光榮冰室 (厚福街) (Closed)

夜夜地 而家尖沙咀 好多餐廳都收左工，難得見到光榮唔洗排隊，立即衝入去食個好晚嘅晚飯先 平時食親都係快吞轟 三蛋仔， 今次試下啲未食過嘅野先， 見佢有樣叫「巨型奄列」叫嚟睇過佢有幾巨型？ 點知！真係好巨型呀！大到當飯食都得再叫左個佢牆上面貼住推介嘅 沙嗲牛肉煲仔麵 ，加埋窩蛋～ 原煲上 上枱仲係起晒泡熱辣辣嘅， 唔係好湯 啲麵索咁啲湯汁之後 會變成比較渴身，撈勻佢慢慢嘆係唔錯，幾爽食飽飽，快靚正好滿足，好彩佢比起其他鋪收得夜，先有機會食到咁正嘅煲仔麵

上次好滿足咁食完有三隻太陽蛋既開心浩園餐，真係夠開心(˶‾᷄ ⁻̫ ‾᷅˵)今次見隔離枱點左用煲上既沙嗲牛肉麵，再黎試下先沙嗲牛肉煲仔麵 $46店員話煲仔麵需時，不過其實唔洗等好耐都已經有了。一上黎熱辣辣，已經滾唔停。一睇個湯既顔色比常餐既再濃啲，食落沙嗲味幾濃郁，牛肉軟腍。不過用煲上，啲麵會腍得好快，所以真係要趁熱食快啲 ε-(´∀｀; )生炸雞翼 $23廿幾蚊已經有5隻雞翼，雞翼上到黎又係好熱，岩岩炸完即上，外皮香脆，內裡都好入味