鼎家喜筷 (Closed)

鼎爺廚藝高超係人都知，今晚就約左朋友黎試試呢度主打既燒味😇兩個人叫咗溫泉蛋四寶飯，燻蹄海蜇撈丁，火焰原隻燒鵝髀，鮮檸檬薏米水，鐵觀音芝士奶蓋同埋朱古力心太軟配雪糕🙊溫泉蛋四寶飯岩晒三心兩意既人😁 有齊腩肉，叉燒，燒鵝同溫泉蛋，份量有返咗上下👏腩肉好有層次，皮超級脆，配埋芥末食好夾好開胃👍👍叉燒燒得幾靚，而且唔會太甜太膩，不過略嫌肉質乾左少少～溫泉蛋非常流心，送飯一流😋無諗過係呢間主打燒味嘅舖頭都食到咁出色既川味菜😮燻蹄海蜇撈丁既麻香味同辣味調較得perfect！👍撈丁麵質剛剛好唔會太淋，佢既海蜇同平時食開嘅口感幾唔同，呢度係比較膠質豐富似jelly口感，幾特別👍👍跟住輪到呢度主打既火焰原隻燒鵝髀出場！登登登登🎉🎉🎉🎉店員講解話只需要燒返香同脆塊皮就可以，所以大約燒左半分鐘，但一路燒果陣已經聞到好香同見到啲油脂流晒出黎，勁吸引！😍 塊皮超級香脆鬆化，肉質十級嫰滑兼滲透住淡淡果香，超好食！！🤤🤤🤤配埋鼎爺自家製手工柑橘醬酸酸甜甜超正！😋 (因為太好食所以問店員拎多左碟黎撈飯🤣)鮮檸檬薏米水好大壺😯 有另外上既黑糖可以自己按喜好調味👍鐵觀音芝士奶蓋茶底好香，奶蓋夠厚而且順滑～朱古力心太軟配雪

自己鵝脾自己燒！今日完全感受到燒味嘅創新食法，呢個Gimmick勁！食到我好滾動🤩叫咗碟四寶飯同原條燒腩肉飯...燒味飯伴菜一般都係放兩條菜心或者小棠菜啫😅呢間用胡麻醬沙律菜！燒肉除咗見人拜神會免斬，呢度原條上，仲比埋刀叉要你切嚟食！四寶飯跟咸蛋就常見...呢度配隻溫泉蛋，係咪勁呢😎新事物算不上，但絕對係新配搭，令到食燒味飯不再麻甩🤣🤣鼎爺出名燒鵝，梗係要叫返隻左脾啦！明火原隻燒鵝脾🤩竟然比個爐我自己燒！想食幾燶就燒幾燶完全由自己控制，一邊燒我就一邊吞口水，油香香到爆炸🤤個秘製柑橘醬取代普通酸梅醬絕對係完美🤗飲品叫咗我鍾意芝士奶蓋馬騮摵烏龍茶，仲食埋甜品係即製窩夫配北海道5.0牛奶雪糕！呢餐真係食得好癲🥶

平時去開啲燒味店都係較為傳統嘅，今日黎左呢間鼎家就較為新穎。燒味，甜品，台式飲品，咩都有咁。原條燒腩飯 $99第一次原條燒腩咁食，好新奇，有小小据扒嘅感覺。燒腩皮超級脆，咬落kokkok聲。啲肉係半肥瘦，食落好鬆軟。招牌溫泉蛋四寶飯 $108四寶飯入面有溫泉蛋，燒餓，叉燒同燒腩。岩哂啲選擇困難症嘅人阿！同傳統嘅四寶飯冇乜分別，只係鹹蛋轉左溫傳蛋，我攞左溫泉蛋黎點燒味食，咁樣配法原來都幾夾！火焰黑豚肉叉燒 $148呢條叉燒咁貴係有原因嫁！因為有得玩之餘又好食！店員會幫你點火，點完之後自己燒。Tips: 盡量燒肥肉果邊！雖然我都有fail左，不過切左個邊邊依然好食。呢款叉燒肥肉多啲，食落好滑。因為燒左肥肉，所以入口唔會好肥。心太軟配3.6牛乳雪糕 $68心太軟上枱嘅時候仲係熱㗎，平時都係配雲呢拿雪糕多，今次配嘅係牛乳雪糕。心太軟配牛乳雪糕，兩個嘅味道都好濃，有朱古力味又有牛奶味凍藍莓蘆薈綠茶 食完油膩嘅嘢飲番啖茶就好清新啦。蘆薈同藍莓好襯，有少少似利賓納味，但又好有咬口。烏龍芝士奶蓋芝士奶蓋入口綿綿嘅，味道偏濃，但係勝在茶底夠清新，飲落一啲都唔會濟。整體其實好多嘢我都覺得好特別，可以試吓自

今日食完午餐，就去左 荃灣 Donki 行街，去到海之戀商場，見到三樓，原來鼎爺除左私房菜，又開左新餐館叫「鼎家喜筷」，菜色睇電視就睇得多，今次真係可以試到鼎爺既菜式。所以就早少少 4點幾就食晚餐。睇食評個個都有點招牌溫泉蛋四寶飯，所以都點了 。溫泉蛋用來伴飯原來咁好味。另外三寶就有燒腩仔，叉燒仲有招牌燒鵝。叫一個4寶飯就可以食晒三種燒味，總之招牌燒鵝就一定要試，個特製醬汁一定要試下。麻辣蒜香涼拌手撕貴妃雞撈丁，鐘意食辣既唔好錯過，我食完都愛上，不是太辣，但很滋味。脆炸蓮藕片，燒味夾饃雙拼(2件)。脆炸蓮藕片我覺得必吃，好香脆，做小食一流。夾饃一件是叉燒，另一件是燒鵝，我就鐘意燒鵝個件多啲，有吃北京填鴨既風味。特飲我們點了柚子乳酸沙冰 及 凍薄荷檸檬蝶豆花。薄荷檸檬蝶豆花好靚藍藍紫紫，飲落很清涼。柚子乳酸沙冰 就酸酸地好開胃。最後食完飯，記得要點北海道特濃5.0 牛乳雪糕。好濃牛奶味，好滑，不要錯過。

溫泉蛋四寶飯 $106有燒鵝，叉燒，燒腩仔同溫泉蛋😌 燒鵝不錯 如果皮要脆啲會更加正 鵝油夠香 叉燒偏硬身🤔 燒腩仔都正常 溫泉飯加落啲飯到食真係好正☺️😋麻辣蒜香涼拌手撕貴妃雞撈丁 $80麻煩同蒜香可以再出啲 不過值得一提係公仔麵有認真處理 有過冷河 食得出脆口既～👍🏻爆脆金沙魚皮 $49個魚皮超脆同埋兩個人食黎講份量算多 魚皮亦都大塊 唔會好碎 ☺️燒味夾膜雙拼（2件）$50一個係叉燒一個係燒鵝 個包幾好食 配埋都唔錯～熱黑芝麻奶茶 $28好好飲 而且超香芝麻味 必叫啊！😍😍奶茶都好香好濃好滑 兩個配合得岩岩好 唔會互搶大家既味道！👍🏻凍鮮檸檬薏米水 $28足料 勁多薏米 偏酸～北海道5.0牛奶雪糕 $38叫左一筒一杯 個脆皮同平時個啲差唔多 雪糕勁重牛奶味 有小小煉奶嘅味道🥰