Video
Read full review
2014-03-14
517 views
The Sky Bar晌朗豪坊紮根都有成6個年頭，卒之衝過海，啱啱晌二月初進註利舞臺廣場。可能你對The Sky Bar唔多熟，不過Mr. Steak應該略知其詳，佢就喺Mr. Steak Concept旗下餐廳之一，雖然名字為酒吧，但實為酒吧餐廳，餐飲方面走中高檔路線，務求令客人可以輕鬆暢飲之餘，都可以品嚐到精緻美味嘅食物 。今晚，就有幸跟住食友同來試菜，見識一下其高檔次嘅美食。門口以黑色雲石襯紅磚牆，放置巨型啤酒桶及畫滿色彩繽紛海鮮公仔嘅黑板做裝飾，而再內進，一室柔和燈光，同樣黑牆襯磚紅，配上木地板，型格得嚟有活力。加上樓底高，環境闊落，空間感十足。120吋巨型高清螢幕直播唔同體育賽事，作為時下嘅酒吧，當然唔少得啦，遲啲612巴西世界盃開鑼，定必更墟撼熱鬧呀 ！我哋被安排到VIP房用餐，自成一角，自然私隱度更高 。VIP房內設有大電視，飛鏢機，遲啲仲會加插一啲game box俾客人使用。除高腳酒吧枱櫈，且有可供10人用餐嘅長木枱，不過，最吸晴喺內牆以多枚「郵票」作裝飾黐成，份外有風格。順帶一提，包房最低消費額為HK$4,000，夠人多包個房可以玩得更盡興。細心留意其餐廳名字之
門口以黑色雲石襯紅磚牆，放置巨型啤酒桶及畫滿色彩繽紛海鮮公仔嘅黑板做裝飾，而再內進，一室柔和燈光，同樣黑牆襯磚紅，配上木地板，型格得嚟有活力。加上樓底高，環境闊落，空間感十足。120吋巨型高清螢幕直播唔同體育賽事，作為時下嘅酒吧，當然唔少得啦，遲啲612巴西世界盃開鑼，定必更墟撼熱鬧呀 ！
我哋被安排到VIP房用餐，自成一角，自然私隱度更高 。VIP房內設有大電視，飛鏢機，遲啲仲會加插一啲game box俾客人使用。除高腳酒吧枱櫈，且有可供10人用餐嘅長木枱，不過，最吸晴喺內牆以多枚「郵票」作裝飾黐成，份外有風格。順帶一提，包房最低消費額為HK$4,000，夠人多包個房可以玩得更盡興。
細心留意其餐廳名字之下，會發現有幾個細字：seafood．oyester．dessert，顧名思義就知佢主打依幾款食物；再者，既然喺Mr. Steak分支，扒類菜式又點少得。餐牌雖然只喺一張A3紙咁大，但已有齊生蠔、湯類、前菜、沙律、海鮮、意粉、主菜、甜品。
Apple Squash $52由於試菜當晚酒牌仍在申請中，所以，餐廳未有酒精類飲品提供，但喺，都不愁無選擇，因為仍有多款特飲，此外，仲有果汁、啡茶…等等。今晚想飲得簡單少少，就點了一杯蘋果雜飲，帶蘋果味嘅梳打，冰涼清爽。
精選凍海鮮盤 $228 (The Sky Bar Cold Seafood Platter)
餐牌上有兩款海鮮拼盤：精選凍海鮮盤（$228）及精選熱海鮮盤（$288），兩者嘅海鮮種類都有所分別，當然，怕生冷，怕腸胃唔受得，選後者喺上策啦。今晚店方為我哋安排好前者「精選凍海鮮盤」，都會選用揀手海鮮，所以，可能跟餐牌有少少出入。
一份凍海鮮盤包括：加拿大香檳蟹腳、美國青口、本地鮮蝦、加拿大翡翠螺、蘇格蘭生蠔、美國車厘石蜆，伴以檸角及兩款醬汁：紅酒醋汁、雞尾酒醬。6款都試勻晒，等小弟粗略點評，蟹腳幾鮮甜，帶微微海水鹹味；青口則有啲粉嘅口感，麻麻哋；鮮蝦雖然喺本地貨，夠晒爽甜就得啦；翡翠螺又大隻，肉質又爽脆；生蠔屬於窄身肉薄，但汁多鮮甜，口感帶少少爽脆；車厘石蜆原來又喺好爽口，不過，就頗鹹，要加多少少檸汁同雞尾酒醬平衡吓會易入口啲。吃罷，真喺滿口「海洋」滋味 ！
西班牙餐前小吃 $128 (Tapas)
近來Tapas（西班牙餐前小吃）晌各類餐廳大熱，雖然晌餐牌上搵唔到Tapas一項，但店方都將會緊隨依股熱潮推出，是晚，就有幸率先品嚐。6款小食，前排左至右：路易斯蟹肉沙律、煎鴨肝伴蘋果醬、煙三文魚黑松露卷，而後排左至右：希臘羊肉餅伴薄荷乳酪、凱撒蝦、脆炸石蠔伴他他醬，不但賣相小巧精緻，而且製作認真，配搭花心思，最難得定價親民。每款都以烘脆嘅法包墊底，方便食用 。
小弟試咗其中兩款：路易斯蟹肉沙律及脆炸石蠔伴他他醬，前者以蟹肉、洋蔥、青瓜粒、蛋黃醬所做嘅沙律，酸爽怡人，好味嘅開胃小食；後者，石蠔蘸麵包糠炸後，外脆內軟，跟他他醬，可清清油膩感。雖然未有機會品嚐其他，但聽食友分享，味道唔錯，稱心滿意 。
法國干邑海鮮濃湯 $168（2位用） (Armagnac Shellfish Bisque with Fresh Seafood)
接著上場喺鮮味濃郁嘅海鮮濃湯，由於試菜關係，相中實為6人份量。睇睇湯面嘅材料，有青口、皇帝蝦、大蜆、魷魚，用料十足，絕不欺場，最得歡心喺皇帝蝦及大蜆，爽口鮮甜；再呷一啖濃湯，濃郁蝦味湧入喉嚨 ，據經理介紹原來濃湯用上龍蝦頭、蝦頭、貝殼海產嚟熬製，又加入適量法國干邑提升海鮮鮮味。此外，將麵包粒沾點濃湯先食，平凡都變得不平凡 ！
烤龍蝦、蟹肉青醬忌廉意大利扁麵 $188 (Atlantic Lobster Tail Linguine with Crabmeat in Pesto Cream)
賣相真喺幾引死人，大大件橙紅色龍蝦尾就放晌意大利扁麵正中間，蝦肉爽彈味鮮；而意大利扁麵咬落煙韌而有咬口，煮得恰到好處，配以蟹肉及青醬忌廉（Pesto Cream，蒜蓉、羅勒、松子仁、橄欖油、巴馬臣芝士所做成嘅醬），豐厚香濃，其實再加多少少青醬都仲可以。
煎阿拉斯加鱈魚柳、海帶子配皇帝蝦伴蕃紅花忌廉汁 $188 (Seared Alaskan Cod Fillet, Sea Scallop & King Prawn with Saffron Cream Sauce)
另一款海鮮菜式，香煎阿拉斯加鱈魚柳，厚厚嘅鱈魚柳十分有睇頭，煎得皮脆肉滑，油脂不俗；帶子肉厚彈牙，同樣煎得甘香；而皇帝蝦開邊燒，食用方便，肉質富彈性，幾款海鮮就算唔蘸醬汁，一樣食得滋味。此外，豐富嘅配菜（串燒茄子、蕃茄、翠玉瓜及烤薯），亦喺不容錯過嘅「綠葉」 。
鴨巴甸400日穀飼西冷牛扒(10oz.) $298 (Aged Grain Fed 400 days Aberdeen Prime Sirloin Steak (10oz.) with Herbs Butter)
有大集團背後支援，當然來貨價會相宜，因為較一般牛飼養時間較長，相對肉味亦較濃，配合師傅手勢，外層焦香，內裡粉嫩，再塗抹一點香草牛油，濃香兼備。不過，雖然都喺西冷部份，未知喺咪位置問題，有少少位帶筋，影響咗口感。
美國「Creekstone Farm」優級肉眼扒(10oz.) $248 （「Creekstone Farm」Oremium Rib Eye Steak (10oz.) with Herbs Butter）
上網打「Creekstone Farm」你就知佢有幾大來頭，專門培育安格斯牛，被評為優級品種，可見地位舉足輕重。確實，肉眼入口腍滑，富肉汁，油脂分佈平均，食起嚟滿口油香肉香，實在好味 。兩款牛扒，個人更喜歡依個優級肉眼扒。
單單「齋」食，啲牛扒已經非常好，再跟個人口味配以唔同調味，可謂相得益彰。所以，店方窩心提供英國及法國芥辣，仲有即磨西西里海鹽及黑胡椒粒。
法式焗蘋果脆酥伴香蘭子雪糕 $88 (Baked Puff Pastry Apple Dumpling with Vanilla Ice-cream)
食完主菜之後，在座各位都話飽到上心口，不過，一到甜品時間，女士們即時發揮佢哋第二個胃嘅本色。法式焗蘋果脆酥，原來喺酥皮內有原個去核蘋果，再灑上糖霜做裝飾，切開焗蘋果散發幽幽清香，酥皮薄脆鬆化，蘋果入口清甜，甚有滋養嘅感覺 ；最得意四周伴有白酒啫喱粒，冰涼清爽 。溫馨提示，因為烔製需時，如打算點選此甜品，請預留20分鐘。
法國忌廉焗鮮芒果班戟 $68 (Grain Fresh Mango Pancake)
第二道甜品亦做得出色，咪睇大大份，其實個碟好淺，薄薄幾片軟柔嘅班戟皮，覆蓋住新鮮芒果肉，加以法國忌廉再烤焗而成，賣相吸引。由於班戟皮吸滿忌廉，口感滑溜又有蛋香 ，如果啲芒果再熟啲，又夠甜嘅話，個焗班戟就一流嘞。除芒果外，依個焗班戟亦可以揀香蕉！
享受甜品又點可以唔配番杯熱茶或咖啡呢？食友齊齊揀嚟伯爵荼（$36 / 壺），小弟都喺鍾情鮮奶咖啡（$36），不過，有別咖啡專門店，咖啡雖然醇香，但略嫌奶泡未夠豐厚，咖啡稍欠幼滑。
現在午市做緊半自助午餐，星期一至日都有（12:00pm-2:30pm），包括自助沙律吧、廚師精選餐湯、自選主菜（$88-$188）、精選甜品及啡茶 ，經理仲話正推廣緊4人同行1免費優惠 ，真喺不容錯過。
服務方面亦很到位，適時嘅換碟，上菜嘅詳細介紹，都喺感受到用心嘅一部份。引用食友一句話：好環境、好食物、好食友，一切都美好，一頓佳美嘅飯局，一切都嚟得美好、愉快 。
Post
