新香園 (堅記)

Open Now

Now Closed

今日黎到深水埗，但又太遠唔想行去食蝦子撈，上黎開飯搵野食，見到新香園過百like，一於去試下！去到坐低望住餐牌，好耐無食過炸醬麵，所以雖然唔係各巴打推介食品，都叫左碗黎食下。麵好爽身，梘水味唔重，炸醬肉嫩有肉汁，但覺得唔夠味唔夠辣，個湯亦係味道不足，有啲可惜。試完個麵，當然試埋個馳名蛋牛治啦！牛肉咸淡適中，肉嫩多汁夠份量，而可能因為牛肉多，食落覺得無乜蛋味。最後飲埋支大可樂，五十蚊食到飽飽，整體都算唔錯。

黎到深水埗，就唔可以唔黎試下香港地道美食，馳名蛋牛治，同fd咁岩係個頭做完野，都成十二點，依間舖其中一個好處就係佢開到凌晨。咁去到我就叫左個蛋牛治同炸醬麵再加杯凍奶茶，依個組合真係夠經典。個蛋牛治真係幾好食好入味，炸醬麵都ok既，但個問題就出係杯凍奶茶到，好甜好似飲緊杯糖漿咁，冇咩分別。依間舖真係野食ok，不過野飲就睇運氣