鼎泰豐

Open Now

Now Closed

當年鼎泰豐風靡唔少香港人，啱啱喺香港開舖都慕名而來，覺得唔錯。時隔多年，今日再幫襯，已經不是嗰個味道了。滷水牛肚作為冷盤餐前小食，份量算多。牛肚唔韌，切到薄薄的一片好易咬開。 不過，滷水味有點過鹹。高湯炒豆苗豆苗食水好翠綠，炒得唔老。清清地用高湯炒，感覺健康👍🏻排骨蛋炒飯炒飯未能做到粒粒分明，炒得有啲濕。至於排骨，這個醃料令到排骨有點臊味。整體來說非常一般。蟹粉小籠包小籠包唔算大粒，感覺上豬肉的份量比蟹粉多，未能突出蟹粉味。豆沙小籠包呢個甜品係友人必點，食一粒半粒OK嘅，再食落去覺得豆沙偏甜🙂‍↔️埋單500幾蚊，性價比唔高，但出奇地生意唔錯，可能係商場/位置吸引人流，但我諗下次再幫襯嘅機會都唔大。

冇得去旅行唯有搵啲嘢食補返數掛住台灣梗係去鼎泰豐啦食物質素同台灣比都仲差啲唔知係咪去旅行嘅心情都影響食物味道首先一定要點小籠包啦皮薄有肉汁 不過味道好似比唔上霸王山莊🤭係時候要檢討下喇見到隔離枱點咗滷水牛肚好似好正咁 冇諗到會凍到咁去食當日天氣太凍 即刻扣咗分分別點咗鮮蝦雲吞麵同菜肉雲吞麵雲吞皮好滑 但味道稍嫌太淡攞咗碟辣椒油加落去好啲因為碟辣椒油真心好味😋排骨蛋炒飯件排骨大過個飯味道好唔會乾蒜茸炒油麥菜屋企人話太硬 我覺得都可以接受嘅

好耐都冇去過旅行原本台灣係我第二個家而家唯有食啲台灣嘢頂住先幸好鼎泰豐都keep到台灣嘅味道滷水牛肚夠入味好似平平無奇嘅通菜其實都炒得好好味小籠包保持水準 皮薄多汁熱度十足鮮蝦煎餃個底夠脆不過燶咗少少🤏🏻醉雞嘅酒味好夠將牛肚點啲醉雞汁 別有一番風味紅燒牛肉麵幾乎係我每次必點嘅牛肉夠淋 個湯可以辣多少少就perfect喇杏仁豆腐&荔芋西米露西米露值得一提係將芋頭磨蓉整嘅啖啖都有芋頭味 好正杏仁豆腐就淡淡地 全靠上面嘅糖水要揀都係揀西米露

自從沙田開咗鼎泰豐之後，真係好多人等，果度成日都好逼不過熱潮似乎慢慢開始減退，依家無咁多人，排隊都唔洗等好耐，所以就試下啦其實之前去台灣都有食過小龍包，老實說，又不覺得有什麼特別，所以在香港也是抱著一試的心態黑醋木耳呢個冷盤又幾好食嘅，公主我鍾意佢個醋夠酸冰涼爽脆好開胃，加埋幾粒杞子百合好似好健康而且黑醋對身體又有益，唔錯滷水牛肚又係唔錯嘅冷盤，牛肉味唔太濃同酥，媽媽都鍾意食而且斜切得薄薄，滷得入味唔過咸，牛肚唔太韌又冧滑得嚟有咬口如果再多幾舊就好了，哈哈哈哈 烤麩公主個人真係對鼎泰豐嘅烤麩讚好，對於傳統風味嘅濃味赤醬真係唔喜歡因為公主我真係唔多鍾意太甜嘅嘢食所以鼎泰豐嘅烤麩唔會好似其他上海舖咁甜，正！而且又有蠶豆，更正！炸菜肉絲麵碗麵都好細下，湯多過麵，我地幾個人share食都真係一人一啖就無晒炸菜唔太咸又有淡淡嘅香味，而肉絲雖然幼幼但無咩特別麵都算滑嘅，湯亦唔太咸，還算可以啦擔擔麵微辣加上滑滑嘅麵，麵粉味好香唔會俾辣味遮蓋不過碗麵有花生碎但無花生醬，感覺差咁啲唔夠香口而且仲差咁啲芫茜，所以完全唔惹味熏魚公主我個人好鍾意呢度嘅熏魚，將魚炸得夠晒香脆可口之後吸收晒醬汁，好好味魚肉稍為

平日倘若想吃得豐富，腦海必然浮現起中環和尖沙咀那些搵食熱點，甚少會聯想起沙田這個老區。不過近年沙田越變越精彩，就以沙田新城市廣場為例，近年不斷地吸納一些具實力的新食肆，為商場注入新能量。新店繼之前的明珠閣、豚王等等後，最近就有鼎泰豐、School Food 和 Tony Wong Patisserie 開張大吉。中菜之中，個人其實頗為喜歡鼎泰豐，但尖沙咀店的人山人海，實在太過驚人，往往只能過門不入。相比之下，沙田新店沒有那麼擠擁。 小籠飽, 3/5為了追上潮流，鼎泰豐也破格推出了幾款特色小籠飽，黑松露小籠飽、絲瓜蝦仁小籠飽等等都頗有融和菜風格，不過還是喜歡那些懷舊的口味，因此先點了一籠六件的招牌小籠飽。鼎泰豐的小籠飽出名皮薄，但湯汁卻沒有台灣店的鮮甜，餡料的肉質也稍為遜色，感覺上是吃不出它那種遠近馳名的口味。 紹興醉雞, 3/5跟小籠飽一樣，這道紹興醉雞也沒有台灣店的滋味。酒固然不夠香醇，就連雞也沒有那種令人眼前一亮的晶瑩剔透，味道自然難以突出。 滷水牛肚, 3.5/5相反較為滿意這𥚃的滷水牛肚，雖然牛肚不算太入味，但像豬頸肉般砌成一片片後，入口感覺更滑溜，反而有少許驚喜。 台