很得輝 (金滿閣)

Open Now

Now Closed

開左一排既很得輝已經好多人慕名而來，當中得登揸車過黎既既食客都唔少！住係附近嘅我就當然會試下啦！但一黎到就要等，等左大概半個鐘......呢度除左有雞脾，仲有唔少小食，所以我地一行幾人一於叫多幾款小食黎試下期待已久既炸脾，係沾上炸粉漿再炸拎令去炸，雖然我叫既係外賣，放左一陣先食， 但酥脆感不減，而且肉質仍很鮮嫩，如果略嫌雞肉唔夠味道，吃既時候可以加d佢地秘制既辣粉，你地一定會有意外驚喜如果唔想食得咁熱氣，可以試下其餘兩款雞脾，佢地都係非常入咪，皮嫩肉滑雞脾唔夠飽既話，仲可以叫埋以下主食

今日黎到屯門食全雞脾餐，第一次食雞脾餐，仲要一次過食三款唔同口味既雞脾，分別有皇牌生炸雞脾、滷水雞脾、沙薑雞脾、脆薯角、燒汁炒烏冬、水蜜桃紅茶。 今次食雞脾有d驚喜，因為食雞脾好怕有種雪藏味，但呢三款雞脾食落係完全冇雪藏味，非常讚。冇雪藏味之如仲要食落好juicy ，仲要係有肉汁漏出黎，滷水汁同沙薑汁雞脾都好夠味，唔會太咸至於皇牌生炸雞脾，表面睇落好靚仔炸粉又夠薄，又冇炸到過火，炸完又唔係油淋淋，雞脾成隻手掌咁大，食落又冇油淋淋既感覺，味道好好食皇牌炸雞脾最緊要配埋水蜜桃紅茶，水蜜桃紅茶又唔太甜岩岩好，兩個好夾脆薯角好脆，平時食個表皮表較硬，呢度食既竟然唔硬，食既時候仲有幾種調味粉可以配答本人就揀左香草辣粉、海苔椒鹽，香草辣粉既香草好香又冇蓋過左種辣味，海苔椒鹽唔太咸，仲有幾種辣味既調味粉選擇。燒汁炒烏冬亦十分惹味，係9點半前叫套餐仲可以有台式飲品，我今次就係蜜桃茶另外一題唔熟路既可能要睇一睇地圖搵先搵到，鋪頭門面雖然細，但服務態度好，真心推介食雞有雞味，唔係食雪藏味，一定會再食。

早排去新墟附近食放題，發現停車場附近有間小食店有得食雞脾。可惜星期一係定休日食唔到😅最後放工之後趁佢啱啱開舖就去試啦！舖仔細細同一般小食店無異，老板一腳踢又要招呼客人又要收錢又要去煮雞脾！因為呢度真係即叫即整㗎，所以要等耐少少。我支到果陣八點，無咩客人，同老板傾左陣，佢話可以打黎落左單先，黎到就可以有熱辣辣嘅雞脾啦！呢度有3款雞脾，招牌炸脾，滷水雞脾，沙薑雞脾。今次揀左沙薑雞脾。都算大隻，而且無雪味！平時食到嘅都會有白切雞加沙薑汁嘅感覺，但呢隻啲肉唔會一咬就散，有嚼勁，連啲肉都有味。 下次試埋另外兩隻脾先得！附帶一提，始終係小店，座位真係有限啦，不過老板都加左塊摺板做枱同加左兩張櫈方便大家係度食！

聽朋友講起，有間新宵夜唔錯，嗱嗱聲，叫埋另外兩個老死揸車入去試試貨，每樣叫左D，SHARE 黎食今次真係無介紹錯，正，老闆對個炸爐既控制，無得輸以炸脾黎講，係香港絕對係TOP 3唯一敗筆係太晏開，要成晚上 9:00先開門。試左三款雞脾 - 炸脾，滷水脾同沙薑脾個人推薦炸脾，滷水脾，炸脾 - 即叫即炸，食完唔會有油膩既感覺，熟度剛剛好，唔會乾身，夠Juicy配埋個香草辣粉食，正老實就，好食過三多滷水脾個滷水汁既香料味夠香濃入味，而且唔喊其次推介薯角同炸芝心丸原本叫薯條，不過老闆推介薯角外脆內軟，正，炸芝心丸麵包糠唔會厚，薄薄既一層，唔會搶左食物既味芝心丸 - 炸完都仲流心，正