唐述

Open Now

Now Closed

因為今次係食lunch 仲要睇menu見到有好多款特式點心 所以今次放棄左食Set lunch 而選擇食點心🥰🔸吉品汁鮑魚餃-食落好香鮑魚味 好有咬口 係多款鮑魚菇集合的味道👍🏻🔹海參餃-餃皮好煙韌 海參本身應該無味 但係做到有海參鮮味既味道 好厲害呀👍🏻🔸香蕉煎堆仔-煎堆仔外形脹卜卜 咬落脆卜卜 食個陣要小心 因為裡面有好熱而流心既香蕉餡 正‼️🔹百利酒蛋撻-蛋撻皮好鬆化 蛋+ baileys原來好夾的😂👍🏻酒味都幾濃 但係又唔會蓋過蛋味 超正❤️🔸桂花烏龍煙燻脆皮雞-這是一道招牌菜 店員開蓋個陣都有招牌開蓋儀式 無得頂‼️除左打卡一流之後 哩隻脆皮雞真係有姿勢有實際架🥰濃濃的煙燻香氣 帶茶味的脆皮雞 係印象中 第一次食咁香濃既煙燻雞 非常推薦 名副其實的招牌菜 必叫❤️🔹棉花泡飯-濃郁魚湯既泡飯 棉花食落有少少帶子味 加埋脆脆一齊食 唔錯～另外 餐廳的店員服務細心周到 全程唔需要自己斟茶 仲安排到Window Seat 見我地自拍會好主動過黎幫忙影相 真係做到賓至如歸既享受 雖然餐廳價格偏高 但係想有個一級享受 非常推薦大家過黎試下💯

✨ 阿拉斯加蟹餃（$168）推介餐點，一籠兩件，晶瑩剔透嘅外皮包住滿滿嘅阿拉斯加蟹肉，味道唔錯 😝。✨ 玫瑰燒鵝酥（$78）都係推介餐點，一籠兩件，外皮幾酥脆，底部仲用咗少少櫻桃醬令點心貼係碟上 😂，整體味道幾香口。✨ 海參餃（$78）都係推介餐點，一籠三件，比較少見用海參入饌點心。張相都見到熱氣騰騰 😆，水晶皮同內裡嘅海參都好爽口，所以食落整件就係好咬口 😂。✨ 棉花泡飯（$368）都係推介餐點，上枱嘅時候職員會先將脆米灑喺表面。用帶子同蛋白打成泡泡，外型好似放咗棉花係湯泡飯上幾得意 😝，底部就係魚湯同米。魚湯魚味較淡，但泡泡嘅帶子味就好濃郁（本帶子控表示開心 🤪），咬落口感幾有趣，食落少少鬆軟得嚟唔會太淋。✨ 椰皇凍（$78）都係推介餐點，好爽口嘅椰子啫喱，上面有用海帶做嘅粒粒，有少少似大菜糕上面放咗西米 😆，整體幾清甜唔會太膩。✨ 貴妃玉露（送）都係推介餐點，本身睇餐牌都想叫埋呢款甜品，但餐廳當日送嘅甜品正正就係呢一款就以就唔洗叫 😆。賣相粉紅色好靚 🙈，粉紅色嘅Cream係用番石榴打成，中間仲加咗一絲絲柚子味道幾清新，如果少甜啲會更好，但整體都好。✨ 香茅茶（送）·IFC今年新

星期日同屋企人去唐述飲茶，餐廳環境裝修得現代化之餘亦充滿中式嘅原素。樓底超級高加上維港靚景及輕音樂配襯，氣氛優雅。🦀阿拉斯加蟹餃（$168/2）蟹肉新鮮，外皮晶瑩通透，淡淡都品嚐到蟹肉嘅鮮甜。❤️紅寶石餃（$58/2）紅寶石餃賣相吸引，好似一個紅色嘅水晶球。餡料係紅菜頭及蔬菜，全素，味道清香。🤎吉品汁鮑魚餃（88/3）雖然呢個鮑魚餃賣相一般，只係咖啡色一舊，但係入邊嘅鮑魚係靈魂所在，味道濃郁有鮑汁。🦐瑪瑙蝦餃（$78/3）蝦餃皮顏色非常之靚，橙色透明相間，又薄又剔透，蝦肉鮮香有彈性。🤎海參餃（$78/3）外貌高貴，餡料豐富，絕對係必點嘅點心。🦪脆蠔多士（$168）蝦多士食得多，炸蠔多士又真係第一次食。多士酥化，可惜蠔肉比較少。唐述嘅點心賣相精緻，非常適合打卡。環境及服務質素高，價錢方面亦都比一般酒樓貴，茶錢更係收$70一位。不過食物水準高尚，令人食得稱心滿意。