一生懸麵

其實呢, 我太太自幾年前第1次食過沾麵之後, 就愛上左。奈何唔係好多店有得食, 呢晚經過呢間一生懸麵, 見到佢有沾麵啵, 就排隊試下~呢間都好多人幫襯架, 我經過開都見到門口好多人排隊~我地等左20分鐘左右啦, 就可以入去食了~排隊期間, 店員會先畀點餐紙我地, 可以睇左食咩先, 畫定先~其實呢間係小店, 所以小食, 拉麵同沾麵都係各有幾款, 唔算太多選擇。名古屋二郎系拉麵 $73我就叫左呢個, 湯拉麵來。配菜有大量芽菜, 椰菜同蒜頭。湯底同配菜好清甜。配菜上灑了不少黑椒。叉燒有3大片, 都用火灸燒過的, 油脂焦香, 好味!而且都係半肥半瘦的, 口感平均。濃香櫻蝦沾麵 $83我太太當然就揀沾麵啦, 佢揀左濃香櫻蝦沾麵。個沾麵醬真係不得了!櫻花蝦多到爆! 真係一D都唔吝嗇!蝦味濃郁好香口!就算食到最後, 都一樣仲有蝦仔!真係啖啖櫻花蝦!除了櫻花蝦, 醬料入面仲有豚肉。然後到個麵, 有半隻溏心蛋, 叉燒, 荀絲~隻溏心蛋好正! 個溏心整到剛剛好!麵質都好好, 好彈牙好掛湯。章魚燒  $28新鮮整出來, 熱辣辣, 不錯。雞軟骨棒 $28一客有2枝, 雞軟骨有咬口, 口感不錯, 幾好食!最後埋單 $212~…Read More

呢間拉麵熱店成日都要排隊呢排咁凍更加想食拉麵🍜所以今日day off就過嚟排下果然無令我失望呀我哋2:00嚟到都要排咗20分鐘先入到去店內典型日式裝修位置唔多店員都好有禮貌:)佢唔係冰水嚟㗎係檸檬水我叫咗濃香櫻花蝦沾麵（$83）一嚟到真係好香好香蝦味先講吓佢正嘅地方先個沾麵汁好香濃仲有勁多筍！！！ 利申我係一個好鍾意食筍嘅人！佢真係好大方仲好入味跟住仲連埋個青檸令到佢味道更加清新糖心蛋真係糖心蛋黎你都知出面有啲會半熟㗎嘛我試過食間拉麵店佢變咗全熟蛋.........所以我覺得個糖心蛋都好重要麵底亦都好彈牙碗底唔會有水呢個好緊要出面有啲拉麵店整得唔夠乾碗底好多水個感覺好核突......呢度絕對冇呢個問題好啦咁梗係講吓啲唔係太好嘅地方啦首先個沾麵汁真係唔夠熱變咗擺埋個麵落去就凍哂:(同埋個肉雖然有燒焦過但係太大陣火槍味呢樣野真係可以改善下男朋友就嗌左個濃香櫻花蝦拉麵（$83）我想講佢嗰個真係好食好多！！！面底係唔同佢嗰個係九州拉麵底嚟湯底當然一樣啦但係佢嗰個超熱超熱！！！冬天咁凍食真係好正出面好多拉麵店都唔夠熱呢一間嘅拉麵呢方面做得好好！唔怪之得個個都食拉麵我蠢咗啦食沾麵好想下次黎食埋個魚介湯底拉麵！！煎餃子冇乜特別正常出品 可以再熱D另外啤酒都幾抵飲佢收$20咋個杯都係凍嘅有誠意整體來講環境OK服務唔錯侍應好有禮貌食物質素好！性價比高係值得再嚟嘅特別推介拉麵🍜！但如果排好耐我就覺得未必值得lu…Read More

講起食拉麵或者沾麵🍜，有間喺旺角既拉麵黃店一直想試好耐，但每次經過都見到大排長龍無試到，之前終於趁weekdays放假去左試，日頭食就完全唔使排隊🤪，今次就黎介紹一下🙌🏻一坐低，我就嗌左個我平時都食開既魚介沾麵，而佢分別可以嗌個麵係熱食定凍食，我就揀左熱食😋 一上到黎就比兩大舊叉燒吸引住，佢地係半肥瘦，燒得好靚，食落入口即溶，好腍身，好中意呢個口感🤤 而麵條係粗身果種，掛湯一流，而且夠彈牙，佢個湯既鏗魚味幾濃郁，而且夠杰身夠濃厚，做沾麵湯汁好適合，幾唔錯🤙🏻 唯一要彈既地方就係佢隻溏心蛋略為熟左啲，有啲失望🤨而朋友就叫左櫻花蝦沾麵，基本上除左個湯底唔同之外，麵同啲配料都係一樣既，而朋友嗌左凍麵黎食，因為傳統食沾麵好似真係凍麵熱湯咁食🧐 佢個湯底一樣咁杰身濃厚，個湯面頭鋪滿哂櫻花蝦，鋪到勁密😍，佢個湯比起魚介豚骨湯多左種蝦既鮮味，不過可惜既係個湯比啲冷氣吹到好快凍左，再加上朋友食凍麵，成碗野好快就唔熱，有少少可惜🙈我地再追加左一份小食——章魚燒，佢既章魚燒份量就較小，得4粒細細粒🥲，食落係比較軟身既章魚燒，口感都幾日式幾正宗，而味道就正常發揮啦，無咩大問題要特別彈同讚，不過如果啲醬比多少少就更加好啦😌總括黎講，呢間黃店拉麵最抵讚既就係佢啲叉燒同麵😋，叉燒雖然好邪惡，但又真係好好味好香口，而麵條夠粗身同彈牙，口感好岩我口味！而且一碗麵都係around 80蚊左右，性價比幾高👍🏻 而唯一要改善既就係個湯可以再熱啲同隻蛋再溏心啲🙈 …Read More

呢間有良心嘅日式拉麵沾麵店好出名，個店名來自日文漢字「一生懸命」(用心/盡力嘅意思)，所以店名意思就係用心做好拉麵沾麵～拉麵同沾麵湯汁都各有3款，沾麵仲有提供凍麵同熱麵可以揀。今次同兩個朋友一齊食，就試咗2款沾麵同1款拉麵比較一下😛 沾麵用嘅麵條比拉麵嘅粗身，兩者都可以自選軟硬度。•每碗麵嘅基本配料有2片叉燒、半隻半熟蛋、幾片竹荀。叉燒係長條形，面頭有輕輕火炙/烤過，帶出嘅油脂味幾香，但整體肉質都偏瘦，所以食落有少少柴。半熟蛋嘅蛋味好香，而且醬油味入晒味😋，但個人覺得隻蛋有少少太熟，唔夠流心。🥢濃香櫻蝦油拉麵 $83湯底表面同樣鋪滿櫻花蝦，聞落好香，食落櫻花蝦味尚算濃，拉麵湯比沾麵汁多咗好多蔥同洋蔥，所以飲落比較清新，無咁易覺得膩。整體黎講，幼麵同拉麵湯比較夾。😋•沾麵汁比其他店算細碗，上枱嘅時候亦都唔算好熱，食凍麵嘅話，加埋舖頭冷氣都幾大，個湯食到一半就凍晒喇😖雖然凍麵熱汁係比較傳統嘅配搭，但下次再食呢間嘅話，我應該會揀返熱麵😬沾麵汁嘅質地唔算濃稠，同時唔會太濃味，所以將麵條沾汁嘅時候唔係好沾到，做唔到掛湯嘅效果😬配料方面，拉麵同沾麵嘅配料無大分別，只係沾麵多咗一塊青檸。🥢魚介豚骨沾麵(凍麵) $78魚介味好鮮甜，食落比櫻蝦沾麵fresh d🤤🥢濃香櫻蝦沾麵(凍麵) $83沾麵汁面頭放滿咗櫻花蝦，聞落幾香。沾麵汁明顯比拉麵湯更濃稠同濃味，不過唔會死鹹，只係食到後尾有點膩。而兩款櫻花蝦味嘅麵比較起來，個人比較喜歡拉麵～…Read More

好耐冇食過沾麵啦，見到門口有10幾個人排，都應該好食掛。排左大約15分鐘，店員已經比定紙仔填定食咩，一入到去坐低好快就有野食。➡️ 濃香櫻蝦沾麵個湯佈滿左櫻花蝦，又香又濃，配埋個豚骨湯底，果然幾夾👍🏻 麵質方面就正常，比較幼身➡️ 唐揚炸雞4大舊炸雞，炸得啱啱好，d肉仲好嫩滑➡️ 特濃豚骨沾麵賣相冇櫻蝦嗰碗咁好，但半熟蛋整得啱啱好，叉燒就偏肥，瘦d應該會好少少一生懸麵 地址📍: 旺角通菜街73號地下 .............................. 味道😋: ⭐️⭐️⭐️💫 環境👀: ⭐️⭐️⭐️ 服務👨🏻‍🍳: ⭐️⭐️⭐️ 抵食💰: ⭐️⭐️⭐️💫…Read More

我今日已經係第二次嚟呢間店喇😮但係上次嚟因為勁多人係到排隊所以無食到但今日嚟到雖然都好多人嚟到排隊😥不過我今次唔想再下次嚟喇，決定都係乖乖咁排隊等食啦😤因為嚟幫襯嘅人實在太多，所以有兩款拉麵已經賣哂，不過沾麵都仲有提供嘅😯我比較想試下特別嘅嘢食同味道😋就揀咗🎈「濃香櫻蝦沾麵🦐」 $83一上到餐檯上見到碗沾麵湯上有滿滿嘅櫻花蝦每一啖麵上都食到好有口感嘅櫻花蝦😍雖然湯底唔算好濃郁🤩，但勝在口感豐富因為入面仲加咗蔥花同洋蔥粒🌿咬落口都會「索索聲」沾麵另有兩塊叉燒、竹筍片同溫泉蛋🍜係我哋平時食拉麵常見配料🍖而呢間拉麵店嘅叉燒味道上有火燒過嘅香味而且相當之淋，搞到我好想嗌多幾塊再食🤤我發現沾麵上嘅麵身原來有一粒粒類似調味粉痴住🤔唔知係咪味道或者口感有啲唔同呢?因為我唔係太食得出分別😶不過我就未試過係其他店舖有呢個特別之處喇😁餐廳嘅餐牌上有一款期間限定檸檬酸柚子沾麵🍋因為我食飽先睇到，有啲好奇係咩味道🤔❓下次我再嚟應該會試下，唔知大家有冇食過呢款期間限定呢?…Read More

今時今日係香港想食拉麵/沾麵 閑閑哋都要過百🤧所以搵到好食又抵食嘅話 一定要同大家分享🤩一生懸麵呢度好扺食😍好欣賞呢度嘅麵條 不但煙韌 而掛湯能力都好高👍🏻呢到由麵底嘅冷熱 軟硬 至油嘅份量乜嘢都有得選擇 可以自製一碗啱你口味嘅拉麵💯櫻花蝦味湯底 好足料 啖啖到會食到蝦米嘅香味 口感特別😛.Finally found a good bang-for-your-buck ramen in Mong Kok! 🍜 Ramen or Tsukemen nowadays in Hong Kong is easily over $100 a bowl! The noodles are bouncy and the soup clings on really well to the noodles! To ensure that it is perfect for you, you can choose and customise almost all aspects of your tsukemen from the temperature and softness of your noodles, to the oiliness of the soup! I ordered the Sakura Shrimp Soup base has tons of shrimp inside and adds a great texture to the noodles! .what did i order: 魚介豚骨沾麵 ($73) 😋😋😋濃香櫻蝦沾麵 ($78) 😋😋😋…Read More

對比起拉麵我更加鍾意食沾麵,最好就係可以選擇沾麵嘅麵質。無意間俾我搵到依度嘅沾麵除左可以選擇硬度之外,仲可以選擇熱麵或者冷麵。男朋友選擇左辛辣沾麵,湯底唔算辣不過有辛香,佢就選擇咗熱沾麵,辛辣湯底比較杰身,掛麵效果比較好。溏心蛋嘅流心效果吾錯,叉燒亦夠淋而且叉燒預先燒過,有火焰香氣。我選擇左濃香櫻蝦沾麵,因為我比較鍾意食有口感嘅拉麵,所以我就揀左較硬冷麵,拉麵經過過冷河食落比較煙靭有口感,沾麵櫻花蝦湯底有滿滿櫻花蝦,沾麵湯底比較稀,掛麵效果唔算太理想,但櫻花蝦嘅香味依然突出。…Read More

出到來旺角未決定食甚麼好，所以決定在女人街一帶閒逛下，咁多間食肆，望望周圍有甚麼吸引。經過拉麵店門口，見裝修不錯，好日式，而且個名都幾吸引。還未到晚飯繁忙時間，不用等位，更加唔駛諗入去試下。款式有幾款，有普通拉麵或沾麵。我們3人分別試了不同款。期間限定海鮮拉麵，通常見“期間限定”字眼就會忍不住想試下。海鮮唔算好多，但尚算不錯。特濃豚骨沾麵，湯底都不錯，不會太杰身。濃香櫻蝦沾麵，呢個幾推介，有驚奇，櫻蝦份量都幾多，每點一下，就有滿滿櫻蝦黏住麵上，食落滿有口感而且埋單不用加一，日本野來計，算係好抵食。…Read More

店名一生懸麵來自一生懸命, 是努力、拼命、盡全力去做的意思。小店裝潢簡約, 簡單整潔。煎餃子 (5隻) $25餃子煎得邊脆, 不油膩。雖不飽滿且無肉汁, 味道是可以的。醬汁味道強烈, 掩蓋餃子味道, 還是淨食餃子較佳。濃香櫻蝦沾麵 $78沾汁熱辣辣, 面頭蓋滿大量櫻花蝦, 濃香僕鼻, 脆卜卜。內裡藏了大量洋蔥碎, 十分爽口。沾汁質感並不稠密, 但非常濃郁。沾麵可選凍食和熱食, 因天氣悶熱, 選了凍食。麵質爽口彈牙, 感覺不錯。半熟蛋蛋白滑, 蛋黃軟綿。叉燒香, 肉質偏實, 有少量油脂, 不會過瘦。…Read More

係旺角真係好多野食，今次行行下比我見到呢間淨係裝修都已經好有日本feel既餐廳，當然要試下！！好少係香港食沾麵，當然要試下呢間如何啦！濃香櫻蝦沾麵 ($78)估佢唔到有咁多櫻花蝦！真係忍唔住要飲番啖先好香濃，但又唔會太咸，正最估唔到既係佢既豚肉，一入口真係同平時食既唔同，因為佢有燒過，所以食落更香，肥瘦都岩岩好，高質可以揀麵質，自己就要左適中既，感覺上好match，唔會太硬特濃豚骨沾麵 ($73)至於呢個特濃豚骨都好正，佢既配料同平時既拉麵差唔多，不過如果你係重口味既話，呢個特濃豚骨沾麵真係岩哂你！雞軟骨棒 ($25)呢個雞軟骨棒都係高質之選佢既肉質都幾滑，而且真係好似啖啖都食到D軟骨咁，好特別！加上佢係即叫即做，上枱個陣都仲係熱辣辣架…Read More

簡單的和風裝橫，不如其它拉麵店鮮艷花巧的設計。在香港賣沾麵的店舖不多，難得有一間拉麵店當然捧場。魚介豚骨沾麵($73)聽說是較熱門的沾麵。魚介豚骨的味道較清，豚骨的味道較濃郁，麵上的配料其實跟濃香櫻蝦沾麵一樣。選了適中硬度的麵條，硬度剛好，放在炙熱的沾麵湯內一會後，麵條就會變軟。個人認為不用選最硬的麵條，會破壞整體的軟滑口感。沾麵湯底豚骨味濃郁，湯底本身較鹹，令麵條沾上更濃郁的味道。吃完麵後把沾麵湯加湯喝，味道才會變得剛剛好。我們都很喜歡兩碗湯底的味道，拌着麵，大口大口喝，還未來得及加水已經喝完了。濃香櫻蝦沾麵($78)的櫻花蝦份量多，每一口都是脆脆的蝦香，上桌時的蝦香讓人垂涎三尺。湯底向來都是整碗麵的靈魂所在。然而在這裏，豚肉才是整碗麵的靈魂所在。豚肉表面跟一般拉麵店的沒有分別，吃一口就知分別很大! 豚肉軟滑，甫吃一口，口中散發豚肉的油香和炙燒過的香味，令人難以忘懷。兩碗的豚肉都有如此味道，真的做得很出色。雞軟骨棒($25)。有些店的雞軟骨棒雖然好吃，但上桌時總是暖而非熱的。但這間店的的雞軟骨棒是熱得燙口，令人驚喜的是雞肉柔嫩，不是想像中像魚蛋一樣的雞軟骨棒。柔細嫩滑的肉為這個雞軟骨棒加了不少分，是滿分之作。…Read More

男友想食拉麵，放工喺旺角想搵有位嘅餐廳又想食好味野真係好難，大商場得啲連鎖店，所以決定去橫街搵小店食。男友好鍾意食拉麵成日都會四圍出去搵唔同嘅大小拉麵店。原來發現小店先至更加地道好味，好多小店都會有驚喜。白湯豚骨麵，男友叫咗呢碗拉麵，我試左好好味😍😍😍濃香櫻蝦沾麵，我揀咗沾面，櫻花蝦係我至愛😍😍😍😍😍濃香好味章魚燒其實做得幾好味，一口一粒，不過我覺得唔夠喉😆😆😆如果大粒啲口感可能好啲…Read More