大越越南餐廳

Open Now

Now Closed

今日一行四人食咗一餐平價優質early dinner。原來平日6pm前入座仲有tea set，全部都係40幾蚊一個餐，仲包埋飲品，轉特色飲品都係加8蚊，亦可以加優惠價揀小食。我地叫咗3個下午茶餐：生牛肉什錦湯粉，個湯底冇味精，好鮮味，有人飲晒成碗湯都唔口渴，生牛不錯，牛丸juicy好味；番茄蟹膏蝦丸扎肉湯檬，茄湯濃烈海南雞飯，雞滑溜，油雞飯好味。三杯特飲：青檸可樂，青檸梳打，最有驚喜係荔枝沙冰。下午茶小食： 跟餐加炸蝦餅，烤豬頸肉，都係廿幾蚊，抵食餐牌另叫： 甘庶蝦咖哩牛腩黃金包。個咖哩包只係58蚊，出奇咁好味， 牛腩好淋，咖哩好香，連包食晒，正。總結真係好抵食，性價比十分高，埋單原來唔駛加一，四個大人都係食咗316元

今晚約咗個客交文件，順便喺佢屋企樓下食晚餐，呢間大越越南餐廳，都係間黃店，就幫襯佢啦！先黎個「鮮蝦米紙卷」（$46），一碟四件，米紙包住蝦、生菜、米粉和蘿蔔絲，味道酸酸的好開胃，鍾意也可以點魚露醋，是不錯的小食。「大越海南雞飯（配油飯）」，估唔到啲雞咁滑，軟身又夠入味，幾好！仲有個「大越三寶叻沙」（$68），有香茅雞翼、香茅豬扒及扎肉三個餸，每款兩件，餸和叻沙分開上，湯底帶點辣但好惹味，豬扒有點乾但雞翼就幾好。雖然我哋唔係嗌套餐，但如果叫飲品也可以用加配價，所以我地都加左杯兩杯椰汁真多冰，椰汁味好重，很不錯。

就屯馬線開通由觀塘到沙田馬鞍山就更快捷方便。為咗稱霸每一個港鐵站,今日黎咗沙田圍站幫襯小店。被花園城的一幅油畫吸引,原來係一間越南菜餐廳。老公係一個海南雞飯迷,無論去到邊只要有海南雞飯就一定會點。小店的海南雞飯亦無令人失敗,海南雞皮薄肉滑。油飯粒粒分明,軟硬適中。配埋個辣汁真係無得頂。古都湯檬-有牛腩,扎蹄,扎肉,牛丸扎蹄,扎肉雖然較薄,但爽口滋味。檬粉彈牙,湯底頗辣開胃最後真係第一次食的脆皮鮮牛腩真心有驚喜!!驚人份量, 原塊牛扒般大片!!!原本諗住一定激熱氣,誰知一咬 口感非常酥脆皮薄酥脆,牛腩香較當覺得油膩時可沾上特制的Wasabi沙津醬!不能不提的小店非常親切,一入餐廳即送上紙巾供客人放口罩。臨走時亦準備了新口罩供客人更換!!!!!如此為客人著想的小店一定要多加支持!!推~