February

Open Now

Now Closed

今日友人生日，所以要慶祝一下。上網見觀塘好多店舖食評都好多笑哈哈，朋友話要揀間有feel,有氣氛既，所以揀左呢間。原本以為會好華麗，點知門口有隻熊啤啤坐係度，好搞笑。見到威靈頓牛柳好似好正，但原來要預訂呢。。唯有下次先啦。朋友話好想飲湯，原本以為細細碗，所以點左兩碗。點知超大碗，係用裝意粉既碟上。早知點一碗就夠。飲完都半飽了⋯不過都幾足料同好飲，真係見到一大匙黑松露。接住有青口，個汁唔錯，不過如果配活藍青口就會昇華不少。德國腸有5大條，有四種味道，各有特色。兩個人食有啲多，個人認為四個人先好點。因為真係好大條！配酸菜茄汁都幾好食。和牛漢堡好好食，有煙肉、菠蘿、蘑菇同厚厚的漢堡，食落juicy有層次，多汁又好味。不過真係好飽，最後食唔晒薯條⋯一開始就點埋甜品，結果飽到一個點，哈哈。真係估唔到樣樣野食都咁大份。但甜品咁啱細細件，可以用第二個胃食埋佢。

觀塘多隱世小店就係人都知㗎啦 今日肥Glor行行下嚟到駿業街海日升中心 先發現原來樓上係有好多野食㗎！最後就選擇左哩間February西餐廳～餐廳十分有格調 燈光瀰漫住浪漫氣氛 而且座位十分闊落 仲有唔少梳化位👍🏻·美國頂級牛小排 $228（餐廳係原件上碟 肥Glor為左比大家睇真啲所以切好先影🙌🏻）剛剛好5成 表面有少少蒜蓉黑椒汁 食落油花分布平均 肉質堅實～夾埋鮮甜紫薯蓉一齊食就更有層次👍🏻·法式白酒蒸煮藍青口 $88估唔到哩個價錢居然有大約20隻藍青口 食落冇雪味 肉質嫩滑冇渣兼有海水味同勁juicy！青口汁都充滿白酒同好忌廉 肥Glor用咗嚟點蒜蓉包食 正～·龍蝦占米多配龍蝦汁扁意粉 $178半邊焗龍蝦鮮甜多汁 餐廳仲好細心咁將龍蝦鉗拆肉一齊焗 食落更方便～龍蝦汁夠惹味 扁意粉軟硬度適中 三兩下手勢就食哂👍🏻·法式芝士蒜蓉包 $58五件蒜蓉包上碟時熱辣辣 麵包夠脆口 芝士同薯蓉嘅比例啱啱好 味道比一般蒜蓉包更容易接受🙌🏻·Fruity Tree $62(Pineapple Juice, Strawberry, Banana, Syrup)飲落好清新 飲品夠凍同夠甜 當甜品咁嘆真

德國菜係香港唔算常見，今次去到呢間係觀塘工廈群中嘅德國菜酒吧～餐廳裝潢唔錯，色彩繽紛嘅吊燈更增添一番異國風情，有趣嘅係佢又會播台灣歌來做背景音樂，風格好特別😂😂法式白酒蒸煮藍青口 （$88）醬汁份量好多，味道似忌廉白汁，夠味但唔會覺得過鹹，口感都幾creamy～ 藍青口都偏大隻，同醬汁味道好夾～水牛城雞翼 （$88）雞翼係先炸過再用醬汁煮，蕃茄味超濃好入味，好食😋 雞翼肉質亦算嫩滑，應該有預先醃製過～德國腸拼盤 （$168）一盤有好多唔同款式嘅德國腸，腸味濃郁惹味，亦唔會死鹹，配上茄汁都幾好味，不過略嫌多油左啲😅😂 拼盤上仲有酸菜可以俾我地減低德國腸嘅油膩感～蕃茄羅勒水牛芝士披薩 （$138）水牛芝士味濃，仲有拉絲效果！建議盡量熱食，因為凍左嘅話拉絲效果就會冇咁明顯～ 因為佢個批底偏厚身，所以食兩塊已經好飽😂😂😂Mongo Freeze ($62)呢杯係由芒果和橙汁打成嘅smoothie，即叫即打，好新鮮～ 味道酸酸甜甜咁好清新，口感類似沙冰咁，好飲！😊Love Story ($72)呢杯cocktail由rum, pineapple juice, grapefruit juice,

前幾日去完觀塘partyroom，就順便係附近揾嘢食，見到有唔少茶餐廳，但不外乎是碟頭飯... 朋友們想食薯條意粉，就搵咗呢間好有情調的西餐廳，價錢都算太貴😜——————————🔸黑松露薯條 $58薯條份量很多，熱辣辣炸起，配上松露的香，更加香脆可口😋🔹法式白酒蒸煮藍青口 $88好少會直接食煮青口，但食完呢個返唔到轉頭😍 每粒青口大大粒，加入忌廉白酒煮，鮮味又彈牙，不是平價貨😋🔸西班牙黑毛豬鞍架配蕃茄菠蘿莎莎 $188這個黑毛豬鞍架肉質軟嫩，還有點油香味☺配上甜酸的蕃茄菠蘿莎，味道更上一層樓，一點也不乾👍🏼🔹 香草柏士圖蟹子蟹粉大蝦炒意粉 $158這個意粉有點不夠味，好在有很多蝦，爽口彈牙😁意粉軟硬適中，啱我口味😋

今日和太太往觀塘February食晚餐, 我們點了諾曼第海鮮天使面, 德國腸拼盤、法式白酒蒸煮藍青口和忌廉龍蝦湯。諾曼第海鮮天使面賣相吸引, 海鮮好足料, 材有蝦, 青口和魚。蝦和青口食落鮮甜彈牙, 而魚則入口即熔,天使面爽口, 最後諾曼第海鮮天使面是配上提子乾, 車厘茄和黑醋汁, 食落開胃無比；德國腸拼盤份量十足, 香腸大大條, 闊度大過一根手指, 拼盤有法蘭克福腸, 芝士腸、香草腸、雞肉腸和芥茉香腸等, 法蘭克福腸, 芝士腸食落彈牙, 其腸衣比較厚, 有嚼勁, 口感十足；香草腸、雞肉腸和芥茉香腸食落好香滑, 肉味比較重, 佐酒一流；另外德國腸拼盤配上酸菜, 酸菜酸酸甜度適中, 食落開胃；法式白酒蒸煮藍青口白酒汁煮得香醇, 白酒汁加上什荳令白酒汁食落口感更有層次, 青口新鮮鮮甜彈牙, 惹味十足；最後忌廉龍蝦湯龍蝦食落鮮甜彈牙, 忌廉香滑, 湯味道香濃, 溫度適中；餐廳座位舒適, 食物美味, 份量十足, 而且餐廳有球賽直播, 適合三五知己睇球賽聚會好去處。

革新後的觀塘一帶商廈林立，開了多家新餐廳，打工仔不愁無處開飯。食家覓食要選如觀塘般競爭大的地方，才更容易辨優劣、分強弱。近兩個月吃多頓西餐，已開始感覺麻木了，趁二月份終結時來到February，它的食物的份量和味道仍然能給予我很大驚喜！英式炸魷魚圈$62，有十多件大魷魚圈，魷魚肉較扁身帶嚼勁，配上絕佳的檸檬蛋黃醬，香脆可口。法式白酒蒸煮藍青口$82，白汁濃稠得像忌廉湯，有很濃的香草白酒味，洋蔥粒混和在汁中，我們把白汁全吃掉一滴不剩，青口味咸吃得出有先醃過再煮。西班牙黑毛豬鞍架配蕃茄菠蘿莎莎$182，豬鞍架真材實料，比我的手掌還要大，如此厚的豬鞍即使煎至全熟依然肉嫩無羶味，配上莎莎汁（不辣），令整道菜式酸甜開胃。如莎莎汁煮的較稠身相信效果更好。森林牛肝菌意大利飯配香蒜帶子＄142，很久沒見過如此大碟的意大利飯（隻碟好深！），牛肝菌令整個飯的味道很濃郁，比市面的意大利飯較淋身和濕身。帶子煎得半熟剛好。欣賞這餐廳真的能做到大大碟味道佳，貨靚價實，礙於它的位置在新商廈樓上角落，人流始終不及樓下的茶餐廳。如經過觀塘想食好西（餐），不坊來此一試！

觀塘舊同事約飯聚，出來吹吹水，說是分享公司趣聞，其實是自己八卦。雖然離開這家公司那麼多年，周邊的環境已有很多改變了，就連舊公司附近的餐廳也改變不少，所以今晚由舊同事們選擇飯聚的地點了。她們建議了這家新開張的餐廳，主打德國菜。好明顯她們又是貪新鮮囉！對自己來說，只要能聚一聚，吹吹水，哪家餐廳都没有問題。餐廳位於那几橦以保險公司命名的大廈附近。原來餐廳是剛開業約一個月呢！一行几人就座後，先看看餐牌。没有晚市套餐，於是散點了几款。但這裡主打德國菜，所以選了德國美食之中最有名的香腸及豬手。　德國火焰鹹豬手 　　　 　餐廳門口大大塊餐牌寫著：火焰鹹豬手。應該是這家的招牌菜！這晚大部份客人都選了這道菜呢！　由於剛好離座講了一陣電話，看不見這道菜上枱時的火焰。只見鹹豬手已分件。 先嚐幼細的酸椰菜，較乾身，不太酸，但可以中和豬手的油膩。 　取一份鹹豬手試試。脆脆的皮下，帶著一層脂肪，粉紅色的豬手肉不太硬。與平時鹹豬手對比，這個火焰鹹豬手的肉質不算太鹹。　鹹豬手混著酸椰菜及伴碟略甜的芥末醬一同品嚐也不錯呢。最好趁熱食。　HOEGAARDEN ROSEE　　這是惠顧火焰鹹豬手送的啤酒。　這杯粉紅色啤酒不通