肥姐蠔餅婆

Open Now

Now Closed

又係做孤獨的美食家既時候啦，中午放飯係元朗食左午餐覺得唔多夠喉，諗起呢間元朗都幾多人講起既蠔餅婆，就諗住買份蠔餅食下吧。肥姐中午2點開檔，有時會早少少，我今日行過未夠2點都已經有人買緊，呢度除左蠔餅仲有無骨鳳爪，飲品有紫貝天葵，雞骨草呢d涼茶賣，咁就唔怕熱氣啦。炸蠔餅蠔餅似係用炸既方式做，主要用粉漿加蠔仔，即叫即做新鮮熱辣，落單後5分鐘左右就食得，鐘意芫荽既朋友可要求落多d，唔鐘意就開聲講唔要啦，炸蠔餅新鮮做起好香口，相對比較油膩，蠔仔份量唔算好多，有時一啖入口都係炸粉，不過味道尚算唔錯，加埋佢既秘制辣汁味道更升華，我係即場加完拎走的後悔無叫肥姐俾多包我。食完覺得都要叫還可以，40蚊一份唔貴間中食下都ok，但好驚豔又唔算，叫做平平地食份蠔餅過下口癮。

喺元朗食完嘢行過呢間蠔餅店，朋友話幾出名同埋幾好食，於是就叫咗一件share試吓。雖然食完晚餐，但都要買件嚟試吓先。冇人排隊，小店得一個呀姐，蠔餅即叫即煎，$40件，留意番叫4件都係$160即係冇平到😂所以我哋都係叫一件試吓算。蠔餅大小適中，都唔係太細件，2個人share都ok的，新鮮煎起熱辣辣仲好香。熱辣辣食落口就唔係太油，好多蔥好香，蠔肉幾鮮味，個蠔餅唔算太多炸粉，個蠔餅少少辣，不過都ok。

星期日下午4點幾經過，見到大排長龍就打算試吓！由於係老闆娘自己炸自己賣，所以一塊一塊炸都需要少少時間！先排隊，後order！先跟人龍排，當差不多到你嘅時候，老闆娘就會問你要幾多塊同外賣定即刻食！想趁熱食，所以就叫咗一塊即刻食！唔食芫茜所以走咗茜！$40一塊炸蠔餅，份量剛好！到手後等咗5分鐘先食，略嫌似翻炸所以有少少硬，不過其實個粉漿都好好味！加上好多蠔，所以都好正！重點係佢個自家秘制辣汁超辣，但拼埋蠔餅食就超惹味！極力推介！此外，仲點咗一份泰式鳳爪，佢包酸辣汁係另上！除咗鳳爪好似食極都有，伴菜仲有醃洋蔥！本來好怕食生洋蔥，但估唔到洋蔥加酸汁可以醃到無洋蔥嘅青味！所以呢份泰式鳳爪$40都好抵食同好推介！

一個悠閑嘅黃昏時段，經過人來人往嘅教育路，徘徊緊去B仔度吉串魚蛋定係肥姐度食炸蠔餅之際，最後因為午餐食唔飽，都係去食炸蠔餅比較滿足，由於時間尚早，排隊嘅人只有小貓三四隻，好快就到我點嘢食，其實喺元朗住左咁耐，都未食個肥姐嘅炸蠔餅，講起上黎都有啲慚愧，最後買咗一份炸蠔餅，盛為＄28 ，站立堂食。炸蠔餅皮脆內軟，蠔仔大粒，可以叫做蠔哥，唔係蠔仔，同埋冇平時食炸蠔餅嗰種好厚嘅粉漿感覺，加埋泰式嘅酸辣醬，酸酸辣辣嘅炸蠔餅特別惹味，唔鍾意食芫荽嘅朋友，點餐嘅時候記得同佢講走芫荽，臨走前仲要買返一支$25 嘅五花茶中和炸蠔餅嗰種嘅熱氣，減低自己嘅罪惡感。

今天過來元朗買東西（嗚嗚嗚結果都是買不到😭），順便來吃美食當午餐（結果為下午茶🤣）上網看見網友力推這間小店的蠔餅，於是決定過來一嚐。到達小店時已是下午三時，卻看見店面上寫着營業時間是下午三時半，而老闆娘肥姐（其實很苗條😆）亦作準備中，我心裏正忐忑着究竟小店是否準時下午三時半才開，旁邊一對情侶已上前問老闆娘，得知等一會兒便行。（請原諒龜太害羞及膽小😂）我在附近走了一會兒（事實上是尋找其他美味🤣），然後再回到店面時已開始排隊（龜排第四，慶幸不是等待太久😬）細心的老闆娘會在差不多完成炸蠔餅時，詢問是否需要加芫荽，我當然是不需要，同時亦買了一樽豆漿。即叫即炸的蠔餅當然美味，老闆娘用了很多蠔仔來製作，所以每吃一口都是蠔仔😋蠔仔鮮甜，餅夠脆口，不像一般潮州店舖所吃的那麼油👍🏻，青蔥酥脆又香，加上秘製辣醬又是另一滋味，雖然挺辣，但總讓人忍不住一口接一口地吃😋豆漿原來是某牌子的豆漿，有點失望。沒辦法，誰叫我除生病外就不喝涼茶呢！（這店有老闆娘自製的清熱涼茶👍🏻）吃完蠔餅的我已飽了，果然足料👍🏻下次再想吃蠔餅時，一定會來這兒😋再不去潮州打冷店吃油膩的蠔餅😏

昨天朋友們特意來屯門，元朗 找我美食遊，作為該區居民的我當然好好充當大家的導遊，介紹一下本區的美食。(自己也一齊吃，哈哈!) 其實我一直很想吃肥姐蠔餅婆的炸蠔餅，不過每次我都吃太飽，吃不了。朋友說想吃蠔餅，我當然立刻介紹肥姐蠔餅婆，一起分享吧。朋友說蠔餅的份量與價錢都成正比，不會太小，而且滿顆蠔仔都挺飽滿的，也有鮮味。蠔餅沒有使用任何調味，都是靠蠔仔與青蔥等食材提味，不過如果愛吃辣的就可以像我們添加辣汁，增添惹味程度。朋友認為蠔仔餅雖炸得香脆，但有點鬆散，少許油膩，如以上都能改善的話，就可成為完美的蠔餅。