清真牛肉館 (打鼓嶺道)

Open Now

Now Closed

復活節假期第2天，繼續外出explore唔同地方。是日輪到九龍城，很久很久沒來，變成點我都唔太了解呀😅😅 男朋友都好少過來呢個地段，所以又黎覓食下。😊😊有不少網上comment 都讚呢間食店，尤其係招牌菜清真牛肉餅，同男朋友都好想試吓⋯都預左要等和排隊，攞籌後企埋一邊睇menu一邊等，種類繁多，豬牛羊雞咩都有😲 等左大概10分鐘就到我地，算快呀😃餐廳格局係舊式菜館，四四方方，而且都比想像中大間。今日假期，好多食客，大多都點了清真牛肉餅。首先試左配酸辣湯 - $38。有分大、中、小，我地叫了小碗，嚐嚐味道。重胡椒粉味，愈飲愈辣，味道中規中矩，可以的。(3.5 out of 5)主角上場，清真牛肉餅 - $48/2件 (2件起)新鮮滾熱辣煎好，好熱，皮算薄亦煎得都脆口，咬一口時要好小心，燙口之餘又防住啲肉汁漏出來😅😅。第一口食到層皮，再咬一口就係牛肉餅，啖啖肉足料實淨，好juicy,有肉味，真心正💯 男友食完再encore 多一個，我就已經夠了😊😊 (4.5 out of 5)

牛肉餅有很多種，印象很深的是：早年在港島西灣河，聖十字徑，一間小食肆賣的：清真牛肉餅！因為住啲近，經常幫襯外賣，熱騰騰，皮薄餡厚，汁多肉香，家人都鍾意食！但小食肆後來搬走咗，我就再沒食過那種牛肉餅🥲聽說九龍城有間出名的清真牛肉餅！每天食客入雲，要排大隊等位！帶著對以前的回憶和新期望，週六下午茶時間，由港島花個多小時車程，飄洋過海專程來九龍城食呢間 ～清真牛肉館！👇🏿👇🏿👇🏿今日的目標係牛肉餅，而且已經有計劃要打包回去給家人分享！既然食肆有位坐，我哋兩人就試下呢度其他食物：1）牛肚絲麻醬冷拌麵 HKD52.-啲麵有啲似烏冬，碗大量多，算係特色吧！老公order，佢主食，掃清！（佢啲胃係焚化爐，乜都能清😝）2）我order 雪菜牛絲粉絲湯 HKD37.- （小份）好彩order小份！與我以往食啲江南牛肉粉絲湯完全唔同！感覺係冇味嘅雜菜粉絲湯，可惜了大份量，我食淨半碗🤪3）羊肉小籠包 HKD50.-包子皮不錯，但肉餡兒沒有羊味！我更喜歡普通啲小籠包！4）登登登等！清真牛肉餅 來啦：HKD46.-/2個！因為慕名而來，第一run我哋就order了12 個！後又追加了4個！熱騰騰的一碟盛上：好誘

「清真牛肉館」屹立在九龍城超過30年的老字號。食客都是衝著其招牌名物「牛肉餅」而來。基本上去得，枱枱都會必叫。我朋友好鍾意食，佢一坐低就即刻點，完全感受到佢有幾想食、期待。第一次去其實見到2個牛肉餅要買$40，覺得有啲貴。由於我唔食牛肉，我所以唔太識平分，我問朋友點解甘好食，佢既解釋就係皮薄即時慢慢煎熟個牛肉，而且咬落去好Juicy好有牛味，個肉質永遠剛剛好、水準保持。咖喱也是清真牛肉館必試的一道菜。它的咖喱比其他餐廳的辣，而且雞炆得很軟。再可以點一份蔥油餅，用餅蘸咖喱來吃，更是絕配。

禮拜六中午同auntie黎呢度食lunch，12點鐘已經門庭若市，睇黎唔少人同我一樣都係睇左蔡瀾老先生嘅介紹慕名而來。等左大概45分鐘終於可以入座。鎮店之寶清真牛肉餅的確名不虛傳，皮脆餡靓，肉汁鮮甜，一個人食兩個都覺得唔夠喉。另外我哋食左鹵水牛展，賣相已經覺得失色，啲醬汁又提升唔到牛展嘅味道，所以有哋失望。咖喱羊肉飯不過不失，碟飯有小小硬而且唔熱。餐廳二人枱居多，四人以上週末來食嘅話等候時間就會再耐小小。網上見到其他人推薦嘅菜式今次無試到，下次再來食牛肉餅嘅時候會再試下。

九龍城必食➖清真牛肉館🤭九龍城出名食泰國菜 次次嚟親都係食泰國嘢生蝦金邊粉咁 但呢個牛肉餅真係一試難忘 所以要特別為佢出返個食評👅就算唔係餐廳入面食飯 次次經過都想買返兩件即食/打包返屋企 不過即食係正好多 夠新鮮同熱！🔥〰️清真牛肉餅 $40/2件呢個價錢真係唔算平 不過係值得食嘅 牛味好重😍香料方面 食到有少少茴香味道 唔會好重味精都唔會有牛羶味 食落去勁多汁 外皮煎得啱啱好 唔會太油 每次食都係同一水準👍🏻最近佢搬左去新鋪位 大家記得check清楚唔好白行一趟🤭➖➖➖➖➖➖➖➖📍清真牛肉館 (打鼓嶺道) (九龍城)九龍城打鼓嶺道33-35號地舖

細細個對九龍城美食印象唔係泰國菜，而係呢間清真牛肉館的清真牛肉餅 $40/2件價錢唔平但真係好好食！皮薄多汁，係爆汁至啱，好容易射到成枱都係！清真炒飯 $72少少辣味幾惹味，餐牌寫有雞肉但我感覺只吃到牛肉，炒飯唔會太硬或太油，唔錯！因為友人唔食羊，所以決定食全牛宴，牛肉鍋貼 同牛肉水餃 最得選了後者，$38/10隻，加$1就湯上，天氣凍就揀左湯上。賣相唔錯，湯有少少牛味但無乜特別，而牛肉水餃幾足料，但又唔算好優秀，反而加點豆瓣醬幾夾。仲有好多野想食，不過二人限聚真係叫得唔多，食完必食牛肉餅打底，叫一個主食一個小食已經好飽！

由於好想食羊既關係，於是走入九龍城呢間清真牛肉館兩個人叫左四樣野第一樣係咖哩牛腩麵其實如果跟飯會好食啲牛腩唔鞋，夠冧，薯仔好入味，好食但碗野面頭有一層油之後就係京燒羊腩如果鐘意食羊既朋友，我高度推介呢個菜畀你地因為真係好有羊味，又酥脆但唯一一個缺點就係個腩真係好肥，有層肥膏之後黎左個名物牛肉餅個牛肉餅係好多汁既但係只係暖，唔熱而且牛肉味唔多，啲肉太碎，無咩咬口之後個羊肉煎餃就係甜既呢個無咩特別唔好太高期望最尾埋單只要你Show返你下載左佢個Apps就有九折

Lunch和幾位同事叫了幾個牛肉餅和一隻麻油雞送飯麻油雞夠肥夠滑，大家都大讚，而且大大隻，無偷工減料牛肉餅我們每人一半，多汁香甜，汁還可以送飯個人覺得餅皮可以再薄一點，因咬下去時仍會嚐到麵粉味值得讚賞的是這裡茶水任飲，叫侍應加水絕無黑面

原本係約左去旺角打邊爐，但塞車遲左，冇左張檯。所以，走入九龍城食清真野。黎到呢到一定要點返個清真牛肉餅食，拿! 好熱辣辣嫁，辣親咀仔冇錢賠嫁。皮薄餡靚，一路食d肉汁一路流出黎，真心好味道。又熱但又要食個種感覺好滋味，haha。黃金蝦，由於我地點菜時冇睇有價錢個餐牌，只睇得圖個幾張，埋單先知呢碟蝦都成百幾蚊。蛋黃夠多，香口惹味，不過層粉就厚身左d喇。小龍包(牛肉餡)，男友話有得要羊肉餡。皮唔厚，但都唔算薄，可接受啦！肉多且多肉汁，正！蝦子豆腐真係好多蝦子，豆腐煎得金黃，個汁都開得都幾好味，只係蝦子味唔夠濃。飲品方面係豆漿，都幾細杯下，唔太甜，但豆味香。

呢間餐廳，聽就聽左好多次，但係食都係第一次去炸…佢呢間係分店，總店就已經book哂冇位喇，分店幾大，有兩層，佢安排左一張大木台比我地8個人。個餐牌好多選擇，揀得10分鐘都唔夠就比侍應姐姐催喇…佢有d 6人餐，8人餐，但我地冇揀倒，因為冇稔住飲佢d湯，所以散叫。佢d菜上得好快呀！熱辣辣～好大碟，有5樣野，冷盤黎既…隻肉唔知係咩肉，滑滑地似肥豬膏咁，不過味道ok！賽螃蟹，度度都咁好味～必食既curry！我地加埋蔥油餅咁食，佢仲有另外兩款餅揀，可以等侍應姐姐介紹。好鍾意食風沙雞上面d風沙～炒得好香！必食牛肉餅，d汁係一路食一路流出黎，記得搵個瓷更兜住d湯呀！我鍾意佢有得揀牛肉或羊肉餡小籠包，羊肉餡有d羶，但值得一試～總括黎講呢一餐好好味呀！而且佢唔算太多人，做完一場之後二樓就淨番我地一木台，可以放肆d大聲講野都冇問題，適合一班frd去聚呀！

這間在愛吃之士中幾近無人不知的人氣食店「清真牛肉館」，原來自己都有很久一段時間沒有幫襯過了。這次舊地重遊，幫襯的是位於打鼓嶺道的新店。一場來到，這裡最有名的「清真牛肉餅」當然不會錯過。除此之外，這次幫襯，還叫了幾款以往不曾嘗過的菜式，包括麻油雞」、「蔥油餅」和「牛腩湯」。 1）「清真牛肉餅」：比以往所試的稍為遜色，雖然吃到最後仍是肉汁四濺，但略嫌牛肉餅內的肉汁尚未夠多，不過整體來說仍然好吃，味道仍佳。 2）「麻油雞」：這碟例牌雞雞件不算太少，味道也過得去，不過就不太夠麻油味，與它的名字有點未能完全相符。 3）「蔥油餅」：一碟兩件的蔥油餅，一分為四，切成八件上碟，雖不算十分香口，味道還是不錯的，不過頗為油膩，吃一件還可以，要是連吃兩件的話便可能會太膩了。 4）「牛腩湯」：這簡簡單單的湯湯底是頗清的，味道略鹹的湯中浮著數件半肥瘦的牛腩和一件牛筋，另外還有一些白菜仔作配菜。牛腩雖不太多，但質素尚見不錯。總結一句，其他菜式我不敢說，但講到「牛肉餅」，到現在應該還未有其他食店可以威脅到「清真牛肉館」的地位呢！