The Flame Bar & Restaurant

Open Now

Now Closed

聽聞觀塘有間氣氛餐廳，裝修靚，野食又抵，趁爸爸生日，帶佢去慶祝。我地試咗個二人餐，食物都幾豐富，3個course我地食得好飽。是日餐湯 - 番茄湯 (⭐️⭐️⭐️⭐️⭐️)番茄湯色澤淡紅，番茄味濃郁，磨得幾滑幾creamy，酸甜平衡恰到好處。特別喜歡佢偏酸口感，作為一頓晚餐既第一道菜，十分開胃，可以喚醒味蕾！香煎大蝦伴牛油果沙律 (⭐️⭐️⭐️⭐️⭐️)作為冷盤，欣賞食物保留到鮮味。大蝦煎到金黃色，外殼微脆，肉質彈牙。牛油果軟熟油脂多，增添了綿密的口感，搭配新鮮蔬菜的清爽脆嫩，沙律醬微辣開胃，口感層次豐富，又健康又美味。西班牙海鮮燴飯  (⭐️⭐️⭐️⭐️💢)金黃色的飯底配搭香煎帶子同其他甲殼類海鮮，材料豐富，賣相吸引。燴飯索晒湯汁，容易入口。海鮮新鮮，唔會煮得太熟，份量又足，食得過癮。煎安格斯牛扒  (⭐️⭐️⭐️⭐️⭐️)牛扒煎到微脆、內裡粉嫩，幾有油香。肉質鮮嫩多汁，不帶筋，肉味幾濃。簡單的鹽和胡椒調味凸顯牛肉的天然油香，值得一試。Tiramisu  (⭐️⭐️⭐️⭐️⭐️)質地幾挺身，正正方方整潔大方，食落口感綿密鬆軟。味道方面，咖啡味及酒味都幾濃郁，芝士味突出，適合愛甜的朋友。火焰法式焦糖燉蛋  (⭐️⭐️⭐️⭐️⭐️)視覺效果一流

繁忙嘅觀塘街道，有間相當有格調嘅西式扒房😍，就座落於觀塘亞太中心3/F#theflamebarandrestaurant，門口已經相當吸睛！由APM走來都系5分鐘左右。除左牛扒薯條可食到飽，環境舒服而用餐不限時，亦有室外可供用餐，歡迎包場同埋與毛孩一齊用餐。🔥Mocktai l~ fruit punch & Okinawa Pineapple Special賣相打卡一流，未上主食先黎暖一暖場。口感清新，清爽微甜。而且不含酒精。岩曬D唔飲酒嘅人士。🔥安格斯牛西冷扒 我地分別點左七成同全熟，西冷牛扒已切件鋪得滿滿一碟，外皮烤得脆嫩酥香，肉質夠腍，入口多汁易嘴嚼，配上餐廳嘅自家製醬汁，推介～🔥薯條以一桶式上菜，份量超多，條條幼身好香脆，仲可以無限添加添!🔥追加香濃忌廉湯$15🔥追加凱撒沙律$38沙律菜新鮮，配上少許麪包糠，一流開胃前菜。🔥追加火焰法式焦糖燉蛋 & 朱古力tiramisu$25侍應點下火焰，隨即冒出熊熊紅紅火焰同花火，效果震撼，外層焦糖面夠哂薄脆，食落好重奶味同埋蛋香，細細一件tiramisu為這豐盛的晚餐，劃上完美的句號。

餐廳格局明亮光猛，而且樓底甚高。牆邊有火焰裝飾，切合返餐廳主題🔥很好氣氛。午市套餐由$78-$188，選擇眾多，包括餐湯或沙律，主菜同餐飲。我同先生每人點了一個套餐。🎃南瓜湯濃稠又香甜🍞小餐包鬆軟，上枱嘅時候仲係暖暖地🥗蔬菜新鮮，而且種類多，絕不單調。🐂我揀咗炭烤澳洲M4西冷配燒汁($188)牛扒上烤上誘人嘅Grilled Mark，生熟程度剛好，外焦脆內嫩滑，肉味香濃。配菜嘅紅蘿蔔仔🥕好得意， 好似一粒粒波子，十分鮮甜。🐏先生揀咗炭烤羊架配燒汁（$178）由於我唔食羊肉嘅關係，先生話俾我聽佢塊羊扒富炭燒香，軟腍得嚟有咬口。調味燒汁如果可以加上薄荷醬或芥辣嘅話會更理想。🍟炸薯條脆卜卜，熱辣辣，不知不覺會全部食晒😋💖必點嘅係佢哋嘅甜品-火焰法式焦糖燉蛋（$88）吸精度十足！店員細心地提醒我哋可以用slow-mode嚟拍出最佳效果🎥好似變魔法一樣，店員一點火，包住燉蛋嘅特製紙張就「逢！」一聲燒起上嚟🔥熊熊烈火熄滅之後，焦糖燉蛋就呈現喺我哋嘅眼前🍮香脆嘅焦糖面，可輕輕敲出聲音，燉蛋滑捋捋，充滿奶香味。溫馨小提示：去1-3樓嘅餐廳用扶手電梯直上就可以，唔使排隊等𨋢🛗