滷友記 (加路連山道) (Closed)

📍 滷友記 (加路連山道) (銅鑼灣)銅鑼灣加路連山道5號地鋪已經第二次回訪！特登再嚟多次就係為咗食佢嘅滷友牛三寶麵！🍜鹵友牛三寶麵 $75 （跟餐加咗$10小食）其中三寶包括牛筋、金錢展同金錢肚～最驚喜係金錢展，因為厚切好大一塊，滷水非常之入味！唔好見佢咁大塊以為會好韌，反而做得好淋好易咬開！另外牛筋亦都係另外一個重點推介，口感軟稔得來又彈牙！湯頭絕對係成碗麵嘅靈魂！味道有少許亦都有藥材味！我都忍唔住飲咗好多！🍗生炸雞脾 $36估唔到食滷水麵嘅地方做生炸雞髀都可以咁出色！即叫即炸熱辣辣，表面炸得香脆，內裏肉質柔嫩又多汁！小食方面，我哋跟餐加咗個炸墨魚丸！表面灑滿椒鹽，非常香口！另外仲叫咗一份炸陳皮魚蛋，呢個真係小食之中嘅推介！冇諗過滷水咋，陳皮魚蛋可以咁入味！而且魚蛋嘅彈性亦都非常之強，我自己非常鍾意！

呢間滷友記成日都經過但今次先有機會輪到試佢點知 一試驚人不過只限快食因為座位非常之窄不過咁嘅價錢真係冇得講可惜服務態度就差咗啲食飯時間去到都唔使等位我估佢返枱率好快因為座位好窄一入到去 同侍應姐姐講兩位佢一粒聲都冇同我講就指住張枱服務態度真係幾差好彩唔使收加一條氣都順啲等咗一陣我個滷友牛三寶面就到啦：10/10我想講呢個麵真係滿分首先佢個湯底好夠味仲隱約食到藥膳味好食過好多台式紅燒牛肉麵添但佢只係$62咋然後再加埋手工爽口米粉真係好夾我本身鍾意食硬身少少嘅麵呢度係絕對啱我口味然後好足料數埋應該有六七件牛肚仲有三四嚿牛筋兩塊大牛展全部都好夠味係牛展唔夠入味有小小雪味不過整體嚟講，我都非常之滿意一定會再返嚟食然後男朋友就叫咗個古法滷水五花肉飯：7.5/10呢個飯就差得遠啦首先見唔見到超肥真係肥膏多過肉然後個滷水汁又俾得好少所以唔係好夠撈佢只係一個好普通嘅豬肉飯嚟到呢度就似乎唔係好應該食飯啦整體嚟講環境唔好坐 位置好窄但係姐姐都唔會趕人走嘅都算係咁服務態度惡劣性價比極高我都知依家啲牛係越嚟越貴$60食到個咁出色嘅麵喺銅鑼灣嚟講真係好難出品有誠意個面真係一百分雖然整體唔算全部都好好但係我會返嚟