Sogno Cafe+ (Closed)

星期六同男朋友去左間中環Cafe食晚餐。呢間用QR code落單，佈置有心思，走可愛風。我叫左一樣鹹食，其它都係甜既，可惜牛奶麻糬售罄，無緣食到。黑松露牛肝菌海鮮燉飯無可挑剔，份量夠大，食得飽之餘，十分足料，啖啖都食到海鮮，有蝦、青口、帶子、蟹籽，仲有菇，而且燉飯軟硬適中，加左芝士，增添美味程度，正呀。跟鹹食配飲品平啲，加$38叫左杯Double Chocolate。Double Chocolate係smoothie，打得幾幼滑，朱古力味濃郁，甜甜的味道，好飲。海鹽麻糬窩夫配雪糕雪糕揀左奶茶味，幾軟滑，味道又出。窩夫加左麻糬令到口感變得煙韌，好鍾意有呢種QQ既口感，美味可口。伯爵茶戚風蛋糕(黑糖忌廉)超級鬆軟又濕潤，伯爵茶味香濃，真係無得輸，叫左一定唔會後悔。

難得係中環巧遇友人，晚飯前就嚟個即興tea先～Café走可愛風，一入門口就見到好多雲同kawaii嘅擺設，令人心情放鬆。可能我地差唔多五點先去到所以咁啱遇上café中場休息嚟時間，order左野食等左45分鐘先到，不過唔緊要，好讓我同朋友吹吹水，係café享受一下慢活嘅節奏～海鹽麻糬窩夫配雪糕有成六塊waffle咁多好震撼！Waffle好鬆好香，同雲呢拿雪糕係絕配，如果Waffle裹面再多d麻糬就prefect！伯爵茶戚風蛋糕(黑糖忌廉)個樣好誘人，黑糖忌廉上面仲撒上粉紅嘅玫瑰花！戚風蛋糕嘅口感輕盈，空氣感十足，令人忍唔住一啖接一啖咁食哂佢～仲有Green Tea Latte 同 跟窩夫set加配 Earl Grey Latte！好滿足喲～

今次介紹嘅係小編想去好耐嘅雲朵主題cafe☁️餐廳擺放咗好多可愛嘅小擺設，無論係牆身、餐檯、窗貼都可以見到「雲先生」同「彩虹妹妹」嘅身影😳餐廳雖然面積細 私隱度相對低，但意外有種溫馨小店感覺~☺️落單只需掃瞄QR code進入餐廳網頁，每道菜式都有提供圖片，相當貼心😚All Day Breakfast 份量同擺盤都好有誠意，口味清新唔油膩👍🏻如果番茄可以輕輕煎下或者轉用車厘茄會更理想。至於意粉表現略為普通 整體稍微太乾身🥺值得讚嘅係雞柳同意粉比例接近五比五。至於雪糕窩夫已經列入小編必點之選，窩夫外層香脆🧇夾心有麻糬 口感煙韌，海鹽雪糕下面係奶油同黑糖脆脆🍨咸甜搭配同冷熱嘅衝擊，係今餐嘅意外收穫😋另外，小編留意到餐廳嘅輕食同甜品造型都非常可愛🥰大家不妨試試~🌟 Sogno All Day Breakfast ($88)🌟 鮮茄香草雞柳意粉 ($88)🌟 海鹽麻糬窩夫陪雪糕 ($88)另收加一服務費味道：🌕🌕🌕🌕🌑環境：🌕🌕🌕🌖🌑價錢：🌕🌕🌕🌕🌑