魚屋

Open Now

Now Closed

25-7-2022 (Mon)同老公放假,天氣咁熱,又要去冷氣場所降溫,亦都唔食熱嘢,最好就係食壽司啦,原本想去Donki,但對腳好自然咁行咗嚟荃灣廣場,咁就入嚟一田食啦,我哋嚟到睇吓雪櫃入面嗰啲,有啲有原隻飽魚,有啲有蟹,而兩樣都有嘅就只有一盒叫海鮮丼,賣$158.00,於是我揀呢盒;老公就揀咗混混丼,同樣係$158.00.海鮮丼可即刻拎嚟食,咁我食先喇,左上角嘅嘅應該係吞拿魚生同唔知咩魚生,口感都OK,味道就一般,壽司飯口感味道唔錯.中間嘅灸燒三文魚卷,內有滿滿沙律醬,好豐富.下面嗰件唔知咩魚卷,OK冇問題.八爪魚片同赤蝦都正常冇問題.而蟹蓋呢?面有蔥粒,蟹肉同蟹籽,撥開睇,原來有蟹糕,我哋撈勻嚟食,味道都算幾鮮.原隻飽魚口感正常,燒汁味燶.而混混丼呢?海膽顏色唔差,但開始有變.魚生碎都冇問題.而麵豉湯就係海帶三文魚麵豉湯,鹹淡適中.味道係3.46分

成日聽啲同事講話呢間嘢好正，啲魚生好新鮮，今日終於有機會親身一試晨早11點鐘就嚟度，啱啱開門咋，啲店員仲擺緊檔，我都忍唔住問一問其實開門未啲薯餅同魚賣相超吸引，其實好想食，不過今次target係魚生外賣刺身份份都好靚，好有衝動買番去俾同事食睇完menu，我揀咗特式四色丼，因為有我最愛嘅三文魚，赤蝦，又可以試下啲海膽鮮唔鮮，仲有蟹棒可以食好大碗，其實我真係食唔晒成個飯，但係啲主菜當然清晒啦！首先，海膽，一望個顏色都知道新鮮，一啲都唔腥，都算鮮甜；赤蝦，超大隻又新鮮，啖啖肉；蟹棒，我就覺得稍為咸咗啲；而三文魚，係厚切架，好肥美隨丼附送海帶三文魚麵豉湯，好足料，真係有成舊三文魚喺入面，成個麵豉湯嘅味道係好豐富同事推介芝士龍蝦同燒魚，不過今次真係食唔落，好飽喇，下次再試

大前日(29-10-2016 Sat)晏晝,同老公,女友人WK行完街,雖然我未肚餓,但佢o地肚餓,都係時候食飯.去邊o度食?老公話呢o度,其實佢想食好耐.OK咁o黎食啦.full晒,但好彩等唔太耐就有位,我o地安頓o左就睇menu,見到$308.00o既雙人餐A好吸引咁,而且呢日一張單幫趁滿$300.00,就送赤蝦或三文魚一盒.於是我o地決定要呢個,三人分.我走去俾錢落單,佢問我赤蝦同三文魚揀邊樣?我答赤蝦.佢問咁多人揀赤蝦?之後亦問我坐邊?我指一指,佢就話嗯,知道,俾兩個托盤你.我返埋位等.冇耐,佢o地就遞上兩碗好大碗o既湯,當佢發現原來我o地係三個人share食時,佢就俾多個托盤我,同問我要唔要多個碗?我答要.好,先睇兩碗湯,係海帶三文魚麵豉湯,料都幾多, 麵豉湯鹹淡適中,亦唔會太稀, OK.幾分鐘後,先送上送o既赤蝦,咁我o地先食啦,原以為送o既o野質素一般,點知唔係,唔差亦算鮮甜,我冇蘸之後隨飯送o黎o既wasabi同豉油食都冇問題,正.再過幾分鐘,海鮮丼同三文魚赤蝦丼到o黎,我捧落o黎時,飯係熱o既.而賣相好靚,有朵菊花o係o度,完全日本feel.赤蝦唔再講喇,三文魚刺身,蟹