小曼谷泰國菜館

Open Now

Now Closed

今日第一次去食呢間聽講好出色既泰國菜，夜晚8:30去到門口，仲係見到人頭湧湧😫大約有10幾人等緊位，本身都有諗住打退堂鼓，但係女朋友話想食，唯有照等…佢話一定值得喎😌最後等咗唔使半個鐘就入得，比想像中快，餐廳設計比較簡樸，好有泰國小店既感覺，坐位比較窄少少，但勝在冷氣夠，太熱天時都唔會覺得辛苦。我哋等位嘅時候已經諗定咗食咩，一入到去就落單，見侍應姐姐一路聽一路寫左張泰文既單比我地。當我仲好好奇咁研究緊佢寫既泰文既時候，奇蹟發生左… 所有食物竟然喺5分鐘之內全部到齊曬！！😍我地總共叫左5個菜式兩杯野飲，出菜速度快到好唔真實，完全食正無耐性既香港人口味，值得一讚。偷偷望左入廚房，大約都有3-4位廚師開緊工，分工明確，確實專業。食評如下：1. 柚子鮮蝦沙拉 $42 沙律用左金柚、白灼蝦2隻、紅蔥頭、炸蒜，再配以泰菜必備既魚露底混合而成。金柚十分鮮甜、喺大量配料及調味料中都唔會顯得失色，同之前食過既泰菜相比，呢度既柚子沙律調味比較清淡，唔會有調味料搶過食材味道既情況，更能突出金柚既味道。真係要挑剔既就係隻蝦，份量較少以及灼得過左火，肉質唔彈牙，我個人覺得唔加好過加。2. 泰式酸辣鳳爪 $41

行完山，黎到屯門揾野食，由一位地膽朋友極度推介，帶我地到呢間《屯門小曼谷》食泰國菜。店內嘅裝修比較簡樸，簡樸到令我一度懷疑係咪中左伏餐單都比較簡單，只有文字，冇任何食物圖示。點野食就完全交由我朋友拍板。1. 泰式燒豬頸肉豬頸肉燒得好靚，外熟內嫩，有少少似中式叉燒果種感覺，實肉得黎唔鞋口，配埋個燒肉甜醬，食到舔舔脷！2. 沙嗲串燒一份串燒有6串，有選擇雞肉同豬肉，今次我地就揀左雞豬各3串。串燒新鮮出爐，上到枱温温熱熱，配搭沙嗲醬一齊食，今次係我少有地覺得豬肉好食過雞肉，雞肉比較鬆散，口感似雞胸部位；而豬肉就實肉得黎些少彈牙，好有咬口。3. 椰汁青咖喱(牛肉)食泰國野當然唔少得食泰式咖喱，今次揀左我最鐘意食嘅青咖喱。味道方面充足滿滿嘅椰汁味，用料亦都好充足，好多牛肉。正常發揮，5道菜入面算係比較冇驚喜嘅一道。4. 泰式炸蝦餅十分推介嘅炸蝦餅！上枱熱辣辣，薄薄嘅米糠炸粉包住大大舊嘅蝦肉，食落好軟熟鬆脆，配埋甜辣醬簡直係絕配。5. 泰式炒粉絲炒粉絲亦係好出色，有粉絲、大葱、炒蛋絲、午餐肉條，大葱爽口；午餐肉條有鑊氣(即係有些少焦焦地嘅味)；炒蛋絲同粉絲都有陣甜甜地嘅味，粉絲仲炒得好彈牙，整道菜

已經系呢間泰國餐廳食過好多次！因為佢又平又好食，比起其他泰國餐廳有質素！我地平均4個人食先每人食左80蚊左右，但系已經系叫左好多野食，兩碟飯，一碟粉，三碟餸，兩個甜品，四杯野飲，已經飽到死左啦環境方面冇話咩特別，衛生算好，只系啲櫈坐得耐會petpet痛如果平日去就唔洗等好耐，但假期去既話真系多人到爆特別推薦佢地既泰式炒粉絲！粉絲配埋蕃茄炒蛋一齊炒系勁夾勁好味啊次次去都一定會叫！

在香港要找好吃的泰菜有很多，但要找好吃又便宜的泰菜就有點難，難得有機會一試這間位於屯門置樂的泰國菜館，餐廳有很多泰妹，感覺好像去到曼谷呢，我們7點左右到等了15分鐘便有位了，不用久等首先來的是生蝦刺身，$65一碟一共有9隻，蝦很fresh，配泰汁酸酸甜甜的，但有些蒜頭比較大一起吃的話會有點辣。第二是冬蔭公湯，$38細細碗的冬蔭公湯材料豐富，竟然有4隻蝦，還有很多菇和香茅，而且不太辣，很開胃啊蒜蓉包$15亦是我吃泰菜必食之一，金黃色的蒜蓉包口感頗鬆脆，但覺得不太夠牛油和蒜蓉的香味炸蝦餅 好味到爆炸啊，外脆內夾雜滿滿暖暖的蝦肉，encore是常識吧碎肉生菜包$ 45生菜和碎肉的份量配合得剛好，碎肉的香料也很多，辣度比冬蔭公要辣一點，我都吃光光最後是泰式炒粉絲，$33乾身的配有淡淡蕃茄蛋，和花生仁一起吃口感很特別但也很配，不過不失。想不要屯門也有這麼超水凖又抵食的泰菜，大擦一輪後，一行2人吃飽飽，開心滿足地回家了