆發，不得了！✨福建紅菇海鮮鹵麵（小） $128紅菇海鮮鹵麵加入野生紅菇，豬肉，蠔仔，蒜苗，蝦米，白菜，鮮蜆及上湯等食材，幼麵吸滿湯頭的鮮甜味道，趁熱食最好味！✨芋香鴨（小）$88媽媽喜歡食芋頭，特地點了少見既芋香鴨！

約朋友行元朗，友人建議去莆田食福建菜，話我未食過福建菜啵。福建係沿海地區，應該都是水產之類。上次友人話同佢家人食過一次，用餐區寬敞，一大班人都可以坐得好舒適。 酥炒芋芯之前完全未食過，這芋芯好特別，以為類似竽頭的感覺，它口感係外酥內糯，帶點鹹鹹甜甜的味道，做開胃小吃特別好味。 九層塔香燜海蠣依個好味！這海蠣外酥內裡多汁，因為用九層塔，入口都有九層塔香味，帶出香燜的海蠣特別香, 整體好惹味。 江口家鄉海蠣湯最初睇名以為只是蠔仔湯。這湯內有不少配料，有海蠣丶豬肉丶菇等，味道整體唔錯，湯是帶點粘稠的，唔會好似清湯咁，整體味道濃而帶海蠣既鮮美。 百秒黃花魚百秒應該沒有兩分鐘，條黃花魚用百秒時間燜煮，用家庭爐具煮一條魚最少用八分鐘，條魚煮得剛剛好, 唔會過生，不會煮得過老。雖然用簡單烹調方法，更食出黃花魚的原汁原味，魚肉勁滑嫩鮮甜，唔算多魚骨，不過都要小心食魚，我同友人都食得津津有味！ 興化米粉第一次食興化米粉，上碟睇到興化米粉特別幼身，而且唔腍身又唔會一舊舊，配料有蝦丶蜆丶豬肉丶菜等，飽肚之選。

今日難得約了好友到元朗一遊，順道經過Yoho Mall 去吃米芝連餐廳莆田。這間餐廳賣的是福建農家菜，福建閩菜歷史悠久，我們常吃的蠔仔煎也是名菜之一，而冬季的時令非牡蠣-即蠔莫屬。餐廳將蠔仔做成六款菜色，炒蛋、酥炸、爆炒、煮湯齊備，$188就可任選其中兩道菜。喜歡吃蠔的我們就點了頭水紫菜海蠣煎蛋和江口家鄉海蠣湯。另點了著名的酥炒芋芯、百秒黃花魚和興化米粉。每檯會先上一份酸菜，酸菜切得較幼身又爽口，味道剛好不過酸。茶類可以自己選擇，我們喝菊花杞子茶，有清香菊花味☺️率先上桌的是百秒黃花魚，黃花魚肉細嫩，煮魚的湯微帶薑味，清新而不淡，惟怕魚骨的朋友可能不喜歡，因為黃花雖嫩滑，細骨也較多。再來是酥炒芋芯，外表炒得略帶金黃，入口外皮又甜又脆，內裡是半軟稔的芋頭像吃芋頭脆糖，份量頗多，一碟有16件，4-6人分享也足夠。興化米粉則有點像炒新竹米粉，幼身足料，有蝦仁、花生粒、菜、蜆和脆紫菜絲。主菜頭水紫菜海蠣煎蛋很足料☺️跟我們吃的港式蠔仔煎有點不同，蠔仔肉多、比例近乎1:1，每啖也有雞蛋香和蠔仔，可沾少許餐廳的辣媽醬更突顯蠔鮮味。（辣媽醬味道辣中帶些酸味，帶種泰式辣醬風味）而江口家鄉海蠣湯以蕃茄、雞蛋

福建菜在香港比較少有，我覺得哩間算唔錯。興化米粉($82)，炒得唔錯，米粉唔會一舊舊，味道調較得唔錯，唔會過鹹，蝦球好彈牙。江口家鄉海蠣湯($98)，湯底好重蠔仔既鮮味，而且好足料好多蠔仔。九轉小腸($79)，有d似豬大腸，但佢唔會有豬大腸既肥膏，而且好爽口。椒鹽豬手($39)，size有類似雞上脾咁大，炸得好脆卜卜。酥炸椒鹽海蠣($98)，都係炸得好香口既餸，一口一粒，咬落又脆又香，原來蠔仔用炸既煮法都唔錯。

莆田位於元朗形點1商場， 由港鐵站行去餐廳其實只要兩分鐘非常方便， 餐廳也十分大，樓底高，坐得寬敞舒適， 無論是情侶用餐，還是一家人也有 合適的枱形可供選擇。這次選莆田作為晚餐，是因為他們最近做一個海蠣節的推廣， 平時美國歐洲的大生蠔吃得多，當然也要試試中國出產的海蠣。莆田的海蠣出產自 興化灣江口港淺海區， 養足三百日， 海域水質，好無污染，所以每一隻海蠣腥味少，肉質鮮甜。酥炸椒鹽海蠣海蠣外皮炸至金黃酥脆 ， 雖然海蠣不是太大隻，但是一口一粒， 卻是剛剛好滿口留香。江口家鄉海蠣湯這道菜是福建人最喜愛的 湯品之一， 海蠣湯除了有海麗也有番茄花椰菜等等味道帶少少酸， 因為當中加入了少許白醋， 最喜歡是即使這是一道湯品，但是海蠣仍然是滑嫩嫩的。酥炸芋心芋頭外酥內軟， 外面煎得香口又帶少少甜味， 非常好吃。百秒黃花魚百秒黃花魚是莆田的招牌菜之一， 以100秒就淥熟一條魚， 味道鮮甜嫩滑， 魚味也算濃郁， 當然要連湯一起喝。興化炒米粉連一碟炒米粉也是非物質文化遺產，當然要試試。 米粉在太陽底下生曬，粉條幼細， 材料有 蒲田最引以為傲的海帶， 鮮蝦，花生和蜆， 非常豐富。

大約半年前幫襯過，對百秒黃花魚念念不忘。今次一如既往，入夜後就入去幫襯，因接近晚飯時間，便等左十五分鐘先入座。今次繼續點了黃花魚，身體很小夠兩個人食用，經慢煮後肉軟嫩鮮甜，附帶一隻湯匙,可以連湯連肉一齊食，味道剛剛好，非常惹味。莆田所使用的海蠣，是由每天產地直送到港一共有6種烹調方法，而我簡左九層塔香燘海蠣及江口家鄉海蠣湯。海蠣湯還有蛋花，番茄，西蘭花。入口有海蠣既味道，幾乎每一嗒都有幾隻海蠣，經過乾燘後既海蠣，隻隻海蠣肥美及味道可口，而又食唔到有沙。全都值得推介。酥妙芋芯，呢個要趁熱吃，芋頭外脆內粉，再蘸上焦糖，都幾好食下。最後點了興化米粉，成份米粉幼身及鬆散，容易放進口裡及與朋友分享，加上有蜆、紫菜、花生、蝦等配菜，有口感及層次。

平時同朋友出街，唔係西餐都係西餐，呢排適逢冬至前夕，我地就應下節，食中式 —「福建菜」。餐廳係yoho一期，西鐵站出黎要上一層，大概係北京樓果層。呢度環境都幾stylish，牆身裝飾用左帶比人溫暖感既木飾面，餐桌方面就用左大理石同木既組合，樓底又好高，好有空間感。Menu方面，呢度有2-10人set同散叫menu，同一般酒樓做法類近。仲有個海蠣節promotion做緊，係6款菜式入面揀2個，$188，精打細算既我地揀左江口家鄉海蠣湯同頭水紫菜海蠣煎蛋。江口家鄉海蠣湯 ($188組合)餐牌話用養足300日嘅海蠣，每日產地直送到港，聽落好吸引咁。湯入面主要有蠔仔、蕃茄、蛋花、蝦仁、椰菜花等等，煮成濃稠的湯羹，口感豐富之餘又好鮮甜。紫菜海蠣煎蛋($188組合)份量都幾多，食落口感其實有d似蠔餅。蠔仔細細粒，份量好重手，每一啖都食到蠔肉，鮮味十足。加埋d紫菜，口感更豐富，而且食至到尾都冇沙冇殼碎，處理得幾乾淨，加分！百秒黃花魚($69)原來係指只需燜100秒就食得既黃花魚。呢條魚size唔帶，唔洗驚得2個人會食唔哂，魚肉嫩滑鮮甜，充分保留其鮮味。興化米粉($82)米粉比平時見到既幼好多，口感幼