点心代表 (Closed)

叫得點心代表，仲諗住味道應該唔差啦！點知完全中伏， 果然主題餐廳都係用呢朝聖，唔好期望可以食到啲咩好嘢！ 蝦餃層皮重厚過我塊面啲粉，燒賣可以冇味道，腸粉落哂豉油都冇味，流沙包可以唔流沙 ,紅棗糕可以硬到阿媽都唔認得， 叫咗兩壺茶，錢就係收兩位，但係畀一個壺入面放兩個茶包，仲要等到就嚟走嘅時候先至出到味！排隊等咗好耐，張枱勁細完全放唔落啲點心，結果將一籠一百蚊嘅蝦餃跌咗落地下，不過好彩職員見我哋跌咗都免費送返一籠畀我哋撇除味道嚟講成間舖頭嘅裝修同埋個主題都唔錯， 可以去影相呃like, 但絕對唔係醫肚之選！

Dim Sum Icon 同 Miffy Official 合作 推出左好多款miffy造型既點心 由燒賣、蝦餃、腸粉到椰皇燉奶等甜品都有 好多選擇😍 當中造型較得意就係以下呢幾款：流沙包係有真·流沙！可以影大家最中意既boomerang 必啲奶皇出黎好過癮呢個腸粉係咁多款點心入面最得意既一款 不過味道就一般 啲皮太厚又唔係好夠滑 而且餡較少至於環境邊面 講真坐得麻麻舒服 而且有啲迫 但服務唔錯又有效率 同埋位置極方便 所以整體評分係幾高的

 是日來到尖沙咀The One一試馳名的卡通點心。早對於卡通點心的造型感到興趣，畢竟算是為點心界翻了新的一頁。話雖如此，有一種感覺是吃到腹裡的過程，不一定那麼稱心如意。沒有期望，食物反而帶來了驚喜。是日點了的豬頭造型流沙奶皇包($49)做得相當精緻。眉頭豬鼻印得精楚，真的是入目三分。吃起來亦見精彩，流心餡料咸香中帶點奶脂的甜味，包身更是做得鬆軟。推薦指數：5/5可惜奶沙包配啤酒似乎不是十分夾。嗜鮮，點了一杯粉紅櫻花啤酒($69)，不過完全感覺不到櫻花的氣息。倒是有一陣西柚的苦味和令人麻木的糖水甜味，啤酒的麥味盡失，令人失望。推薦指數：1/5至於，菠蘿炒飯($69)則見驚喜。廚師以菠蘿綻精心雕成一隻森林彩雀，讓人嘆服其對森林的想像力，而且炒飯乾身，材料豐富，有肉鬆、腰果、鮮菠蘿肉、蝦，也帶一陣菠蘿的清香。推薦指數：5/5至於朱古力奶皇包($39)亦見出色，包身顏色雖然不同，但甜度鬆度一致。換了朱古力餡更是香濃，苦味可可和蛋黃、糖的甜味成強烈對比，跟傳統流沙奶皇餡甜味做法的一種風味，吃起來令人滿足！推薦指數：5/5綜觀店家的食物價錢，顯然是定得有點過高，始終食物造型特別，也置於大商場之內。