聯發茶餐廳

Open Now

Now Closed

聯發茶餐廳最出名既一定係佢哋滑蛋！同埋聽聞發哥都會黎食🤫有冇機會撞到發哥呢🤭   1️⃣ 炭火叉燒飯（$98） 個滑蛋好靚😍顏色係偏橙黃，食落好香蛋味。面頭既叉燒帶蜜香，配埋滑蛋正！  2⃣️滑蛋蔥花叉燒飯（$78） 都係滑蛋同叉燒既組合😂但係呢款就係滑蛋同叉燒加埋蔥花、洋蔥炒埋一齊既。反而覺得呢款好食過炭火果款。呢款個蛋感覺更加濕潤同埋嫩滑，而且多啲配料又感覺滿足啲。淋上佢地既甜䜴油更加好食😋  3⃣️ 炸餐肉條配蛋黃醬（$32） 幾特別，個樣好似薯條咁。第一次食炸餐肉條，仲要係間咁傳統既茶餐廳到食。餐肉條鹹鹹地，面頭灑上啲糖，甜甜鹹鹹幾過癮，仲有蛋黃醬點。   4️⃣法蘭西多（$34） 茶餐廳一定要叫西多士啦😀西多士好厚，入面搽左層花生醬，花生醬係帶粗粒花生既果款，面頭仲有塊牛油，慢慢溶下溶下，再淋埋糖漿，唔會有人唔鍾意食啦🤤  5️⃣凍奶茶（+$2） 果然係老字號茶餐廳，茶濃，係我鐘意既港式奶茶！  

這家茶餐廳提供的美食不僅令人驚艷，價格也非常親民！我們今天早上去試了他們的招牌菜，多士和火腿通粉湯😛早餐$48多士的厚度令人驚喜，每一片都非常厚實，外層酥脆，內部鬆軟，絕對是早餐的完美選擇。而火腿通粉湯的濃郁程度更是出乎意料，每一口都能品味到湯底的豐富味道，令人回味無窮。炭火叉燒炒蛋飯$98叉燒的肥瘦適中，入口即溶，咬下去時肉質鮮嫩多汁，絕對是肉食愛好者的最愛。滑蛋的口感十分滑嫩，與叉燒飯搭配得天衣無縫。此外，他們精心調配的豉油更是為整道菜增添了獨特的風味。很明顯，這家茶餐廳的美食吸引了大量的食客，每天門口都排滿了人。無論是價格還是口味，他們都做到了極致。如果你想品嚐美味的美食我們推薦這家店，相信你也會愛上他們的美食😇 @luenfat2014

想試聯發嘅叉燒飯好耐，今日系平日夜晚去，都有一定嘅客流。雖然話系茶餐廳，菜式款式好新穎，吾會得我地平時去茶餐廳食戈啲款，見到有炸午餐肉條、櫻花蝦鮮蝦炒飯🦐更有日式丼飯😆蔥花玉子牛丼🐮滑蛋照燒雞扒丼🐔✿ 炭火叉燒飯 $98叉燒真系香港好傳統又受歡迎嘅燒味款式，食親一定食叉雞飯🤩炭火叉燒燒出黎真材實料，香甜爽口，肉質做到軟硬度剛好，加上焦糖燶邊少脆。雞蛋可選太陽蛋或炒蛋🥚炒蛋滑溜。加埋豉油同叉燒港式風味十足🇭🇰✿ 漩渦蛋包西炒飯 $88雞蛋部分漩渦形狀好打卡feel🌀質感滑溜，蛋香味重💛西炒飯相信好多人食過，濃郁蕃茄甜香🍅加上腸仔粒，炒飯做到乾身且粒粒分明。✿ 凍奶茶 $26去茶餐廳最中意飲奶茶，天氣咁熱🔥緊系仲要凍奶茶先夠正🧊牛奶同紅茶比例均勻。

♡ 九龍城地道茶記｜聯發茶餐廳 ♡-呢一間茶餐廳有不少名人都幫襯過～例如發哥、軒仔、林明禎等等🤣最重要係唔係剩係得明星效應，茶餐廳真係有真材實料✨👍- ♡ 法蘭西多士 ♡ $32法蘭西多士可以自由配上最多兩球嘅雪糕。每球加$10 😋 分別有曲奇、朱古力同雲呢拿。多士煎得好香脆，加埋曲奇雪糕，有甜鹹交替、冷熱融合嘅口感。🤣-♡ 炭火叉燒飯 ♡ $98🫶呢個一定要食‼️叉燒份量好多 賣相極為吸引，好入味，肉質又好腍身，真係好好味 🤩 下面嘅滑蛋仲好嫩滑呀，連埋叉燒一齊食 越食越過癮✨-♡ 沙嗲牛肉x香腸 出前一丁 ♡ $48黎到茶餐廳，梗係要食沙嗲牛肉麵啦！麵質一流，而且軟硬度適中。沙嗲牛肉同香腸都好正～～ -♡ 鴛鴦腸煲仔飯 ♡ $108冇諗過呢度都食到咁地道嘅煲仔飯膶腸同臘腸都好正 ～ 一啖飯配一啖腸，真係好滿足呢！👍-♡ 雪糕咖啡 ♡ $38見到poster好吸引，果然冇令我哋失望 打卡一流～ ❥#⇢店鋪資料：聯發茶餐廳 (九龍城)九龍城侯王道2-4號地下1號舖#-#hkig #hk #hkfoodie #hkgirl #foodie #hkfood #foodstagra

九龍城橫縱排列的街區裏藏匿著不少美食，這裏一向也以泰國菜和古早風味的菜式聞名。平時因為路程遙遠而少到此處，今天因為饞一碗靚靚正正的叉燒飯跋山涉水而來。港式熱奶茶風味濃郁，算得上奶茶裏的優等生，也匹配得上老牌茶餐廳的水準。這裏的招牌炭火叉燒蛋飯（可選太陽蛋或炒蛋）其實炭火味並不濃厚，肉質偏瘦，但火候和焦糖味還是把握得相當精準，呈現的是樸實又傳統的叉燒風味。沙嗲牛出前一丁倒是挺令人驚喜，沙嗲湯底味足而不膩，香甜而不黏稠，面底柔軟仍保有略微勁道，容易入口。小時候不舒服或者鬧情緒的時候，長輩總會捧上一些家鄉特有的食物用以緩解身體或情緒上的不適，對我來說可能是蠔仔粥、面線糊一類湯湯水水容易吞咽的食物。長大了以後了解到這類食物也有個專有名詞——comfort food，中文有好幾種翻譯，而個人認為最恰當的可能是「治愈料理」。我想叉燒飯、沙嗲牛面也算是在香港人心中的comfort food？往往是這樣淳樸、古早的味道和烹飪方法能帶出撫慰人心的力量。在香港已經跨過第11個年頭的自己，好像漸漸也把這些飯菜當作comfort food了。「最向往的時光，是一如既往就好。」

上網見報導講周潤發最喜愛嘅茶餐廳，就入去試吓啦炭火叉燒飯 $68叉燒好好味，好冧，就算冇咩肥膏都唔靭，啲蜜汁都好適中，唔會落太多搞到蜜汁搶晒啲肉味，但豉油真係少得可憐，撈飯都撈唔到，如果下次再食一定要叫佢多豉油，同埋明明有一大粒燒到成粒炭咁，都照放上碗😓漩渦蛋包西炒飯 $78賣相非常之靚，但食落口都只係一碟超普通嘅西炒飯，仲要咁貴一碟，完全唔抵食，味道比較偏淡，如果唔係為打卡影相，真心唔建議叫依個食

一直都好鐘意食港式野，所以經常都會食叉燒飯、茶餐、特餐！呢間聯發一早聽過，難得同媽咪黎到九龍城決定要會一會佢！聯發既叉燒飯係幾出色，一上檯見到叉燒厚到成塊扒咁厚真係食慾大增，由於媽咪唔食生蛋所以轉左煎熟蛋，但我相信有蛋黃準會厭正叉燒厚得黎唔鞋，叉飯有兩個size 大碗$68，細碗$55，留意得大碗先有蛋同菜，雖然有d貴，但叉燒份量真係幾多，值回票價！特餐炒蛋好滑，而且多士係我鐘意既厚多士但跟餐意粉既叉燒相比叉燒飯薄好多而且乾身，如果想食好味叉燒絕對建議叫飯！

放工和同事去左法國醫院探病後已經差不多晚上7點半, 近近地去九龍城搵食。行左幾條街都無乜頭緒, 可能又唔太肚餓。有幾間新開的小店, 可惜也是滿滿人龍, 最後吸引左我地係入一間茶餐廳, 原因係推介炭火叉燒飯。餐廳叫, 與其他茶記無礙, 但十分光猛而且地方亦乾淨。餐牌食物款式唔算好多, 不過入得去真係想去試食炭火叉燒飯。叉燒飯有大及細, 大的$68, 細的$55, 價錢不包飲品。老實講, 價錢真係貴。但講到咁出名，我和同事最後叫了一個大炭火叉燒飯及快餐(炒蛋,牛油多士配熱奶茶)快餐(炒蛋,牛油多士配熱奶茶)牛油多士是用上厚多士, 炒蛋好大份,炒得好滑,蛋味濃。熱奶茶因為怕訓唔著, 只飲了幾啖。無想過咁香咁滑,好好味。炭火叉燒飯最期待的炭火叉燒飯, 上枱時擺得好靚, 加上顏色鮮艷。紅色=叉燒, 黃色=蛋黃, 白色=蛋白, 綠色=菜心。厚叉燒有8片, 肥瘦適中，肉質好淋身, 做得出色。還配有一隻太陽蛋和一條菜。食後感覺不錯, $68未免貴了一點, 如果可以配埋飲品, 成為套餐相信更吸引客人。

其實九龍城真係有好多好野食，大部分都係小店，係一個少有的區域未被連鎖餐廳攻陷。星期六晏左起身過哂午餐時間，就決定黎茶餐廳，食物都係全日供應，過左午餐時間都冇所謂。茶記就梗係唔少得常餐啦！太肚餓掛住食都冇影多士炒蛋。但牛油多士好厚好正，烘得好脆，牛油啱啱好。炒蛋唔會油，但略嫌散左啲，但夠哂滑！沙爹鮮牛肉出前一丁，簡直係茶記必選，呢度亦冇令我失望，份量又夠，最緊要係沙爹味濃，微辣，夠哂味，出前一丁亦煮得啱啱好。好多一般的茶記真係連出前一丁都煮得差架。本想試呢度的滑蛋蔥花叉燒飯，可惜是日冇供應。改左叫炭火叉燒飯，可以揀大或小，大的會有煎蛋一隻，我食的係小。真係比較細碗，但甜豉油自己落，鐘意幾多落幾多。叉燒好厚切，但略嫌太瘦，如果多啲半肥瘦會好食啲。唔太食到炭火燒的香味，同一般叉燒冇乜分別。整體一般。茶記就係食個份本土味道，服務從來都係唔好，但亦係特色之一，坐又例牌要搭抬，但就係最香港的餐廳，久唔久就係會想食。

每逄見到叉燒蛋飯，都會好想食同即刻叫，但今次係聯發茶餐廳見到，我都考慮咗一陣，因為覺得有啲貴($68) ，但又未去到明蛛閣$9X這類價錢。諗咗一陣都係叫咗，因為個名同張海報都相當吸引。送到面前雖然話$68蚊，但我都覺得可以的，因為叉燒份量多又淋又好食，試吓都無妨，但如果送杯飲品就會覺得抵啲。開始食的時候發覺碗飯無豉油汁，原來有支豉油另外上的，加埋豉油汁就相當好食。

懶洋洋的星期六下午，的起心肝去九龍城行一行，搵啲美食醫一醫肚，經過聯發茶餐廳，想不到一間外表看似平凡的茶餐廳外邊係需要排一陣隊先有得入內進食架叫咗個快餐、特餐加多碗叉燒飯個炒蛋真係冇得頂，生熟比例好好，咬落好軟滑，又有少少，而且蛋味十分之濃郁，對蛋冇乜研究，但係我知道應該用啲比較靚嘅蛋炒出嚟先咁有蛋味！至於片多士（厚多士，因為真係幾厚身呀嘛 ）上枱嗰時，本來我見佢咁厚有點擔心，怕外面脆，裏面其實幾韌。食落先知呢個擔心其實係多餘嘅，成個麵包多士一口咬落去可以咬到底，好夠熱好夠脆，而且啲牛油溶晒入去好香口。老公叫嘅係特餐，有個沙嗲牛肉湯意粉，我都有食兩啖，發現佢個意粉湯係比平時出面茶餐廳濃郁，所以個意粉食落都幾夠味了。奶茶方面，茶香奶滑！重頭戲就是呢個炭火叉燒飯，冇想過可以在茶餐廳食到一個極品級嘅叉燒飯！餐廳的圖片真係冇誇張，個實物真係有勁多片叉燒，隻蛋真係煎得好靚仔。叉燒切得幾厚身，食落啖啖肉好正，有肥有瘦，微甜嘅豉油同埋半生熟嘅煎蛋先係靈魂所在，豉油引發左飯嘅香甜，而蛋黃撈埋叉燒同飯一齊食係呢個叉燒飯增添左一層滑溜的口感同濃郁的蛋香，呢個組合實在太令我嘅味蕾感動了！