越男仔

Open Now

Now Closed

今日又約咗朋友放工去旺角食嘢啦 好鍾意食呢一間越南新派fusion菜 晚上都幾多人應該好有質素今日試咗去個 生牛生蝦椰汁酸湯 湯底好特別酸酸甜甜 兩隻生蝦好大隻好新鮮生牛肉好嫩 份量都好多飲品點咗個呢度特別嘅冰凍水果茶裏面有薄荷 檸檬 菠蘿 感覺好健康朋友嗌咗個越式生牛肉牛骨湯檬粉牛肉量超多湯底 好清甜價錢一啲都唔貴跟餐配16蚊有鹹檸七降下火小食點咗個法式芝士蝦多士真係必食呀分量又多芝士半溶狀態同埋啲蝦肉 好夾 好好味呢套嘢食質素高坐得好舒服 上菜速度快 嘅實質素又高真係可以成日encore

好多年前幫襯過，記得老闆係個有要求既人，所以食品一向保持到水準。不過晚市成日大排長龍，所以好耐無食，因為平日放假，下午2:00左右，唔使等位就食到，依然保持到水準，正正正

今晚來到位於廣華街嘅越南仔，聽聞都幾出名。店舖面積不大，屬於小店格局。我哋叫左一個海南雞飯套餐，$92 包2個小食，我哋揀左無骨鳳爪沙律 和 手撕雞檬紙卷，仲跟個湯。以套餐價仲可以用平啲價錢叫杯飲品，我哋試新野叫左越南乳酪滴漏咖啡。另外叫咗個蔥油香茅豬扒配白飯 $65，仲有個人人都叫嘅法式芝士蝦多士（跟餐價$49）。招牌去骨海南雞配黃薑飯 $92雞肉夠嫩滑，黃薑飯有好多黃薑👍🏻無骨鳳爪沙律沙律夠清新，甜甜酸酸好開胃👍🏻手撕雞檬紙卷紙卷夠晒厚，口感似粉皮帶點煙韌👍🏻蔥油香茅豬扒配白飯 $65豬扒夠晒淋👍🏻牛骨湯 雞湯味道夠晒精華👍🏻越南乳酪滴漏咖啡 +$29第一次飲酸嘅咖啡，好特別👍🏻法式芝士蝦多士 +$49熱辣辣炸起夠香口，外層有好多芝麻夠晒香，中間嘅蝦膠正常發揮。啲道菜我覺得係最好食👍🏻總結：整體食物水平符合預期，樣樣都好平均，蝦多士夾埋芝士幾好味。

旺角越男仔店鋪面積唔大，店內裝修好友越南特色，中午lunch人比較多需要等位，食物款式選擇多。招牌越南仔無骨雞配黃姜飯套餐（HKD 89）每次我必點，無骨雞又嫩又滑配上一個味道偏甜的醬汁，非常啱我口味，再配埋個黃姜飯，淡淡黃姜味同香濃椰香味，齋食都好好食。原隻軟殼蟹配黃姜飯（HKD 115）原隻軟殼蟹炸得有酥又脆，好多炸蒜，避風塘口味，微辣非常野味，再配上椰汁香濃黃姜飯，好好味。另外套餐配2小食：無骨鳳爪沙律，鳳爪凍凍地又爽口，味道偏酸非常開胃。手撕雞檬紙捲配越式酸辣汁，非常好味。套餐+12蚊轉冰凍水果茶：茶味偏淡，少甜，半杯新鮮菠蘿，味道十分清新。套餐+15蚊轉利賓納青檸蘇打：味道偏甜，配上新鮮檸檬，阿女好鐘意。法式芝心蝦多士跟餐+39蚊蝦肉厚身又彈牙，味道鮮味，多士炸得十分酥脆，中間夾左流心芝士，超級好食