SUKIYA すき家 (亞皆老街)

Open Now

Now Closed

呢間過江龍人氣牛丼開咗好耐 每次經過都見到大排長龍 小編近排先第一次去食 唔知係咪真係咁好食呢😗👅溫泉蛋牛丼（M size) $34佢嘅牛肉真係幾淋 仲有好多牛肉汁😋牛肉汁調味唔會太鹹 再配埋溫泉蛋嘅蛋汁嚟撈飯食 真係一流🤤🤤👅熱溶三色芝士燒肉丼（M size) $55 佢有頗多芝士🧀好邪惡 小編就略嫌啲芝士唔夠溶 但係配埋啲燒肉都幾好食 撈飯嚟講都係幾正😚不過小編就唔係好食得出牛丼同埋燒肉丼入面牛嘅分別 佢哋嘅肉質差唔多 都幾淋 唔會太乾😛不過燒肉丼裏面嘅牛肉睇落就深色啲 但係食落調味就冇乜分別🤫👅炸雞套餐 +$20佢跟餐配一杯嘢飲或者麵豉湯同埋炸雞 不過佢嘅炸雞真係麻麻地😵‍💫唔夠熱 同埋炸得唔夠脆總括嚟講 佢嘅牛肉丼CP值真係好高🤩好抵食‼️唔怪得開咗咁耐都仲人氣高企啦😙😋 好味：8.00/10🤑 價錢：8.54/10🤗 服務：6.99/10😝 環境：7.10/10😚 衞生：7.56/10🤩 整體：8.03/10

呢間野係二十四小時營業㗎，幾時去食都得！加$10可以有個套餐，包炸雞/沙律/青菜同埋紅茶/可樂/味增湯，丼分為S/M/L/LL，照顧晒細食同大食嘅人😆.🥩溫泉蛋牛丼 （M:$34) 牛肉正正常常，唔韌，入味，調味唔錯，洋蔥幾甜🧅，溫泉蛋係另外上嘅要自己打落去，啲飯有啲黏，份量方面飯就好多啦，牛肉就有啲少。好食程度：🌕🌕🌕🌑🌑.🥩溫泉蛋燒肉丼（M:44)燒肉丼同牛丼嘅分別就係佢啲牛會有陣炭烤味，同埋個醬汁係用燒汁，洋蔥幾甜🧅，溫泉蛋水嫩，都係飯有啲黏，飯份量多，燒肉就有啲少，完全鋪唔晒成個飯面。好食程度：🌕🌕🌕🌗🌑.📍SUKIYA すき家 旺角亞皆老街31號地舖紅磡黃埔天地時尚坊(第2期)地下G6B號舖

難得出到旺角，梗係要試下日本人氣牛丼過江龍🎌上網搵過資料，發現佢採用美國牛肉，所以食落牛味幾濃溫泉蛋牛丼嘅牛肥瘦程度岩岩好，一個人食曬都唔會太漏而內裏嘅洋蔥炒到好腍，吸曬啲牛汁配合埋撈左溫泉蛋的越光米一齊食真係好夾✨.三色芝士燒肉丼就相對比較濃味燒肉食落有一陣焦香味，加上秘製醬汁，味道十分惹味，岩曬食開濃味的人但亦因為咁，芝士嘅味道反而唔太突出但整體上都唔影響丼飯嘅好味程度👍🏻.以唔洗$40就可以食到一個唔錯的牛丼來講，性價比真係幾高。